ﺋﺎﺳﺎﺳﻰ ﺑﺎﺳﻘﯘﭼﻼﺭ

ﺑﯘ ﻗﯩﺴﯩﻤﺪﯨﻜﻰ ﻣﻪﺯﻣﯘﻧﻼﺭ ﻛﯩﻤﻠﻪﺭﻧﯩﯔ ﺋﻮﻗﯘﺷﯩﻐﺎ ﻣﺎﺱ ﻛﯧﻠﯩﺪﯗ؟
ﺑﯘ ﻗﯩﺴﯩﻤﺪﯨﻜﻰ ﻣﻪﺯﻣﯘﻧﻼﺭﻧﻰ ﭼﻪﺗﺌﻪﻟﮕﻪ ﭼﯩﻘﯩﺸﻘﺎ ﻗﯩﺰﯨﻘﯩﺪﯨﻐﺎﻥ ﯞﻩ ﭼﯩﻘﯩﺸﻘﺎ ﺗﻪﻳﻴﺎﺭﻟﯩﻖ ﻗﯩﻠﯩﯟﺍﺗﻘﺎﻧﻼﺭ ﺋﻮﻗﯘﺳﺎ ﺑﻮﻟﯩﺪﯗ.

ﺑﯘ ﻣﻪﺯﻣﯘﻧﻼﺭﻧﯩﯔ ﻛﯚﭘﯩﻨﭽﯩﺴﻰ ﻣﯧﻨﯩﯔ ﺑﯩﻠﯩﺪﯨﻐﺎﻧﻠﯩﺮﯨﻢ ﯞﻩ ﺷﻪﺧﺴﻪﻥ ﻛﯚﺯ - ﻗﺎﺭﺍﺷﻠﯩﺮﯨﻢ ﺋﺎﺳﺎﺳﯩﺪﺍ ﻳﯧﺰﯨﻠﻐﺎﻥ. ﺑﯘﻻﺭ ﻫﻪﺭﮔﯩﺰﻣﯘ ﺑﯩﺮ ﺋﻮﺭﮔﺎﻥ ﻳﺎﻛﻰ ﻣﯘﺗﻪﺧﻪﺳﺴﯩﺲ ﺗﻪﺭﯨﭙﯩﺪﯨﻦ ﺗﻪﻫﺮﯨﺮﻟﯩﻨﯩﭗ ﺋﯚﻟﭽﻪﻣﻠﻪﺷﺘﯜﺭﯛﻟﮕﻪﻥ ﻣﻪﺯﻣﯘﻧﻼﺭﻏﺎ ﯞﻩﻛﯩﻠﻠﯩﻚ ﻗﯩﻠﻤﺎﻳﺪﯗ. ﺷﯘﯕﺎ ﺋﻮﻗﯘﺭﻣﻪﻧﻠﻪﺭﻧﯩﯔ ﺑﯘ ﻳﻪﺭﺩﻩ ﺩﯦﻴﯩﻠﮕﻪﻥ ﮔﻪﭘﻠﻪﺭﻧﻰ ﺋﯚﺯ ﭘﯧﺘﯩﭽﯩﻼ ﻗﻮﺑﯘﻝ ﻗﯩﻠﯩﯟﺍﻟﻤﺎﺳﻠﯩﻘﯩﻨﻰ، ﺋﯚﺯ ﺋﺎﻟﺪﯨﻐﺎ ﭘﯩﻜﯩﺮ ﻳﯜﺭﮔﯜﺯﯛﭖ، ﻗﺎﻳﺴﻰ ﺗﻪﺭﻩﭘﻠﯩﺮﻯ ﺋﯚﺯﯨﮕﻪ ﻣﺎﺱ ﻛﯧﻠﯩﺪﯗ، ﻗﺎﻳﺴﻰ ﺗﻪﺭﻩﭘﻠﯩﺮﻯ ﻣﺎﺱ ﻛﻪﻟﻤﻪﻳﺪﯗ ﺋﻮﻳﻠﯩﻨﯩﭗ ﺑﯧﻘﯩﭗ ﺋﺎﻧﺪﯨﻦ ﺋﯚﺯﻟﻪﺷﺘﯜﺭﯛﺷﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ.

ﻣﯘﻫﯩﻢ ﻧﯘﻗﺘﯩﻼﺭ

ﺋﺎﻣﯧﺮﯨﻜﯩﻐﺎ ﭼﯩﻘﯩﭗ ﺋﻮﻗﯘﺷﻨﯩﯔ ﺋﺎﺳﺎﺳﻰ ﺑﺎﺳﻘﯘﭼﻠﯩﺮﻯ

ﺋﺎﻣﯧﺮﯨﻜﯩﻐﺎ ﭼﯩﻘﯩﭗ ﺋﻮﻗﯘﺵ ﺋﺎﺭﺯﯗﺳﯩﺪﯨﻜﻰ ﻛﯚﭖ ﻗﯩﺴﯩﻢ ﺋﻮﻗﯘﻏﯘﭼﯩﻼﺭﻧﯩﯔ ﺋﺎﻣﯧﺮﯨﻜﯩﺪﺍ ﻣﺎﮔﯩﺴﺘﯩﺮ (Master) ﻳﺎﻛﻰ ﺩﻭﻛﺘﯘﺭ (PhD) ﺋﺎﺳﭙﯩﺮﺍﻧﺘﻠﯩﻘﺘﺎ ﺋﻮﻗﯘﺷﻨﻰ ﺋﺎﺭﺯﯗ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻛﯚﺯﺩﻩ ﺗﯘﺗﯘﭖ، ﻛﯚﭖ ﻗﯩﺴﯩﻢ ﻣﻪﺯﻣﯘﻧﻼﺭ ﻗﺎﻧﺪﺍﻕ ﻗﯩﻠﯩﭗ ﺋﺎﻣﯧﺮﯨﻜﯩﺪﯨﻜﻰ ﺋﯘﻧﯩﯟﯦﺮﺳﯩﺘﯧﺘﻼﺭﻧﯩﯔ ﺋﺎﺳﭙﯩﺮﺍﻧﺘﻼﺭ ﻣﻪﻛﺘﯩﭙﻰ (graduate school) ﮔﻪ ﺋﯩﻠﺘﯩﻤﺎﺱ ﻗﯩﻠﯩﭗ ﻛﯩﺮﯨﺸﻨﻰ ﭼﯚﺭﯨﺪﯨﮕﻪﻥ ﻫﺎﻟﺪﺍ ﺑﺎﻳﺎﻥ ﻗﯩﻠﯩﻨﺪﻯ. ﻟﯧﻜﯩﻦ ﺑﯘ ﻣﻪﺯﻣﯘﻧﻼﺭﻧﯩﯔ ﻧﯘﺭﻏﯘﻧﻠﯩﺮﯨﻨﻰ ﺋﺎﻣﯧﺮﯨﻜﯩﺪﺍ ﺗﻮﻟﯘﻕ ﻛﯘﺭﺳﺘﺎ ﺋﻮﻗﯘﺷﻘﺎ ﺗﻪﺩﺑﯩﻘﻼﺷﻘﯩﻤﯘ ﺑﻮﻟﯩﺪﯗ.

ﺋﺎﻣﯧﺮﯨﻜﯩﻐﺎ ﭼﯩﻘﯩﭗ ﺋﻮﻗﯘﺷﻨﻰ ﭼﻮﯓ ﺟﻪﻫﻪﺗﺘﯩﻦ ﺗﯚﯞﻩﻧﺪﯨﻜﯩﺪﻩﻙ ﺑﺎﺳﻘﯘﭼﻼﺭﻏﺎ ﺑﯚﻟﯜﺷﻜﻪ ﺑﻮﻟﯩﺪﯗ:

  1. ﻧﯩﺸﺎﻧﻨﻰ ﺑﻪﻟﮕﯩﻠﻪﺵ
  2. ﺋﯩﻨﮕﯩﻠﯩﺰ ﺗﯩﻠﻰ ﺋﯩﻤﺘﯩﻬﺎﻧﻠﯩﺮﯨﻨﻰ ﺑﯧﺮﯨﺶ
  3. ﻣﻪﻛﺘﻪﭖ ﺗﺎﻟﻼﺵ
  4. ﺋﯩﻠﺘﯩﻤﺎﺱ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺗﻪﻳﻴﺎﺭﻻﺵ
  5. ﻣﻪﻛﺘﻪﭘﻠﻪﺭﮔﻪ ﺋﯩﻠﺘﯩﻤﺎﺱ ﻳﻮﻟﻼﺵ
  6. ﭘﺎﺳﭙﻮﺭﺕ ﺋﯧﻠﯩﺶ
  7. ﯞﯨﺰﺍ (visa) ﺋﯧﻠﯩﺶ
  8. ﺳﻪﭘﻪﺭ ﺗﻪﻳﻴﺎﺭﻟﯩﻘﻰ

ﺑﯘﻧﯩﯔ ﺋﯩﭽﯩﺪﯨﻜﻰ ﺑﯩﺮﯨﻨﭽﻰ ﺑﺎﺳﻘﯘﭺ ﺗﻮﻏﺮﯨﺴﯩﺪﺍ ﻛﯧﻴﯩﻨﻜﻰ ﺋﺎﺑﺰﺍﺳﺘﯩﻦ ﺑﺎﺷﻼﭖ ﺗﻪﭘﺴﯩﻠﯩﻲ ﭼﯜﺷﻪﻧﭽﻪ ﺑﯧﺮﯨﭗ ﺋﯚﺗﯩﻤﻪﻥ. ﻗﺎﻟﻐﺎﻥ ﻫﻪﺭ ﺑﯩﺮ ﺑﺎﺳﻘﯘﭼﻼﺭﻧﯩﯔ ﺗﻪﭘﺴﯩﻠﯩﻲ ﻣﻪﺯﻣﯘﻧﻠﯩﺮﯨﻨﻰ ﺋﻮﯓ ﺗﻪﺭﻩﭘﺘﯩﻜﻰ ﺗﯩﺰﯨﻤﻠﯩﻚ ﺋﯩﭽﯩﺪﯨﻦ ﺋﯘﻳﻐﯘﻥ ﻛﯧﻠﯩﺪﯨﻐﯩﻨﯩﻨﻰ ﭼﯧﻜﯩﭗ ﻛﯩﺮﯨﺶ ﺋﺎﺭﻗﯩﻠﯩﻖ ﻛﯚﺭﻩﻟﻪﻳﺴﯩﺰ. ﺑﯘ ﺑﻪﺗﺘﻪ ﻳﻪﻧﻪ ﺋﺎﻣﯧﺮﯨﻜﯩﻐﺎ ﭼﯩﻘﯩﭗ ﺋﻮﻗﯘﺷﻨﯩﯔ ﻗﻪﺩﻩﻡ ﺑﺎﺳﻘﯘﭼﻠﯩﺮﯨﻨﻰ ﯞﺍﻗﯩﺖ ﺗﻪﺭﺗﯩﭙﻰ ﺑﻮﻳﯩﭽﻪ ﺗﯩﺰﯨﭗ ﭼﯩﻘﻘﺎﻥ ﺑﯩﺮ ﺟﻪﺩﯨﯟﻩﻟﻨﯩﻤﯘ ﺗﻮﻧﯘﺷﺘﯘﺭﯗﭖ ﺋﯚﺗﯩﻤﻪﻥ.

<ﻣﯘﻫﯩﻢ ﻧﯘﻗﺘﯩﻼﺭﻏﺎ ﻗﺎﻳﺘﯩﺶ>

ﻧﯩﺸﺎﻧﻨﻰ ﺑﻪﻟﮕﯩﻠﻪﺵ

ﺑﯘ ﻳﻪﺭﺩﯨﻜﻰ ﻧﯩﺸﺎﻧﻨﻰ ﺑﻪﻟﮕﯩﻠﻪﺵ ﺩﯦﮕﯩﻨﯩﻤﯩﺰﺩﻩ، ﺋﯚﺯﯨﯖﯩﺰﺩﯨﻦ ﺗﯚﯞﻩﻧﺪﯨﻜﯩﺪﻩﻙ ﺳﻮﺋﺎﻟﻼﺭﻧﻰ ﺳﻮﺭﺍﭖ، ﺋﯘﻻﺭﻏﺎ ﺋﺎﻣﺎﻝ ﺑﺎﺭ ﺋﯧﻨﯩﻖ ﺟﺎﯞﺍﺏ ﺗﯧﭙﯩﺶ ﻛﯚﺯﺩﻩ ﺗﯘﺗﯘﻟﯩﺪﯗ:

  • ﻧﯧﻤﻪ ﺋﯜﭼﯜﻥ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﻳﻤﻪﻥ؟ ﻣﻪﻥ ﺯﺍﺩﻯ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺷﻘﺎ ﻣﺎﺱ ﻛﯧﻠﻪﻣﺪﯨﻤﻪﻥ؟
  • ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﭖ ﻧﯧﻤﯩﻠﻪﺭﮔﻪ ﺋﯧﺮﯨﺸﯩﺸﯩﻢ ﻣﯘﻣﻜﯩﻦ؟ ﻳﻪﻧﻪ ﻧﯧﻤﯩﻠﻪﺭﺩﯨﻦ ﻗﯘﺭﯗﻕ ﻗﺎﻟﯩﻤﻪﻥ؟
  • ﺋﻪﮔﻪﺭ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺷﻨﻰ ﻗﺎﺭﺍﺭ ﻗﯩﻠﻐﺎﻥ ﺑﻮﻟﺴﺎﻡ، ﻣﻪﻥ ﻗﺎﻧﺪﺍﻕ ﺷﻪﺭﺕ - ﺷﺎﺭﺍﺋﯩﺘﻼﺭﻧﻰ ﺋﯚﺯﻩﻣﺪﻩ ﻫﺎﺯﯨﺮﻟﯩﺸﯩﻢ ﻛﯧﺮﻩﻙ؟
  • ﻧﯧﻤﻪ ﺋﯜﭼﯜﻥ ﺋﺎﻣﯧﺮﯨﻜﯩﻐﺎ ﭼﯩﻘﯩﭗ ﺋﻮﻗﯘﻳﻤﻪﻥ؟ ﺋﺎﻣﯧﺮﯨﻜﯩﻐﺎ ﭼﯩﻘﻤﺎﻱ ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﭼﯩﻘﯩﭗ ﺋﻮﻗﯘﺳﺎﻣﻤﯘ ﺑﻮﻻﻣﺪﯗ؟
  • ﻗﺎﻳﺴﻰ ﻛﻪﺳﯩﭙﻨﻰ ﺗﺎﻟﻼﭖ ﺋﻮﻗﯘﺷﯘﻡ ﻛﯧﺮﻩﻙ؟
  • ﺩﻭﻛﺘﯘﺭﻟﯘﻗﺘﺎ ﺋﻮﻗﯘﻳﻤﯘ، ﻳﺎﻛﻰ ﻣﺎﮔﯩﺴﺘﯩﺮﻟﯩﻘﺘﯩﻤﯘ؟ ﺗﻮﻟﯘﻕ ﻛﯘﺭﺱ ﺋﻮﻗﯘﺳﺎﻣﻤﯘ ﺑﻮﻻﻣﺪﯗ؟

ﺑﯘ ﺳﻮﺋﺎﻟﻼﺭﻧﯩﯔ ﻫﻪﻣﻤﯩﺴﯩﮕﻪ ﭘﯜﺗﯜﻧﻠﻪﻱ ﺋﯧﻨﯩﻖ ﺟﺎﯞﺍﺑﻼﺭﻧﻰ ﺗﯧﭙﯩﭗ ﭼﯩﻘﯩﺶ ﺑﻪﻟﻜﯩﻢ ﺋﯘﻧﺪﺍﻕ ﺋﺎﺳﺎﻥ ﺋﯩﺶ ﺑﻮﻟﻤﯩﺴﺎ ﻛﯧﺮﻩﻙ. ﺷﯘﻧﺪﺍﻗﻼ ﻣﯘﺷﯘ ﺳﻮﺋﺎﻟﻼﺭﻏﺎ ﻧﺎﻫﺎﻳﯩﺘﻰ ﺋﯧﻨﯩﻖ ﺟﺎﯞﺍﺑﻼﺭﻧﻰ ﺗﯧﭙﯩﭗ ﭼﯩﻘﯩﭗ ﺋﺎﻧﺪﯨﻦ ﻛﯧﻴﯩﻨﻜﻰ ﻗﻪﺩﻩﻣﻨﻰ ﺑﺎﺳﯩﻤﻪﻥ ﺩﻩﭖ ﻳﯜﺭﯛﭖ، ﺑﯩﺮ ﺋﯩﺰﯨﺪﺍ ﺗﻮﺧﺘﺎﭖ ﻗﯧﻠﯩﺸﻤﯘ ﻣﯧﻨﯩﯖﭽﻪ ﺋﺎﻧﭽﻪ ﺋﺎﻗﯩﻼﻧﯩﻠﯩﻚ ﺑﻮﻟﻤﺎﺳﻠﯩﻘﻰ ﻣﯘﻣﻜﯩﻦ.

ﻣﻪﻥ ﺑﯘ ﻳﻪﺭﺩﻩ ﺳﯩﺰﻧﯩﯔ ﺑﯘ ﺳﻮﺋﺎﻟﻼﺭﻏﺎ ﺟﺎﯞﺍﺏ ﺗﯧﭙﯩﺸﯩﯖﯩﺰﻏﺎ ﭘﺎﻳﺪﯨﺴﻰ ﺑﻮﻟﯘﺷﻰ ﻣﯘﻣﻜﯩﻦ ﺩﻩﭖ ﻗﺎﺭﯨﻐﺎﻥ ﺑﻪﺯﻯ ﻛﯚﺯ ﻗﺎﺭﺍﺷﻠﯩﺮﯨﻤﻨﻰ ﺳﯩﺰﻧﯩﯔ ﭘﺎﻳﺪﯨﻠﯩﻨﯩﺸﯩﯖﯩﺰﻏﺎ ﺳﯘﻧﻤﺎﻗﭽﯩﻤﻪﻥ. ﺳﻮﺋﺎﻟﻼﺭﻏﺎ ﻗﺎﻧﺪﺍﻕ ﺟﺎﯞﺍﺏ ﺑﯧﺮﯨﺸﻨﻰ ﭘﻪﻗﻪﺕ ﺋﯚﺯﯨﯖﯩﺰﻻ ﺋﻪﺗﺮﺍﭘﻠﯩﻖ ﺋﻮﻳﻠﯩﻨﯩﭗ، ﭘﯩﻜﯩﺮ ﻳﯜﺭﮔﯜﺯﯛﺵ ﺋﺎﺭﻗﯩﻠﯩﻖ ﺑﻪﻟﮕﯩﻠﯩﻴﻪﻟﻪﻳﺴﯩﺰ، ﺑﺎﺷﻘﺎ ﻫﯧﭽﻜﯩﻢ ﺳﯩﺰ ﺋﯜﭼﯜﻥ ﺑﻪﻟﮕﯩﻠﻪﭖ ﺑﯧﺮﻩﻟﻤﻪﻳﺪﯗ ﻫﻪﻡ ﺑﯧﺮﻩﻟﻤﻪﺳﻠﯩﻜﻰ ﻛﯧﺮﻩﻙ.

ﺋﺎﯞﺍﻝ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺷﻨﯩﯔ ﭘﺎﻳﺪﯨﻠﯩﻖ ﺗﻪﺭﻩﭘﻠﯩﺮﻯ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﺑﺎﻗﺎﻳﻠﻰ. ﭼﻪﺗﺌﻪﻟﻠﻪﺭﺩﯨﻜﻰ ﻣﻪﻛﺘﻪﭘﻠﻪﺭ ﺩﯙﻟﻪﺕ ﺋﯩﭽﯩﺪﯨﻜﻰ ﻣﻪﻛﺘﻪﭘﻠﻪﺭﮔﻪ ﻗﺎﺭﯨﻐﺎﻧﺪﺍ ﺋﻮﻗﯘﻏﯘﭼﯩﻼﺭﻧﻰ ﻳﺎﺧﺸﯩﺮﺍﻕ ﺋﻮﻗﯘﺗﯘﺵ ﺋﻪﺳﻠﯩﻬﻪﻟﯩﺮﻯ، ﺋﻮﻗﯘﺗﯘﺵ ﯞﻩ ﺗﻪﺗﻘﯩﻘﺎﺕ ﺳﻪﯞﯨﻴﺴﻰ، ﯞﻩ ﺧﯩﺰﻣﻪﺕ ﺋﻮﺭﻧﻰ ﺑﯩﻠﻪﻥ ﺗﻪﻣﯩﻨﻠﯩﺸﻰ ﻣﯘﻣﻜﯩﻦ. ﭼﻪﺗﺌﻪﻟﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﺋﯚﺯﯨﯖﯩﺰﻧﯩﯔ ﻳﯧﯖﯩﻠﯩﻖ ﻳﺎﺭﯨﺘﯩﺶ ﯞﻩ ﺗﻪﺗﻘﯩﻘﺎﺕ ﺑﯩﻠﻪﻥ ﺷﯘﻏﯘﻟﻠﯩﻨﯩﺶ ﺋﯩﻘﺘﯩﺪﺍﺭﯨﯖﯩﺰﻧﻰ ﺗﯧﺨﯩﻤﯘ ﻳﺎﺧﺸﻰ ﻳﯧﺘﯩﻠﺪﯛﺭﻩﻟﯩﺸﯩﯖﯩﺰ ﻣﯘﻣﻜﯩﻦ. ﺳﯩﺰ ﺋﻮﻗﯘﻣﺎﻗﭽﻰ ﺑﻮﻟﻐﺎﻥ ﻛﻪﺳﯩﭙﺘﻪ ﺩﯗﻧﻴﺎﺩﺍ ﺋﺎﻟﺪﯨﻨﻘﻰ ﻗﺎﺗﺎﺭﺩﺍ ﺗﯘﺭﯨﺪﯨﻐﺎﻥ ﭘﺮﻭﻓﯧﺴﻮﺭﻻﺭﻧﯩﯔ ﻳﯧﺘﻪﻛﭽﯩﻠﯩﻜﯩﺪﻩ ﺋﻮﻗﯘﺷﯩﯖﯩﺰ ﻣﯘﻣﻜﯩﻦ. ﺋﯘﻧﺪﯨﻦ ﺑﺎﺷﻘﺎ، ﭼﻪﺗﺌﻪﻟﻠﻪﺭﺩﻩ ﺑﯘﺭﯗﻥ ﻛﯚﺭﯛﭖ ﺑﺎﻗﯩﻤﻐﺎﻥ ﻧﻪﺭﺳﯩﻠﻪﺭﻧﻰ ﻛﯚﺭﯛﭖ، ﺗﻮﻧﯘﺷﯘﭖ، ﻧﻪﺯﻩﺭ ﺩﺍﺋﯩﺮﯨﯖﯩﺰﻧﻰ ﺗﯧﺨﯩﻤﯘ ﻛﯧﯖﻪﻳﺘﻪﻟﯩﺸﯩﯖﯩﺰ ﻣﯘﻣﻜﯩﻦ. ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﻛﯧﻠﯩﭗ ﺋﻮﻗﯘﯞﺍﺗﻘﺎﻥ ﻫﻪﺭ ﺧﯩﻞ ﺋﯩﺨﺘﯩﺴﺎﺳﻠﯩﻖ ﯞﻩ ﺗﺎﻻﻧﺘﻠﯩﻖ ﻛﯩﺸﯩﻠﻪﺭ ﺑﯩﻠﻪﻥ ﺗﻮﻧﯘﺷﯘﭖ ﯞﻩ ﭘﯩﻜﯩﺮ ﺋﺎﻟﻤﺎﺷﺘﯘﺭﯗﭖ، ﺋﯘﻻﺭﻧﯩﯔ ﺋﺎﺭﺗﯘﻗﭽﯩﻠﯩﻘﻠﯩﺮﯨﻨﻰ ﻗﻮﺑﯘﻝ ﻗﯩﻠﯩﭗ، ﺋﯘﻻﺭﻧﯩﯔ ﺋﻮﺧﺸﺎﺵ ﺑﻮﻟﻤﯩﻐﺎﻥ ﭘﯩﻜﯩﺮ ﻗﯩﻠﯩﺶ ﺋﯘﺳﻠﯘﺑﻠﯩﺮﻯ ﺑﯩﻠﻪﻥ ﺗﻮﻧﯘﺷﯘﭖ، ﺋﯚﺯﯨﯖﯩﺰﻧﻰ ﺗﯧﺨﯩﻤﯘ ﻳﺎﺧﺸﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﺍﻟﯩﺸﯩﯖﯩﺰ ﻣﯘﻣﻜﯩﻦ. ﺑﺎﺷﻘﺎ ﺩﯙﻟﻪﺕ ﯞﻩ ﻣﯩﻠﻠﻪﺗﻠﻪﺭﻧﯩﯔ ﺋﯚﺭﭖ - ﺋﺎﺩﻩﺗﻠﯩﺮﻯ، ﭘﻪﻥ - ﻣﻪﺩﻩﻧﯩﻴﯩﺘﻰ ﯞﻩ ﺳﻪﻧﺌﯩﺘﻰ ﺑﯩﻠﻪﻥ ﺗﻮﻧﯘﺷﯘﭖ، ﺑﯘ ﺋﺎﺭﻗﯩﻠﯩﻖ ﺋﯚﺯﯨﯖﯩﺰﻧﻰ ﯞﻩ ﺋﯘﻳﻐﯘﺭﻻﺭﻧﻰ ﺗﯧﺨﯩﻤﯘ ﻳﺎﺧﺸﻰ ﺗﻮﻧﯘﭖ، ﺋﯚﺯﯨﯖﯩﺰﻧﻰ ﯞﻩ ﻣﯩﻠﻠﯩﺘﯩﯖﯩﺰﻧﻰ ﺗﯧﺨﯩﻤﯘ ﻳﺎﺧﺸﻰ ﻗﻪﺩﯨﺮﻟﻪﺷﻨﻰ ﺋﯚﮔﯩﻨﻪﻟﯩﺸﯩﯖﯩﺰ ﻣﯘﻣﻜﯩﻦ. ﺋﯘﻳﻐﯘﺭﻻﺭﻧﻰ ﺑﺎﺷﻘﺎ ﺩﯙﻟﻪﺕ ﺧﻪﻟﻘﻠﯩﺮﯨﮕﻪ ﺗﻮﻧﯘﺷﺘﯘﺭﺍﻟﯩﺸﯩﯖﯩﺰ ﻣﯘﻣﻜﯩﻦ. ﺋﯘﻧﺪﯨﻦ ﺑﺎﺷﻘﺎ ﺳﯩﺰ ﯞﻩ ﻣﻪﻥ ﺋﻮﻳﻼﭖ ﻳﯧﺘﻪﻟﻤﯩﮕﻪﻥ ﻳﺎﺧﺸﻰ ﭘﯘﺭﺳﻪﺗﻠﻪﺭﮔﻪ ﺋﯧﺮﯨﺸﯩﭗ ﻗﯧﻠﯩﺸﯩﯖﯩﺰﻣﯘ ﻣﯘﻣﻜﯩﻦ. ﺋﯚﺯﯨﯖﯩﺰﻧﯩﯔ ﺋﯩﺮﺍﺩﯨﺴﯩﻨﻰ ﺗﺎﯞﻻﭖ، ﻣﯘﺳﺘﻪﻗﯩﻞ ﻳﺎﺷﺎﺵ ﺋﯩﻘﺘﯩﺪﺍﺭﯨﯖﯩﺰﻧﻰ ﻳﯘﻗﯩﺮﻯ ﻛﯚﺗﯜﺭﻩﻟﯩﺸﯩﯖﯩﺰ ﻣﯘﻣﻜﯩﻦ. ﻣﻪﻥ ﺑﯘ ﻳﻪﺭﺩﻩ ﺑﺎﺷﺘﯩﻦ - ﺋﺎﺧﯩﺮ ﻣﯘﻣﻜﯩﻦ ﺩﯦﮕﻪﻥ ﺳﯚﺯﻧﻰ ﺋﯩﺸﻠﻪﺗﺘﯩﻢ، ﭼﯜﻧﻜﻰ ﺑﯘ ﻧﻪﺭﺳﯩﻠﻪﺭﻧﯩﯔ ﻫﻪﻣﻤﯩﺴﯩﮕﻪ ﭼﻮﻗﯘﻡ ﺋﯩﮕﻪ ﺑﻮﻻﻻﻳﺴﯩﺰ ﺩﻩﭖ ﻫﯧﭽﻜﯩﻢ ﺋﯧﻴﺘﺎﻟﻤﺎﻳﺪﯗ.