( ﺋﺎﺳﺎﺳﻰ ﺑﺎﺳﻘﯘﭼﻼﺭ › 2-ﺑﻪﺕ )
ﺋﻪﻟﯟﻩﺗﺘﻪ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺷﻨﯩﯔ ﻫﻪﻣﻤﯩﻼ ﺗﻪﺭﯨﭙﻰ ﻳﺎﺧﺸﻰ ﺑﻮﻟﯩﯟﻩﺭﻣﻪﻳﺪﯗ. ﺋﯚﺯﯨﯖﯩﺰﮔﻪ ﻧﺎﺗﻮﻧﯘﺵ ﺑﯩﺮ ﺩﯙﻟﻪﺗﺘﻪ، ﻧﺎﺗﻮﻧﯘﺵ ﺑﯩﺮ ﻣﯘﻫﯩﺖ ﺋﯩﭽﯩﺪﻩ ﻳﺎﺷﺎﭖ، ﺑﯘ ﺧﯩﻞ ﻣﯘﻫﯩﺘﻘﺎ ﺋﯚﺯﯨﯖﯩﺰﻧﻰ ﻛﯚﻧﺪﯛﺭﯛﺷﯩﯖﯩﺰﮔﻪ ﺗﻮﻏﺮﺍ ﻛﯧﻠﯩﺪﯗ. ﺑﻪﺯﻯ ﺟﻪﻫﻪﺗﺘﯩﻦ ﻗﻮﻻﻳﻠﯩﻘﻼﺭﻏﺎ ﺋﯧﺮﯨﺸﺴﯩﯖﯩﺰﻣﯘ، ﻳﻪﻧﻪ ﺑﻪﺯﻯ ﺟﻪﻫﻪﺗﻠﻪﺭﺩﯨﻦ ﺑﺎﺷﻘﯩﻼﺭ ﺑﯩﻠﻪﻥ ﺑﯩﻠﻪﻥ ﺑﻮﻟﻐﺎﻥ ﺭﯨﻘﺎﺑﻪﺗﺘﻪ ﺳﯩﺰﻧﻰ ﭘﺎﻳﺪﯨﺴﯩﺰ ﺋﻮﺭﯗﻧﻐﺎ ﭼﯜﺷﯜﺭﯛﭖ ﻗﻮﻳﯩﺪﯨﻐﺎﻥ ﺋﺎﻣﯩﻠﻼﺭﻏﺎ ﺩﯗﭺ ﻛﯧﻠﯩﺴﯩﺰ. ﻣﻪﺳﻠﻪﻥ، ﺋﻪﯓ ﺋﺎﺩﺩﯨﻲ ﻣﯩﺴﺎﻝ ﺗﯩﻞ. ﮔﻪﺭﭼﻪ ﺑﯩﺮ ﭼﻪﺕ ﺩﯙﻟﻪﺗﻜﻪ ﭼﯩﻘﯩﺸﺘﯩﻦ ﺋﺎﯞﺍﻝ ﺷﯘ ﺩﯙﻟﻪﺗﻨﯩﯔ ﺗﯩﻠﯩﻨﻰ ﭘﯩﺸﺸﯩﻖ ﺋﯚﮔﻪﻧﮕﻪﻥ ﺗﻪﻗﺪﯨﺮﺩﯨﻤﯘ ﻳﻪﻧﯩﻼ ﺳﯩﺰ ﺑﯩﻠﯩﺪﯨﻐﺎﻥ ﻧﻪﺭﺳﯩﻠﻪﺭ ﺑﯩﻠﻤﻪﻳﺪﯨﻐﺎﻧﻠﯩﺮﯨﯖﯩﺰﺩﯨﻦ ﻛﯚﭖ ﺑﻮﻟﯩﺪﯗ. ﺗﯩﻠﻨﯩﯔ ﺑﯩﺮ ﺋﺎﺩﻩﻣﻨﯩﯔ ﭘﯜﺗﻜﯜﻝ ﻫﺎﻳﺎﺗﯩﺪﺍ ﻗﺎﻧﭽﯩﻠﯩﻚ ﻣﯘﻫﯩﻢ ﺭﻭﻝ ﺋﻮﻳﻨﺎﻳﺪﯨﻐﺎﻧﻠﯩﻘﯩﻨﻰ ﻣﻪﻥ ﺩﯦﻤﯩﺴﻪﻣﻤﯘ ﻫﻪﻣﻤﻪﻳﻠﻪﻥ ﻳﺎﺧﺸﻰ ﺑﯩﻠﯩﺪﯗ ﺩﻩﭖ ﺋﻮﻳﻼﻳﻤﻪﻥ. ﺋﯘﻧﺪﯨﻦ ﺑﺎﺷﻘﺎ، ﻛﯚﭘﯩﻨﭽﻪ ﻫﺎﻟﻼﺭﺩﺍ ﭼﻪﺗﺌﻪﻟﺪﻩ ﺋﯘﺭﯗﻕ - ﺗﯘﻏﻘﺎﻥ، ﺩﻭﺱ - ﺑﯘﺭﺍﺩﻩﺭﻟﯩﺮﯨﯖﯩﺰ ﻳﯧﻨﯩﯖﯩﺰﺩﺍ ﺑﻮﻟﻤﺎﻳﺪﯗ. ﺷﯘﯕﺎ ﺳﯩﺰﺩﯨﻜﻰ ﻳﺎﻟﻐﯘﺯﺳﯩﺮﺍﺵ، ﺋﯚﺯﯨﯖﯩﺰ ﺑﯘﺭﯗﻥ ﺗﻮﻟﯩﻤﯘ ﻛﯚﻧﯜﭖ ﻛﻪﺗﻜﻪﻥ ﻣﯘﻫﯩﺘﻨﻰ ﺳﯧﻐﯩﻨﯩﺶ ﻗﺎﺗﺎﺭﻟﯩﻖ ﻧﯘﺭﻏﯘﻥ ﺋﺎﻣﯩﻠﻼﺭ ﺳﯩﺰﮔﻪ ﺭﻭﻫﯩﻲ ﺑﯧﺴﯩﻢ ﺋﯧﻠﯩﭗ ﻛﯧﻠﯩﺪﯗ. ﺋﻪﮔﻪﺭ ﺗﯘﺭﻣﯘﺵ ﺋﯩﺸﯩﯖﯩﺰﻧﻰ ﺗﯧﺨﻰ ﺋﻮﻳﻼﺷﻤﯩﻐﺎﻥ ﺑﻮﻟﺴﯩﯖﯩﺰ، ﭼﻪﺗﺌﻪﻟﺪﻩ ﺗﯘﺭﯗﭖ ﺋﻮﻳﻠﯩﺸﯩﺶ ﺗﯧﺨﯩﻤﯘ ﺗﻪﺳﻜﻪ ﭼﯜﺷﯜﺷﻰ ﻣﯘﻣﻜﯩﻦ (ﺋﻪﻟﯟﻩﺗﺘﻪ ﺑﺎﺷﻘﺎ ﻣﯩﻠﻠﻪﺗﻠﻪﺭ ﺑﯩﻠﻪﻥ ﺑﯩﻠﻠﻪ ﺑﻮﻟﯘﺷﻨﻰ ﺧﺎﻟﯩﺴﯩﯖﯩﺰ ﺑﯘﻧﯩﯔ ﻳﻮﻟﻰ ﺑﺎﺷﻘﺎ).
ﺋﯘﻧﺪﯨﻦ ﺑﺎﺷﻘﺎ، ﭼﻪﺗﺌﻪﻟﮕﻪ ﭼﯩﻘﯩﻤﻪﻥ ﺩﻩﭘﻼ ﭼﯩﻘﯩﯟﺍﻟﻐﯩﻠﻰ ﺑﻮﻟﯩﺪﯨﻐﺎﻥ ﺋﺎﺳﺎﻥ ﺋﯩﺶ ﺋﻪﻣﻪﺱ. ﭼﯩﻘﯩﺶ ﺋﯜﭼﯜﻥ ﻧﯘﺭﻏﯘﻥ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﺶ، ﺟﺎﭘﺎ - ﻣﯘﺷﻪﻗﻘﻪﺗﻠﻪﺭﻧﻰ ﻳﯧﯖﯩﺸﻘﺎ ﺗﻮﻏﺮﺍ ﻛﯧﻠﯩﺪﯗ. ﺑﻪﺯﻯ ﺋﯩﺸﻼﺭﻏﺎ ﺗﻪﯞﻩﻛﻜﯜﻝ ﻗﯩﻠﯩﺸﻘﺎ، ﺋﯚﺯﯨﯖﯩﺰﮔﻪ ﺋﯚﺯﯨﯖﯩﺰ ﺗﻮﺧﺘﯩﻤﺎﻱ ﺟﻪﯓ ﺋﯧﻼﻥ ﻗﯩﻠﯩﺸﻘﺎ ﺗﻮﻏﺮﺍ ﻛﯧﻠﯩﺪﯗ. ﺋﻪﻣﻪﻟﯩﻴﻪﺗﺘﻪ ﻳﯘﻗﺎﺭﻗﻰ ﻧﯘﺭﻏﯘﻥ ﭘﺎﻳﺪﯨﺴﯩﺰ ﺷﻪﺭﺕ - ﺷﺎﺭﺍﺋﯩﺘﻼﺭﻧﻰ ﺋﯚﺯﯨﯖﯩﺰﻧﯩﯔ ﺋﯩﺮﺍﺩﯨﺴﯩﻨﻰ ﺗﺎﯞﻻﻳﺪﯨﻐﺎﻥ ﻳﺎﺧﺸﻰ ﭘﯘﺭﺳﻪﺕ ﺩﻩﭖ ﺋﻮﻳﻠﯩﺴﯩﯖﯩﺰ، ﺋﯘ ﭼﺎﻏﺪﺍ ﺑﯘ ﭘﺎﻳﺪﯨﺴﯩﺰ ﺋﺎﻣﯩﻠﻼﺭﻧﻰ ﺋﯚﺯﯨﯖﯩﺰﮔﻪ ﭘﺎﻳﺪﯨﻠﯩﻖ ﺗﻪﺭﻩﭘﻜﻪ ﻗﺎﺭﯨﺘﯩﭗ ﺋﯚﺯﮔﻪﺭﺗﻪﻟﻪﻳﺴﯩﺰ. ﺧﯘﺩﺩﯨﻲ «ﺋﺎﻧﺎ ﻳﯘﺭﺕ» ﺭﻭﻣﺎﻧﯩﺪﯨﻜﻰ ﻧﯘﺭﻯ ﻗﯩﺶ ﯞﺍﻗﺘﯩﺪﯨﻤﯘ ﺋﻪﺗﯩﮕﻪﻧﺪﻩ ﻣﯘﺯﺩﻩﻙ ﺳﯘﻧﻰ ﺑﯧﺸﯩﺪﯨﻦ ﻗﯘﻳﯘﭖ ﻳﯘﻳﯘﻧﯘﺷﯩﺘﻪﻙ ﺋﺎﺯﺍﺑﻠﯩﻖ ﺋﯩﺸﻨﻰ ﺋﯚﺯﯨﻨﯩﯔ ﺋﯩﺮﺍﺩﯨﺴﯩﻨﻰ ﭼﯧﻨﯩﻘﺘﯘﺭﯨﺪﯨﻐﺎﻥ ﺋﻪﯓ ﻳﺎﺧﺸﻰ ﺋﯘﺳﯘﻝ ﺩﻩﭖ ﻗﺎﺭﯨﻐﯩﻨﯩﺪﻩﻙ. ﺋﻪﮔﻪﺭ ﺋﯚﺯﯨﯖﯩﺰﻧﯩﯔ ﺑﯘ ﺧﯩﻞ ﺟﺎﭘﺎﻻﺭﻏﺎ ﭼﯩﺪﯨﻴﺎﻟﻤﺎﻱ ﻗﯧﻠﯩﺸﯩﯖﯩﺰﺩﯨﻦ ﺋﻪﻧﺴﯩﺮﯨﺴﯩﯖﯩﺰ، ﻳﻪﻧﻪ ﺋﻪﮔﻪﺭ ﺳﯩﺰﺩﻩ ﺋﺎﺯﯨﺮﺍﻗﻤﯘ ﺗﻪﯞﻩﻛﻜﯜﻟﭽﯩﻠﯩﻚ ﻗﯩﻠﯩﺶ ﺭﻭﻫﯩﻲ ﺑﻮﻟﻤﯩﺴﺎ، ﺑﺎﺷﻘﺎ ﺗﺎﻟﻼﺷﻼﺭ ﺋﯜﺳﺘﯩﺪﯨﻤﯘ ﺋﻪﺳﺘﺎﻳﯩﺪﯨﻞ ﺋﻮﻳﻠﯩﻨﯩﭗ ﺑﯧﻘﯩﺸﯩﯖﯩﺰ ﺗﻮﻟﯩﻤﯘ ﺯﯙﺭﯛﺭ ﺩﻩﭖ ﺋﻮﻳﻼﻳﻤﻪﻥ. ﻣﯧﻨﯩﯖﭽﻪ، ﺑﻪﺯﯨﺪﻩ ﺋﯚﺯﯨﯖﯩﺰﻧﯩﯔ ﻗﯩﻼﻟﯩﺸﯩﯖﯩﺰﻏﺎ ﺋﺎﺯﯨﺮﺍﻗﻤﯘ ﻛﯚﺯﯨﯖﯩﺰ ﻳﻪﺗﻤﯩﮕﻪﻥ ﺋﯩﺸﻼﺭﻧﻰ ﻗﯩﻠﯩﻤﻪﻥ ﺩﻩﭖ ﻫﺎﻳﺎﺗﯩﯖﯩﺰﻧﻰ ﺋﯩﺴﺮﺍﭖ ﻗﯩﻠﻐﺎﻧﻨﯩﯔ ﺋﻮﺭﻧﯩﻐﺎ، ﺋﯚﺯﯨﯖﯩﺰ ﻳﺎﺧﺸﻰ ﻗﯩﻼﻻﻳﺪﯨﻐﺎﻥ ﺋﯩﺸﻼﺭﻧﻰ ﻗﯩﻠﯩﭗ ﯞﺍﻳﯩﻐﺎ ﻳﻪﺗﻜﯜﺯﯛﺵ ﺋﺎﺭﻗﯩﻠﯩﻘﻤﯘ ﻛﯚﺯﻟﯩﮕﻪﻥ ﻣﻪﻗﺴﻪﺗﻜﻪ ﻳﻪﺗﻜﯩﻠﻰ ﺑﻮﻟﯩﺪﯗ. ﻟﯧﻜﯩﻦ ﺑﯘ ﮔﻪﭘﻨﯩﯔ ﺳﯩﺰﻧﯩﯔ ﺋﺎﺳﺎﻧﻼ ﻛﻪﻳﻨﯩﯖﯩﺰﮔﻪ ﺩﺍﺟﯩﭗ، ﻫﻮﺭﯗﻧﻠﯘﻕ ﻗﯩﻠﯩﺸﯩﯖﯩﺰﻧﯩﯔ ﺑﺎﻫﺎﻧﯩﺴﻰ ﺑﻮﻟﯘﭖ ﻗﯧﻠﯩﺸﯩﻨﻰ ﻫﻪﺭﮔﯩﺰ ﺧﺎﻟﯩﻤﺎﻳﻤﻪﻥ.
ﻳﯘﻗﺎﺭﻗﯩﻼﺭﺩﯨﻦ ﺑﯚﻟﻪﻙ ﻳﻪﻧﻪ ﺑﯩﺮ ﺋﯩﺸﻨﻰ ﻫﻪﻣﻤﻪﻳﻠﻪﻧﻨﯩﯔ ﺳﻪﻣﯩﮕﻪ ﺳﯧﻠﯩﭗ ﻗﻮﻳﻐﯘﻡ ﻛﯧﻠﯩﯟﺍﺗﯩﺪﯗ. ﭼﻪﺗﺌﻪﻟﮕﻪ ﭼﯩﻘﺴﺎﻣﻼ ﺩﯙﻟﻪﺕ ﺋﯩﭽﯩﺪﯨﻜﯩﮕﻪ ﻗﺎﺭﯨﻐﺎﻧﺪﺍ ﻳﺎﺧﺸﻰ ﺷﻪﺭﺕ - ﺷﺎﺭﺍﺋﯩﺖ، ﻳﺎﺧﺸﻰ ﺋﻮﻗﯘﺵ ﻣﯘﻫﯩﺘﯩﻐﺎ ﺋﯧﺮﯨﺸﻪﻟﻪﻳﻤﻪﻥ ﺩﻩﭖ ﻗﺎﺭﯨﺴﯩﯖﯩﺰ ﺗﻮﻟﯩﻤﯘ ﺧﺎﺗﺎﻻﺷﻘﺎﻥ ﺑﻮﻟﯩﺴﯩﺰ. ﭼﯜﻧﻜﻰ ﺋﻮﺧﺸﯩﻤﯩﻐﺎﻥ ﺩﯙﻟﻪﺕ ﯞﻩ ﺋﻮﺧﺸﯩﻤﯩﻐﺎﻥ ﻣﻪﻛﺘﻪﭘﻠﻪﺭﻧﯩﯔ ﺋﻪﻫﯟﺍﻟﻰ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺩﯗﻧﻴﺎﺩﯨﻜﻰ ﺋﯩﻠﯩﻢ - ﭘﻪﻥ ﺋﻪﯓ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺋﺎﻣﯧﺮﯨﻜﯩﺪﻩﻙ ﺑﯩﺮ ﺩﯙﻟﻪﺗﺘﯩﻤﯘ، ﺩﯙﻟﻪﺕ ﺋﯩﭽﯩﺪﯨﻜﻰ ﺑﻪﺯﻯ ﺋﯘﻧﯩﯟﯦﺮﺳﯩﺘﯧﺘﻼﺭﻏﺎ ﻗﺎﺭﯨﻐﺎﻧﺪﺍ ﻛﯚﭖ ﺋﺎﺭﻗﯩﺪﺍ ﺗﯘﺭﯨﺪﯨﻐﺎﻥ ﻣﻪﻛﺘﻪﭘﻠﻪﺭﺩﯨﻦ ﺧﯧﻠﻰ ﻛﯚﭘﻨﻰ ﺗﺎﭘﺎﻻﻳﺴﯩﺰ. ﺋﯘﻧﺪﯨﻦ ﺑﺎﺷﻘﺎ ﻳﻪﻧﻪ، ﻣﺎﺋﺎﺭﯨﭗ ﯞﻩ ﺋﯩﻘﺘﯩﺴﺎﺩ ﺟﻪﻫﻪﺗﺘﻪ ﺟﯘﯕﮕﻮﺩﯨﻦ ﺧﯧﻠﻰ ﻛﯚﭖ ﺋﺎﺭﻗﯩﺪﺍ ﻗﺎﻟﻐﺎﻥ ﻧﯘﺭﻏﯘﻥ ﺩﯙﻟﻪﺗﻠﻪﺭ ﺑﺎﺭ. ﺑﯘﻧﺪﺍﻕ ﺩﯙﻟﻪﺗﻠﻪﺭﮔﻪ ﭼﯩﻘﻘﺎﻧﺪﯨﻦ ﻛﯚﺭﻩ، ﺩﯙﻟﻪﺕ ﺋﯩﭽﯩﺪﯨﻜﻰ ﺑﻪﺯﻯ ﻳﺎﺧﺸﻰ ﺋﯘﻧﯩﯟﯦﺮﺳﯩﺘﯧﺘﻼﺭﺩﺍ ﺋﻮﻗﯘﻏﺎﻥ ﺋﻪﻟﯟﻩﺗﺘﻪ ﻛﯚﭖ ﺋﻪﯞﺯﻩﻝ ﺑﻮﻟﯩﺪﯗ. ﺷﯘﯕﺎ ﻫﻪﺭ ﻗﺎﻧﺪﺍﻕ ﺑﯩﺮ ﺩﯙﻟﻪﺕ، ﻳﺎﻛﻰ ﻫﻪﺭ ﻗﺎﻧﺪﺍﻕ ﺑﯩﺮ ﻣﻪﻛﺘﻪﭘﻜﻪ ﺑﯧﺮﯨﺸﺘﯩﻦ ﺋﺎﯞﯞﺍﻝ، ﺷﯘ ﺩﯙﻟﻪﺕ ﯞﻩ ﻳﺎﻛﻰ ﻣﻪﻛﺘﻪﭖ ﺗﻮﻏﯩﺮﯨﺴﯩﺪﺍ ﺗﻪﭘﺴﯩﻠﯩﻲ ﺗﻮﻧﯘﺷﻘﺎ ﺋﯩﮕﻪ ﺑﻮﻟﯘﭖ ﺋﺎﻧﺪﯨﻦ ﺑﯧﺮﯨﺶ - ﺑﺎﺭﻣﺎﺳﻠﯩﻘﻨﻰ ﻗﺎﺭﺍﺭ ﻗﯩﻠﯩﺶ ﺗﻮﻟﯩﻤﯘ ﺯﯙﺭﯛﺭ ﺩﻩﭖ ﺋﻮﻳﻼﻳﻤﻪﻥ. ﺋﯘﻧﺪﯨﻦ ﺑﺎﺷﻘﺎ، ﯞﻩﺗﻪﻧﺪﻩ ﻫﻪﻝ ﻗﯩﻼﻟﻤﯩﻐﺎﻥ ﻣﻪﺳﯩﻠﯩﻠﻪﺭﻧﯩﯔ ﻫﻪﻣﻤﯩﺴﻰ ﭼﻪﺗﺌﻪﻟﮕﻪ ﭼﯩﻘﺴﯩﯖﯩﺰﻻ ﺋﯚﺯﻟﯜﻛﯩﺪﯨﻦ ﻫﻪﻝ ﺑﻮﻟﯘﭖ ﻗﺎﻟﻤﺎﻳﺪﯗ. ﻫﻪﻣﻤﻪ ﻳﻪﺭﮔﻪ ﺑﺎﺭﺳﯩﯖﯩﺰ ﺋﻮﺧﺸﯩﺸﯩﭗ ﻛﯧﺘﯩﺪﯨﻐﺎﻥ ﻣﻪﺳﯩﻠﯩﻠﻪﺭﮔﻪ ﻳﻮﻟﯘﻗﯩﺴﯩﺰ، ﻳﺎﻛﻰ ﻛﻮﻧﺎ ﻣﻪﺳﯩﻠﯩﻠﻪﺭ ﻳﻮﻗﺎﭖ، ﻳﯧﯖﻰ ﻣﻪﺳﯩﻠﯩﻠﻪﺭ ﭘﻪﻳﺪﺍ ﺑﻮﻟﯩﺪﯗ. ﺷﯘﯕﺎ ﭼﻪﺗﺌﻪﻟﮕﻪ ﭼﯩﻘﯩﺸﻨﯩﯔ ﺋﯚﺯﯨﯖﯩﺰﻧﻰ ﺭﯦﺌﺎﻟﻠﯩﻘﺘﯩﻦ ﻗﺎﭼﯘﺭﯗﺷﻨﯩﯔ ﯞﺍﺳﺘﯩﺴﻰ ﺑﻮﻟﯘﭖ ﻗﯧﻠﯩﺸﯩﻐﺎ ﻫﻪﺭﮔﯩﺰ ﻳﻮﻝ ﻗﻮﻳﻤﺎﯓ. ﺋﯚﺯﻯ ﺗﯘﺭﯗﯞﺍﺗﻘﺎﻥ ﻳﯧﺮﯨﺪﻩ ﻫﯧﭻ ﺋﯩﺸﻨﻰ ﺑﯩﺮ ﺑﺎﺷﻘﺎ ﺋﯧﻠﯩﭗ ﭼﯩﻘﺎﻟﻤﯩﻐﺎﻥ ﺋﺎﺩﻩﻣﻨﯩﯔ، ﭼﻪﺗﺌﻪﻟﮕﻪ ﭼﯩﻘﯩﭗ ﺑﯩﺮﻩﺭ ﺋﯩﺸﻨﻰ ﺑﺎﺷﻘﺎ ﺋﯧﻠﯩﭗ ﭼﯩﻘﯩﺸﯩﻐﺎ ﺋﺎﻧﭽﻪ ﻛﯚﺯﯛﻡ ﻳﻪﺗﻤﻪﻳﺪﯗ.
ﺋﻪﯓ ﺋﺎﺧﯩﺮﯨﺪﺍ ﺩﯦﻤﻪﻛﭽﻰ ﺑﻮﻟﻐﯘﻧﯘﻡ، ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺵ ﺑﯩﺮ ﺧﯩﻞ ﯞﺍﺳﺘﻪ ﺧﺎﻻﺱ. ﺑﻪﺯﻯ ﻛﯩﺸﯩﻠﻪﺭ (ﺋﯘﻻﺭﻧﯩﯔ ﺋﯩﭽﯩﺪﻩ ﻣﻪﻧﻤﯘ ﺑﺎﺭ ﺋﻪﻟﯟﻩﺗﺘﻪ) ﺑﯘ ﺧﯩﻞ ﯞﺍﺳﺘﯩﻨﻰ ﺋﯚﺯﻟﯩﺮﯨﻨﯩﯔ ﺋﺎﺭﺯﯗ - ﺋﺎﺭﻣﺎﻧﻠﯩﺮﯨﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ ﺟﻪﺭﻳﺎﻧﯩﺪﯨﻜﻰ ﺋﻪﯓ ﻳﺎﺧﺸﻰ ﯞﺍﺳﺘﻪ ﺩﻩﭖ ﻗﺎﺭﺍﭖ، ﺷﯘ ﻳﻮﻟﻨﻰ ﺗﺎﻟﻠﯩﯟﺍﻟﻐﺎﻥ. ﺋﯘ ﺑﯩﺮ ﺋﺎﺩﻩﻣﻨﯩﯔ ﺗﯘﺭﻣﯘﺷﺘﺎ ﻳﻪﺗﻤﻪﻛﭽﻰ ﺑﻮﻟﻐﺎﻥ ﻧﯩﺸﺎﻧﻰ ﺋﻪﻣﻪﺱ. ﺷﯘﯕﺎ ﺋﯚﺯ ﻣﯘﺭﺍﺩ - ﻣﻪﻗﺴﻪﺗﻠﯩﺮﯨﯖﯩﺰﮔﻪ ﻳﯧﺘﯩﺸﻨﯩﯔ ﺋﻪﯓ ﻳﺎﺧﺸﻰ ﺋﯘﺳﯘﻟﻰ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺷﻤﯘ، ﺋﻪﻣﻪﺳﻤﯘ ﺋﻮﺑﺪﺍﻧﺮﺍﻕ ﺋﻮﻳﻠﯩﻨﯩﭗ، ﺋﯚﺯﯨﯖﯩﺰﻧﯩﯔ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﺋﻪﯓ ﭘﺎﻳﺪﯨﻠﯩﻖ ﺑﻮﻟﻐﺎﻥ ﻳﻮﻟﻨﻰ ﺗﺎﻟﻼﭖ ﻣﯧﯖﯩﺸﯩﯖﯩﺰﻧﻰ ﺋﯜﻣﯩﺪ ﻗﯩﻠﯩﻤﻪﻥ.
ﺋﻪﻣﺪﻯ ﻗﺎﻳﺴﻰ ﺩﯙﻟﻪﺗﻜﻪ ﭼﯩﻘﯩﭗ ﺋﻮﻗﯘﺷﻘﺎ ﻛﻪﻟﺴﻪﻙ، ﺑﯘ ﺑﯩﺮ ﺋﺎﺩﻩﻣﻨﯩﯔ ﻗﯩﺰﯨﻘﯩﺸﻰ، ﺗﯩﻞ ﺋﺎﺭﻗﺎ ﻛﯚﺭﯛﻧﯜﺷﻰ، ﺋﺎﺭﺗﯘﻗﭽﯩﻠﯩﻘﻠﯩﺮﻯ ﯞﻩ ﺑﺎﺷﻘﺎ ﺷﻪﺭﺕ - ﺷﺎﺭﺍﺋﯩﺘﻠﯩﺮﯨﻐﺎ ﺑﺎﻏﻠﯩﻖ ﺑﻮﻟﯩﺪﯗ. ﺑﻪﺯﯨﻠﻪﺭﻧﯩﯔ ﻣﻪﻟﯘﻡ ﺑﯩﺮ ﺩﯙﻟﻪﺗﻜﻪ ﭼﯩﻘﯩﺶ ﺋﺎﺭﺯﯗﺳﻰ ﺷﯘﻧﺪﺍﻕ ﻛﯜﭼﻠﯜﻙ ﺑﻮﻟﯩﺪﯗﻛﻰ، ﺷﯘ ﺩﯙﻟﻪﺗﻜﻪ ﭼﯩﻘﺎﻟﻤﯩﺴﺎﻡ، ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﭼﯩﻘﻤﺎﻳﻤﻪﻥ ﺩﻩﭖ ﺋﻮﻳﻼﻳﺪﯗ. ﺑﻪﺯﯨﻠﻪﺭ ﺑﯩﺮ ﻗﺎﻧﭽﻪ ﺩﯙﻟﻪﺕ ﺋﯩﭽﯩﺪﯨﻦ ﻗﺎﻳﺴﯩﺴﯩﻐﺎ ﭼﯩﻘﺎﻟﯩﺴﺎﻡ ﻣﻪﻳﻠﻰ ﺋﯩﺪﻯ ﺩﻩﭖ ﺋﻮﻳﻼﻳﺪﯗ (ﻣﻪﺳﯩﻠﻪﻥ ﻳﺎﯞﺭﻭﭘﺎ ﺋﯩﺘﯩﭙﺎﻗﯩﺪﯨﻜﻰ ﺩﯙﻟﻪﺗﻠﻪﺭﻧﯩﯔ ﻗﺎﻳﺴﯩﺴﻰ ﺑﻮﻟﺴﺎ ﻣﻪﻳﻠﻰ ﺩﯦﮕﻪﻧﺪﻩﻙ). ﻳﻪﻧﻪ ﺑﻪﺯﯨﻠﻪﺭ، ﺋﯚﺯﻯ ﺋﻮﻗﯘﻣﺎﻗﭽﻰ ﺑﻮﻟﻐﺎﻥ ﻛﻪﺳﯩﭙﺘﻪ ﺩﯗﻧﻴﺎﺩﺍ ﺋﺎﻟﺪﯨﻨﻘﻰ ﻗﺎﺗﺎﺭﺩﺍ ﺗﯘﺭﯨﺪﯨﻐﺎﻥ ﻣﻪﻛﺘﻪﭖ ﺑﻮﻟﺴﯩﻼ، ﺋﯘﻧﯩﯔ ﻗﺎﻳﺴﻰ ﺩﯙﻟﻪﺗﺘﻪ ﺑﻮﻟﯘﺷﻰ ﺑﯩﻠﻪﻥ ﻫﯧﺴﺎﺑﻠﯩﺸﯩﭗ ﺋﻮﻟﺘﯘﺭﻣﺎﻳﺪﯗ. ﺋﺎﻣﯧﺮﯨﻜﯩﻐﺎ ﭼﯩﻘﯩﭗ ﺋﻮﻗﯘﺷﻘﺎ ﻛﻪﻟﺴﻪﻙ، ﺑﯘ ﺑﻪﺗﻨﯩﯔ ﺋﺎﻟﺪﯨﻨﻘﻰ ﻗﯩﺴﯩﻤﻠﯩﺮﯨﺪﺍ ﺳﯚﺯﻟﻪﭖ ﺋﯚﺗﻜﻪﻥ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺷﻨﯩﯔ ﭘﺎﻳﺪﺍ ﯞﻩ ﺯﯨﻴﺎﻧﻠﯩﻖ ﺗﻪﺭﻩﭘﻠﯩﺮﻯ ﺋﻪﻟﯟﻩﺗﺘﻪ ﺋﺎﻣﯧﺮﯨﻜﯩﻐﯩﻤﯘ ﺗﻪﺩﺑﯩﻘﻠﯩﻨﯩﺪﯗ. ﺷﯘﯕﺎ ﺑﯘ ﻳﻪﺭﺩﻩ ﭘﻪﻗﻪﺕ ﺋﺎﻣﯧﺮﯨﻜﯩﻐﺎ ﭼﯩﻘﯩﭗ ﺋﻮﻗﯘﺷﻨﯩﯔ ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﭼﯩﻘﯩﭗ ﺋﻮﻗﯘﺷﻘﺎ ﻗﺎﺭﯨﻐﺎﻧﺪﺍ ﻗﺎﻧﺪﺍﻕ ﺋﺎﺭﺗﯘﻗﭽﯩﻠﯩﻘﻠﯩﺮﻯ ﺑﺎﺭ ﺋﯩﻜﻪﻧﻠﯩﻜﯩﻨﯩﻼ ﺳﯚﺯﻟﻪﭖ ﺋﯚﺗﻤﻪﻛﭽﯩﻤﻪﻥ.
ﺋﺎﻣﯧﺮﯨﻜﺎ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﺋﻪﯓ ﺋﻪﻗﯩﻠﻠﯩﻖ ﯞﻩ ﺋﺎﻻﻫﯩﺪﻩ ﺋﺎﺭﺗﯘﻗﭽﯩﻠﯩﻘﻠﯩﺮﻯ ﺑﺎﺭ ﺋﻮﻗﯘﻏﯘﭼﯩﻼﺭﻧﻰ ﻫﻪﺭﺧﯩﻞ ﺋﯘﺳﯘﻟﻼﺭ ﺋﺎﺭﻗﯩﻠﯩﻖ ﺋﺎﻣﯧﺮﯨﻜﯩﻐﺎ ﻛﯧﻠﯩﭗ ﺋﻮﻗﯘﺷﻘﺎ ﻗﯩﺰﯨﻘﺘﯘﺭﯗﭖ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﭼﻪﺗﺌﻪﻟﻠﯩﻚ ﺋﻮﻗﯘﻏﯘﭼﯩﻼﺭ ﺋﺎﻣﯧﺮﯨﻜﯩﻨﯩﯔ ﺋﯩﺨﺘﯩﺴﺎﺳﻠﯩﻘﻼﺭ ﻗﻮﺷﯘﻧﯩﻨﻰ ﺗﻮﻟﯘﻗﻼﺷﻨﯩﯔ ﻣﯘﻫﯩﻢ ﺑﯩﺮ ﻣﻪﻧﺒﻪﺳﻰ ﺑﻮﻟﯘﭖ ﻛﻪﻟﮕﻪﻥ ﺋﯩﻜﻪﻥ. ﮔﻪﺭﭼﻪ «11 - ﺳﯧﻨﺘﻪﺑﯩﺮ ﯞﻩﻗﻪﺳﻰ» ﺩﯨﻦ ﻛﯧﯩﻴﻦ ﺋﺎﻣﯧﺮﯨﻜﯩﻐﺎ ﯞﯨﺰﺍ ﺋﯧﻠﯩﺶ (ﯞﯨﺰﺍ ﺗﻮﻏﺮﯨﺴﯩﺪﯨﻜﻰ ﺋﯘﭼﯘﺭﻻﺭﻧﻰ ﺗﻮﺭ ﺑﻪﺗﻨﯩﯔ ﯞﯨﺰﺍ ﺋﯧﻠﯩﺶ ﺩﯦﮕﻪﻥ ﻗﯩﺴﻤﯩﺪﯨﻦ ﺗﺎﭘﺎﻻﻳﺴﯩﺰ) ﺳﻪﻝ ﻗﯩﻴﯩﻨﻠﯩﺸﯩﭗ ﻗﺎﻟﻐﺎﻥ ﺑﻮﻟﺴﯩﻤﯘ، ﺋﺎﻣﯧﺮﯨﻜﯩﻐﺎ ﻛﯧﻠﯩﭗ ﺗﻪﺑﯩﺌﯩﻲ ﭘﻪﻥ (Science)، ﺗﯧﺨﻨﯩﻜﺎ ﭘﻪﻧﻠﯩﺮﻯ (Technology)، ﺋﯧﻨﮋﯨﻨﯩﺮﻟﯩﻖ ﭘﻪﻧﻠﯩﺮﻯ (Engineering) ﯞﻩ ﻣﺎﺗﯧﻤﺎﺗﻜﺎ (Mathematics) ﻏﺎ ﺋﺎﺋﯩﺖ ﭘﻪﻧﻠﻪﺭ(ﻗﯩﺴﻘﺎﺭﺗﯩﻠﯩﭗ STEM ﺩﯦﻴﻠﯩﺪﯗ) ﺩﻩ ﺋﻮﻗﯘﻳﺪﯨﻐﺎﻥ ﭼﻪﺗﺌﻪﻟﻠﯩﻚ ﺋﻮﻗﯘﻏﯘﭼﯩﻼﺭ (International Students) ﻧﯩﯔ ﺳﺎﻧﻰ ﻛﯚﺭﯛﻧﻪﺭﻟﯩﻚ ﺋﯧﺸﯩﭗ ﺑﺎﺭﻏﺎﻥ. ﺋﺎﻣﯧﺮﯨﻜﯩﺪﯨﻜﻰ ﻫﻪﺭ ﻗﺎﻳﺴﻰ ﺋﺎﻟﯩﻲ ﻣﻪﻛﺘﻪﭘﻠﻪﺭ ﯞﻩ ﭼﻮﯓ ﺷﯩﺮﻛﻪﺗﻠﻪﺭﻧﯩﯔ ﻗﺎﻳﺘﺎ - ﻗﺎﻳﺘﺎ ﺗﻪﻟﻪﭖ ﻗﯩﻠﯩﺸﻰ ﯞﻩ ﻫﯚﻛﯜﻣﻪﺗﻜﻪ ﺑﯧﺴﯩﻢ ﺋﯩﺸﻠﯩﺘﯩﺸﻰ ﻧﻪﺗﯩﺠﯩﺴﯩﺪﻩ، ﺋﺎﻣﯧﺮﯨﻜﯩﻨﯩﯔ ﺋﻮﻗﯘﻏﯘﭼﯩﻠﯩﻖ ﯞﯨﺰﯨﺴﯩﻨﻰ ﻫﻪﻝ ﻗﯩﻠﯩﺶ ﻳﯩﻠﺪﯨﻦ - ﻳﯩﻠﻐﺎ ﺋﺎﺳﺎﻧﻠﯩﺸﯩﭗ ﻛﻪﻟﮕﻪﻥ. ﺋﺎﻣﯧﺮﯨﻜﯩﻨﯩﯔ ﻫﺎﺯﯨﺮﻗﻰ ﯞﯨﺰﺍ ﺑﯧﺮﯨﺶ ﺋﻪﻫﯟﺍﻟﯩﻨﻰ ﺑﯘﺭﯗﻧﻘﯩﺪﯨﻦ ﻛﯚﭖ ﻳﺎﺧﺸﻰ ﺩﯦﻴﯩﺸﻜﻪ ﺑﻮﻟﯩﺪﯗ.
ﺋﺎﻣﯧﺮﯨﻜﺎ ﺋﯩﻠﯩﻢ - ﭘﻪﻥ ﯞﻩ ﺗﯧﺨﻨﯩﻜﺎ ﺟﻪﻫﻪﺗﺘﯩﻦ ﺩﯗﻧﻴﺎﻧﯩﯔ ﻳﯧﺘﻪﻛﭽﯩﺴﻰ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ، ﺋﺎﻟﯩﻲ ﻣﺎﺋﺎﺭﯨﭗ ﺑﻮﻟﯘﭘﻤﯘ ﺋﺎﺳﭙﯩﺮﺍﻧﺘﻼﺭ ﻣﺎﺋﺎﺭﯨﭙﯩﻨﯩﯔ ﺋﻮﻣﯘﻣﯩﻲ ﺳﻪﯞﯨﻴﯩﺴﯩﻨﻰ ﺩﯗﻧﻴﺎﺩﺍ ﺋﻪﯓ ﺋﺎﻟﺪﯨﻨﻘﻰ ﻗﺎﺗﺎﺭﺩﺍ ﺗﯘﺭﯨﺪﯗ ﺩﯦﻴﯩﺸﻜﻪ ﺑﻮﻟﯩﺪﯗ. ﺩﯗﻧﻴﺎﺩﯨﻜﻰ ﺋﻪﯓ ﺩﺍﯕﻠﯩﻖ 100 ﺋﯘﻧﯩﯟﯦﺮﺳﯩﺘﯧﺘﻨﯩﯔ ﺗﻪﯕﺪﯨﻦ ﺗﻮﻟﯩﺴﯩﻨﯩﯔ ﺋﺎﻣﯧﺮﯨﻜﯩﺪﺍ ﺋﯩﻜﻪﻧﻠﯩﻜﻰ ﺑﯘﻧﯩﯔ ﺋﻪﯓ ﺋﺎﺩﺩﯨﻲ ﺩﻩﻟﯩﻠﻰ ﺑﻮﻻﻻﻳﺪﯗ. ﺗﻪﺗﻘﯩﻘﺎﺕ ﺟﻪﻫﻪﺗﺘﯩﻜﻰ ﻳﯧﯖﯩﻠﯩﻘﻼﺭ، ﺋﯩﻠﻤﯩﻲ ﻣﺎﻗﺎﻟﯩﻼﺭ ﯞﻩ ﭘﺎﺗﻨﯧﺘﻼﺭﻧﯩﯔ ﻛﯚﭘﻠﯜﻛﻰ، ﻧﻮﺑﯧﻞ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﻜﯜﭼﯩﻠﻪﺭﻧﯩﯔ ﺳﺎﻧﯩﻨﯩﯔ ﺟﯩﻘﻠﯩﻘﻰ، ﺩﯗﻧﻴﺎﻏﺎ ﺩﺍﯕﻠﯩﻖ ﭘﻪﻥ - ﺗﯧﺨﻨﯩﻜﺎ ﺷﯩﺮﻛﻪﺗﻠﯩﺮﯨﻨﯩﯔ ﺟﯩﻘﻠﯩﻘﻰ، ﯞﻩ ﺋﯩﻘﺘﯩﺴﺎﺩﻯ ﺟﻪﻫﻪﺗﺘﯩﻜﻰ ﺋﯜﺳﺘﯜﻧﻠﯜﻛﻠﯩﺮﯨﻨﯩﯔ ﻫﻪﻣﻤﯩﺴﯩﻨﻰ ﺑﯩﺮ - ﺑﯩﺮﻟﻪﭖ ﺳﯚﺯﻟﻪﭖ ﺋﻮﻟﺘﯘﺭﻣﯩﺴﺎﻗﻤﯘ، ﻫﻪﻣﻤﻪﻳﻠﻪﻥ ﺑﯘ ﺗﻮﻏﺮﯨﺴﯩﺪﺍ ﻧﯘﺭﻏﯘﻥ ﮔﻪﭘﻠﻪﺭﻧﻰ ﺋﺎﯕﻠﯩﻐﺎﻥ ﺩﻩﭖ ﺋﻮﻳﻼﻳﻤﻪﻥ. ﻣﯧﻨﯩﯔ ﻛﯚﺯ ﻗﺎﺭﯨﺸﯩﻤﺪﺍ ﺋﺎﻣﯧﺮﯨﻜﯩﻨﯩﯔ ﭼﻪﺗﺌﻪﻟﻠﯩﻚ ﺋﻮﻗﯘﻏﯘﭼﯩﻼﺭﻧﻰ ﺋﻪﯓ ﺟﻪﻟﯩﭗ ﻗﯩﻠﯩﯟﺍﺗﻘﺎﻥ ﺗﻪﺭﻩﭘﻠﯩﺮﯨﻨﯩﯔ ﺑﯩﺮﻯ ﯞﻩ ﺑﯩﺰﺩﻩﻙ ﺋﺎﺋﯩﻠﻪ ﺋﯩﻘﺘﯩﺴﺎﺩﻯ ﺋﺎﺩﻩﺗﺘﯩﻜﯩﺪﻩﻙ ﻧﯘﺭﻏﯘﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﺋﻪﯓ ﺟﻪﻟﯩﭗ ﻗﯩﻠﯩﺪﯨﻐﺎﻥ ﺗﻪﺭﯨﭙﻰ ﺋﺎﺳﭙﯩﺮﺍﻧﺘﻠﯩﻘﺘﺎ ﺋﻮﻗﯘﻳﺪﯨﻐﺎﻥ ﺋﻮﻗﯘﻏﯘﭼﯩﻼﺭﻏﺎ ﺑﯧﺮﯨﻠﯩﺪﯨﻐﺎﻥ ﻣﻮﻝ ﺋﻮﻗﯘﺵ ﻣﯘﻛﺎﭘﺎﺕ ﭘﯘﻟﻰ (Scholarship)، ﻳﺎﺭﺩﻩﻣﭽﻰ ﺋﻮﻗﯘﺗﻘﯘﭼﯩﻠﯩﻖ (Teaching Assistantship) ﯞﻩ ﻳﺎﺭﺩﻩﻣﭽﻰ ﺗﻪﺗﻘﯩﻘﺎﺗﭽﯩﻠﯩﻖ (Research Assistantship) ﺋﺎﺭﻗﯩﻠﯩﻖ ﺑﯧﺮﯨﻠﯩﺪﯨﻐﺎﻥ ﻳﺎﺭﺩﻩﻡ ﭘﯘﻟﻰ ﯞﻩ ﺑﺎﺷﻘﺎ ﺧﯩﻠﺪﯨﻜﻰ ﻣﯘﻛﺎﭘﺎﺕ ﭘﯘﻟﻠﯩﺮﻯ ﺩﻩﭖ ﺋﻮﻳﻼﻳﻤﻪﻥ. ﻣﻪﻥ ﺋﯚﺯﯛﻡ ﺋﻮﻗﯘﯞﺍﺗﻘﺎﻥ ﻛﻮﻣﭙﻴﯘﺗﯧﺮ ﻓﺎﻛﯘﻟﺘﯧﺘﺘﯩﻨﻰ ﻣﯩﺴﺎﻝ ﻗﯩﻠﺴﺎﻡ، ﺑﯩﺰﻧﯩﯔ ﻓﺎﻛﯘﻟﺘﯧﺘﺘﯩﻜﻰ ﺑﺎﺭﻟﯩﻖ ﺩﻭﻛﺘﯘﺭ ﺋﺎﺳﭙﯩﺮﺍﻧﺘﻼﺭﻧﯩﯔ ﻫﻪﻣﻤﯩﺴﻰ ﻳﺎﻛﻰ ﺋﻮﻗﯘﺵ ﻣﯘﻛﺎﭘﺎﺕ ﭘﯘﻟﻰ ﯞﻩ ﻳﺎﻛﻰ ﻳﺎﺭﺩﻩﻣﭽﻰ ﺋﻮﻗﯘﺗﻘﯘﭼﯩﻠﯩﻖ ﯞﻩ ﻳﺎﺭﺩﻩﻣﭽﻰ ﺗﻪﺗﻘﯩﻘﺎﺗﭽﯩﻠﯩﻖ ﻳﻮﻟﻠﯩﺮﻯ ﺋﺎﺭﻗﯩﻠﯩﻖ ﺑﺎﺭﻟﯩﻖ ﺋﻮﻗﯘﺷﻘﺎ ﻣﯘﻧﺎﺳﯩﯟﻩﺗﻠﯩﻚ ﭘﯘﻟﻼﺭﻧﯩﯔ ﺑﯩﺮ ﺗﯩﻴﻨﯩﻨﯩﻤﯘ ﻳﯧﻨﯩﺪﯨﻦ ﭼﯩﻘﺎﺭﻣﯩﻐﺎﻧﺪﯨﻦ ﺑﺎﺷﻘﺎ، ﻳﻪﻧﻪ ﻫﻪﺭ ﺋﺎﻳﺪﺍ ﻣﻪﻛﺘﻪﭘﺘﯩﻦ ﺋﯚﺯﯨﮕﻪ ﻳﯧﺘﯩﭗ ﺋﺎﺷﻘﯘﺩﻩﻙ ﻣﺎﺋﺎﺵ ﺋﯧﻠﯩﭗ ﺋﻮﻗﯘﻳﺪﯗ. ﻛﯚﭖ ﻗﯩﺴﯩﻢ ﻣﺎﮔﯩﺴﺘﯩﺮ ﺋﺎﺳﭙﯩﺮﺍﻧﺘﻼﺭﻣﯘ ﺑﯘ ﺧﯩﻞ ﻳﺎﺭﺩﻩﻣﺪﯨﻦ ﺑﻪﻫﺮﯨﻤﻪﻥ ﺑﻮﻻﻻﻳﺪﯗ. ﺋﯘﻧﯩﯔ ﺋﯜﺳﺘﯩﮕﻪ، ﺑﺎﺷﻘﺎ ﺩﯙﻟﻪﺗﻠﻪﺭﺩﯨﻦ ﻛﯧﻠﯩﭗ ﺋﻮﻗﯘﯞﺍﺗﻘﺎﻥ ﺋﺎﺳﭙﯩﺮﺍﻧﺘﻼﺭﻧﯩﯔ ﺳﺎﻧﻰ ﺋﺎﻣﯧﺮﯨﻜﯩﻠﯩﻖ ﺋﺎﺳﭙﯩﺮﺍﻧﺘﻼﺭﻧﯩﯔ ﺳﺎﻧﯩﻐﺎ ﻗﺎﺭﯨﻐﺎﻧﺪﺍ ﻣﯘﺗﻠﻪﻕ ﻛﯚﭖ ﺳﺎﻧﻨﻰ ﺋﯩﮕﯩﻠﻪﻳﺪﯗ. ﺩﯦﻤﻪﻙ، ﺋﺎﻣﯧﺮﯨﻜﯩﺪﯨﻜﻰ ﻣﻪﻛﺘﻪﭘﻠﻪﺭ ﺗﻪﻟﻪﭖ ﻗﯩﻠﯩﺪﯨﻐﺎﻥ ﯞﻩ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯩﺪﯨﻐﺎﻥ ﺷﻪﺭﺗﻠﻪﺭﻧﻰ ﺗﯩﺮﯨﺸﯩﭗ ﻳﺎﺧﺸﻰ ﻫﺎﺯﯨﺮﻟﯩﻴﺎﻟﯩﺴﯩﯖﯩﺰﻻ، ﺋﯚﺯﯨﯖﯩﺰﻧﯩﯔ ﯞﻩ ﻳﺎﻛﻰ ﺋﺎﺗﺎ - ﺋﺎﻧﯩﯖﯩﺰﻧﯩﯔ ﻳﺎﻧﭽﯘﻗﯩﺪﯨﻦ ﺑﯩﺮ ﺗﯩﻴﯩﻦ ﭘﯘﻝ ﭼﯩﻘﯩﻢ ﻗﯩﻠﻤﺎﻱ ﺋﺎﻣﯧﺮﯨﻜﯩﻐﺎ ﻛﯧﻠﯩﭗ ﺋﻮﻗﯘﻳﺎﻻﻳﺴﯩﺰ. (ﻫﻪﺭ ﺧﯩﻞ ﺋﻮﻗﯘﺵ ﻣﯘﻛﺎﭘﺎﺕ ﭘﯘﻟﻠﯩﺮﻯ ﺗﻮﻏﺮﯨﺴﯩﺪﺍ ﺗﻮﺭ ﺑﻪﺗﻨﯩﯔ ﻣﻪﻛﺘﻪﭖ ﺗﺎﻟﻼﺵ ﻗﯩﺴﻤﯩﺪﺍ ﻣﻪﺧﺴﯘﺱ ﺗﻮﺧﺘﯩﻠﯩﭗ ﺋﯚﺗﯩﻤﻪﻥ.)
ﺋﯘﻧﺪﯨﻦ ﺑﺎﺷﻘﺎ، ﺋﺎﻣﯧﺮﯨﻜﯩﺪﯨﻜﻰ ﺗﯘﺭﻣﯘﺷﻨﯩﯔ ﻫﻪﺭ ﻗﺎﻳﺴﻰ ﻗﺎﺗﻼﻣﻠﯩﺮﯨﺪﯨﻜﻰ ﺋﯚﺯﮔﯩﭽﯩﻠﯩﻜﻠﻪﺭ، ﺳﯩﺰ ﺑﯘﺭﯗﻥ ﻛﯚﺭﯛﭖ ﺑﺎﻗﯩﻤﯩﻐﺎﻥ ﻳﯧﯖﯩﻠﯩﻘﻼﺭ، ﺗﯘﺭﻣﯘﺷﺘﯩﻜﻰ ﻗﻮﻻﻳﻠﯩﻘﻼﺭ، ﺋﻮﻗﯘﺵ ﺟﻪﺭﻳﺎﻧﯩﺪﺍ ﺩﺍﯕﻠﯩﻖ ﺷﯩﺮﻛﻪﺗﻠﻪﺭﺩﻩ ﭘﯩﺮﺍﻛﺘﯩﻜﺎ ﻗﯩﻠﯩﺶ، ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﮔﻪ ﺑﯧﺮﯨﭗ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻠﯩﺮﯨﻐﺎ ﻗﺎﺗﻨﯩﺸﯩﺶ ﯞﻩ ﺑﺎﺷﻘﺎ ﻧﯘﺭﻏﯘﻥ ﭘﯘﺭﺳﻪﺗﻠﻪﺭ ﻛﯚﭘﺮﻩﻙ ﺑﻮﻟﯩﺪﯗ ﺩﻩﭖ ﺋﻮﻳﻼﻳﻤﻪﻥ.
ﺋﻪﻟﯟﻩﺗﺘﻪ ﻫﻪﻣﻤﻪ ﺷﻪﻳﺌﯩﻨﯩﯔ ﻳﺎﺧﺸﻰ ﺗﻪﺭﯨﭙﯩﺪﯨﻦ ﺑﺎﺷﻘﺎ ﻳﺎﻣﺎﻥ ﺗﻪﺭﻩﭘﻠﯩﺮﯨﻤﯘ ﺑﻮﻟﯩﺪﯗ. ﮔﻪﺭﭼﻪ ﺋﺎﻣﯧﺮﯨﻜﯩﺪﯨﻜﻰ ﺑﯧﺮﯨﻠﯩﺪﯨﻐﺎﻥ ﺋﻮﻗﯘﺵ ﻣﯘﻛﺎﭘﺎﺕ ﭘﯘﻟﻠﯩﺮﯨﻨﯩﯔ ﺳﺎﻧﻰ ﯞﻩ ﻣﯩﻘﺪﺍﺭﻯ ﻛﯚﭖ ﺑﻮﻟﺴﯩﻤﯘ، ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﺋﯩﻠﺘﯩﻤﺎﺱ ﻗﯩﻠﻐﯘﭼﯩﻼﺭﻧﯩﯔ ﺳﺎﻧﯩﻤﯘ ﻧﺎﻫﺎﻳﯩﺘﻰ ﻛﯚﭖ ﺑﻮﻟﯩﺪﯗ. ﺷﯘﯕﺎ ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﺋﯩﻠﺘﯩﻤﺎﺱ ﻗﯩﻠﻐﯘﭼﯩﻼﺭﻏﺎ ﻗﻮﻳﯩﺪﯨﻐﺎﻥ ﺗﻪﻟﯩﭙﯩﻤﯘ ﻧﯩﺴﺒﻪﺗﻪﻥ ﻳﯘﻗﯩﺮﻯ، ﺭﯨﻘﺎﺑﻪﺗﻤﯘ ﻛﯜﭼﻠﯜﻙ ﺑﻮﻟﯩﺪﯗ. ﻟﯧﻜﯩﻦ ﺑﯘ ﻣﻪﻛﺘﻪﭘﻠﻪﺭﮔﻪ ﻗﻮﺑﯘﻝ ﻗﯩﻠﯩﻨﯩﺶ ﻫﻪﺭﮔﯩﺰﻣﯘ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺋﯩﺶ ﺋﻪﻣﻪﺱ. ﺗﻪﻳﻴﺎﺭﻟﯩﻘﻨﻰ ﺑﺎﻟﺪﯗﺭ ﺑﺎﺷﻼﭖ ﭘﯘﺧﺘﺎ ﻗﯩﻠﯩﭗ، ﺋﯚﺯﯨﯖﯩﺰﻧﯩﯔ ﻛﻪﻣﭽﯩﻠﯩﻜﻠﯩﺮﯨﯖﯩﺰﻧﻰ ﺗﻮﻟﯘﻗﻼﭖ، ﺋﺎﺭﻗﯘﻗﭽﯩﻠﯩﻘﻠﯩﺮﯨﯖﯩﺰﻧﻰ ﺗﯧﺨﯩﻤﯘ ﻛﯜﭼﻪﻳﺘﯩﭗ، ﺑﻮﺷﺎﺷﻤﺎﻱ ﺋﺎﺧﯩﺮﻏﯩﭽﻪ ﺗﯩﺮﯨﺸﺴﯩﯖﯩﺰ، ﺑﯘ ﺭﯨﻘﺎﺑﻪﺗﺘﻪ ﭼﻮﻗﯘﻡ ﺋﯘﺗﯘﭖ ﭼﯩﻘﻘﯩﻠﻰ ﺑﻮﻟﯩﺪﯗ. ﺋﺎﺭﯨﻤﯩﺰﺩﯨﻜﻰ ﻧﯘﺭﻏﯘﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﺑﯘﻧﻰ ﺋﯚﺯ ﺋﻪﻣﻪﻟﯩﻲ ﻫﻪﺭﯨﻜﯩﺘﻰ ﺑﯩﻠﻪﻥ ﺋﯩﺴﭙﺎﺗﻼﭖ ﭼﯩﻘﻘﺎﻥ.
