( ﺋﺎﺳﺎﺳﻰ ﺑﺎﺳﻘﯘﭼﻼﺭ › 3-ﺑﻪﺕ )
ﺋﯘﻧﺪﺍﻗﺘﺎ ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭ ﺋﯩﻠﺘﯩﻤﺎﺱ ﻗﯩﻠﻐﯘﭼﯩﻼﺭﺩﯨﻦ ﻧﯧﻤﯩﻠﻪﺭﻧﻰ ﻛﯜﺗﯩﺪﯗ؟ ﺑﯘﻧﻰ ﻣﻪﻥ ﭼﻮﻗﯘﻡ ﺋﻮﺭﯗﻧﺪﺍﺷﻘﺎ ﺗﯧﮕﯩﺸﻠﯩﻚ ﺷﻪﺭﺗﻠﻪﺭ ﯞﻩ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻧﻰ ﺋﻪﯓ ﻗﯩﺰﯨﻘﺘﯘﺭﯨﺪﯨﻐﺎﻥ ﺳﯜﭘﻪﺗﻠﻪﺭ ﺩﻩﭖ ﺋﯩﻜﻜﯩﮕﻪ ﺑﯚﻟﯜﭖ ﺳﯚﺯﻟﻪﭖ ﺋﯚﺗﻤﻪﻛﭽﯩﻤﻪﻥ. ﺑﯘ ﺷﻪﺭﺗﻠﻪﺭ ﯞﻩ ﺳﯜﭘﻪﺗﻠﻪﺭ ﺋﺎﺳﺎﺳﻠﯩﻘﻰ ﺋﺎﺳﭙﯩﺮﺍﻧﺘﻠﯩﻘﻘﺎ ﺋﯩﻠﺘﯩﻤﺎﺱ ﻗﯩﻠﻐﯘﭼﯩﻼﺭﻏﺎ ﻗﺎﺭﯨﺘﯩﻠﻐﺎﻥ.
<ﻣﯘﻫﯩﻢ ﻧﯘﻗﺘﯩﻼﺭﻏﺎ ﻗﺎﻳﺘﯩﺶ>
ﭼﻮﻗﯘﻡ ﺋﻮﺭﯗﻧﺪﺍﺷﻘﺎ ﺗﯧﮕﯩﺸﻠﯩﻚ ﺷﻪﺭﺗﻠﻪﺭ
ﺗﻮﻟﯘﻕ ﻛﯘﺭﺱ ﺩﯨﭙﻠﻮﻣﻰ (diploma) ﯞﻩ ﺑﺎﻛﻼﯞﯗﺭﻟﯘﻕ ﺋﯘﻧﯟﺍﻧﻰ (Bachelor's degree)
ﺟﯘﯕﮕﻮﺩﯨﻜﻰ ﻛﯚﭖ ﺳﺎﻧﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﯨﻜﻰ ﻣﻪﻛﺘﻪﭖ ﭘﯜﺗﺘﯜﺭﮔﻪﻥ ﺋﻮﻗﯘﻏﯘﭼﯩﻼﺭﻏﺎ ﺑﯧﺮﯨﻠﯩﺪﯨﻐﺎﻥ، ﺩﯙﻟﻪﺗﻠﯩﻚ ﻣﺎﺋﺎﺭﯨﭗ ﻣﯩﻨﯩﺴﺘﯩﺮﻟﯩﻘﻰ ﺗﻪﺭﯨﭙﯩﺪﯨﻦ ﺑﯩﺮ ﺗﯘﺗﺎﺵ ﺋﻪﻧﮕﻪ ﺋﯧﻠﯩﻨﯩﺪﯨﻐﺎﻥ ﺋﻮﻗﯘﺵ ﭘﯜﺗﺘﯜﺭﯛﺵ ﮔﯘﯞﺍﻫﻨﺎﻣﯩﺴﻰ ﯞﻩ ﺑﺎﻛﻼﯞﯗﺭﻟﯘﻕ ﺋﯘﻧﯩﯟﺍﻧﯩﻨﻰ ﻛﯚﺭﺳﯩﺘﯩﺪﯗ. ﺋﺎﻣﯧﺮﯨﻜﯩﺪﯨﻜﻰ ﻣﯘﺗﻠﻪﻕ ﻛﯚﭖ ﺳﺎﻧﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭ ﺑﯘ ﮔﯘﯞﺍﻫﻨﺎﻣﯩﻠﻪﺭﻧﻰ ﺋﯧﺘﯩﺮﺍﭖ ﻗﯩﻠﯩﺪﯨﻐﺎﻥ ﺑﻮﻟﯘﭖ، ﺋﯘﻻﺭﻏﺎ ﻣﯘﺷﯘ ﮔﯘﯞﺍﻫﻨﺎﻣﯩﻠﻪﺭﮔﻪ ﺋﯧﺮﯨﺸﻜﻪﻧﻠﯩﻜﯩﯖﯩﺰﻧﻰ ﯞﻩ ﻳﺎﻛﻰ ﭘﺎﺕ ﺋﺎﺭﯨﺪﺍ ﺋﯧﺮﯨﺸﯩﺪﯨﻐﺎﻧﻠﯩﻘﯩﯖﯩﺰﻧﻰ (ﺋﻪﮔﻪﺭ ﺋﺎﻟﯩﻲ ﻣﻪﻛﺘﻪﭘﻨﯩﯔ ﺋﺎﺧﯩﺮﻗﻰ ﻳﯩﻠﻠﯩﻘﯩﺪﺍ ﺗﯘﺭﯗﭖ ﺋﯩﻠﺘﯩﻤﺎﺱ ﻗﯩﻠﯩﯟﺍﺗﻘﺎﻥ ﺑﻮﻟﺴﯩﯖﯩﺰ) ﺋﯩﺴﭙﺎﺗﻼﻳﺪﯨﻐﺎﻥ ﺋﯩﺴﭙﺎﺕ ﻛﯧﺮﻩﻙ. ﺑﯘﻧﯩﯔ ﺗﻪﭘﺴﯩﻼﺗﯩﻨﻰ ﺗﻮﺭ ﺑﻪﺗﻨﯩﯔ ﻣﻪﻛﺘﻪﭖ ﺗﺎﻟﻼﺵ ﻗﯩﺴﻤﯩﺪﺍ ﺗﻮﺧﺘﯩﻠﯩﭗ ﺋﯚﺗﯩﻤﻪﻥ. ﺷﯘﻧﻰ ﺳﻪﻣﯩﯖﯩﺰﮔﻪ ﺳﯧﻠﯩﭗ ﻗﻮﻳﻐﯘﻡ ﻛﯧﻠﯩﯟﺍﺗﯩﺪﯗ، ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭ ﺑﻪﺯﯨﺪﻩ ﺳﯩﺰﺩﯨﻦ ﺗﻮﻟﯘﻕ ﻛﯘﺭﺱ ﺩﯨﭙﻠﻮﻣﯩﯖﯩﺰﻧﯩﯔ ﺑﺎﺭﻟﯩﻘﯩﻨﻰ ﺗﻪﻟﻪﭖ ﻗﯩﻠﻤﺎﺳﻠﯩﻘﻰ ﻣﯘﻣﻜﯩﻦ، ﻟﯧﻜﯩﻦ ﭼﻮﻗﯘﻡ ﺑﺎﻛﻼﯞﯗﺭﻟﯘﻕ ﺋﯘﻧﯟﺍﻧﯩﯖﯩﺰ ﺑﻮﻟﯘﺷﯩﻨﻰ ﺗﻪﻟﻪﭖ ﻗﯩﻠﯩﺪﯗ. ﻫﻪﺗﺘﺎ ﺳﯩﺰ ﻣﺎﮔﯩﺴﺘﯩﺮﻟﯩﻘﻨﻰ ﺋﯧﻠﯩﭗ ﺑﻮﻟﻐﺎﻥ ﺑﻮﻟﺴﯩﯖﯩﺰﻣﯘ، ﻛﯚﭖ ﺳﺎﻧﺪﯨﻜﻰ ﻣﻪﻛﺘﻪﭘﻠﻪﺭ ﻳﻪﻧﯩﻼ ﺳﯩﺰﺩﯨﻦ ﺑﺎﻛﻼﯞﯗﺭﻟﯘﻕ ﺋﯘﻧﯟﺍﻧﯩﯖﯩﺰﻧﯩﯔ ﺑﺎﺭﻟﯩﻘﯩﻨﻰ ﺋﯩﺴﭙﺎﺗﻼﺷﻨﻰ ﺗﻪﻟﻪﭖ ﻗﯩﻠﯩﺪﯗ. ﻣﺎﮔﯩﺴﺘﯩﺮﻟﯩﻘﻨﻰ ﺋﯧﻠﯩﭗ ﺑﻮﻟﻐﺎﻧﻼﺭ ﻳﺎﻛﻰ ﺋﯧﻠﯩﺶ ﺋﺎﻟﺪﯨﺪﺍ ﺗﯘﺭﻏﺎﻧﻼﺭ ﺩﻭﻛﺘﯘﺭﻟﯘﻗﺘﺎ ﺋﻮﻗﯘﺷﻨﻰ ﻳﺎﻛﻰ ﻣﺎﮔﯩﺴﺘﯩﺮﻟﯩﻘﻨﻰ ﻗﺎﻳﺘﺎ ﺋﻮﻗﯘﺷﻘﺎ ﺋﯩﻠﺘﯩﻤﺎﺱ ﻗﯩﻠﺴﺎ ﺑﻮﻟﯩﺪﯗ. ﺑﺎﻛﻼﯞﯗﺭﻟﯘﻗﻨﻰ ﺋﯧﻠﯩﭗ ﺑﻮﻟﻐﺎﻧﻼﺭ ﻳﺎﻛﻰ ﺋﯧﻠﯩﺶ ﺋﺎﻟﺪﯨﺪﺍ ﺗﯘﺭﻏﺎﻧﻼﺭﻣﯘ ﺑﯩﯟﺍﺳﺘﻪ ﺩﻭﻛﺘﯘﺭﻟﯘﻗﺘﺎ ﺋﻮﻗﯘﺷﻨﻰ ﻳﺎﻛﻰ ﻣﺎﮔﯩﺴﺘﯩﺮﻟﯩﻘﺘﺎ ﺋﻮﻗﯘﺷﻨﻰ ﺋﯩﻠﺘﯩﻤﺎﺱ ﻗﯩﻠﺴﺎ ﺑﻮﻟﯩﺪﯗ. ﺑﻪﺯﯨﻠﻪﺭ ﺩﻭﻛﺘﯘﺭﻟﯘﻗﺘﺎ ﺋﻮﻗﯘﺵ ﺋﯜﭼﯜﻥ ﺋﺎﻟﺪﻯ ﺑﯩﻠﻪﻥ ﭼﻮﻗﯘﻡ ﻣﺎﮔﯩﺴﺘﯩﺮﻟﯩﻖ ﺋﯘﻧﯟﺍﻧﯩﻨﻰ ﺋﯧﻠﯩﭗ ﺑﻮﻟﯘﺵ ﻛﯧﺮﻩﻙ ﺩﻩﭖ ﺋﻮﻳﻠﯩﺸﻰ ﻣﯘﻣﻜﯩﻦ، ﺋﻪﻣﻪﻟﯩﻴﻪﺗﺘﻪ ﺋﻮﺧﺸﯩﻤﯩﻐﺎﻥ ﻛﻪﺳﯩﭙﻠﻪﺭ، ﺋﻮﺧﺸﯩﻤﯩﻐﺎﻥ ﻣﻪﻛﺘﻪﭘﻠﻪﺭ ﯞﻩ ﺋﻮﺧﺸﯩﻤﯩﻐﺎﻥ ﺩﯙﻟﻪﺗﻠﻪﺭﻧﯩﯔ ﺋﻪﻫﯟﺍﻟﯩﻲ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺋﺎﻣﯧﺮﯨﻜﯩﺪﯨﻜﻰ ﻧﯘﺭﻏﯘﻥ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﻣﺎﮔﯩﺴﺘﯩﺮﻟﯩﻘﻨﻰ ﺋﻮﻗﯘﻣﺎﻳﻼ ﺑﯩﯟﺍﺳﺘﻪ ﺩﻭﻛﺘﯘﺭﻟﯘﻗﺘﺎ ﺋﻮﻗﯘﺷﻘﺎ ﺑﻮﻟﯩﺪﯗ، ﺋﻪﻣﻪﻟﯩﻴﻪﺗﺘﻪ ﻣﺎﮔﯩﺴﺘﯩﺮﻟﯩﻖ ﯞﻩ ﺩﻭﻛﺘﯘﺭﻟﯘﻕ ﺑﯩﺮ - ﺑﯩﺮﯨﮕﻪ ﺑﯧﻘﯩﻨﻤﺎﻳﺪﯨﻐﺎﻥ ﻣﯘﺳﺘﻪﻗﯩﻞ ﺋﯩﻜﻜﻰ ﺧﯩﻞ ﭘﺮﻭﮔﺮﺍﻣﻤﺎ ﺳﯜﭘﯩﺘﯩﺪﻩ ﻣﯘﺋﺎﻣﯩﻠﻪ ﻗﯩﻠﯩﻨﯩﺪﯗ. ﻟﯧﻜﯩﻦ ﺑﻪﺯﻯ ﻛﻪﺳﯩﭙﻠﻪﺭ ﯞﻩ ﻳﺎﻛﻰ ﺑﻪﺯﻯ ﻓﺎﻛﯘﻟﺘﯧﺘﻼﺭ ﻣﺎﮔﯩﺴﺘﯩﺮ ﺋﯘﻧﯟﺍﻧﻰ ﺑﻮﻟﻤﯩﺴﺎ ﺩﻭﻛﺘﯘﺭﻟﯘﻗﻘﺎ ﻗﻮﺑﯘﻝ ﻗﯩﻠﻤﺎﻳﻤﯩﺰ ﺩﻩﻳﺪﯗ. ﺷﯘﯕﺎ ﺳﯩﺰ ﺑﯩﺮ ﻣﻪﻛﺘﻪﭘﻜﻪ ﺋﯩﻠﺘﯩﻤﺎﺱ ﻗﯩﻠﯩﺸﺘﯩﻦ ﺋﺎﯞﺍﻝ ﺷﯘ ﻣﻪﻛﺘﻪﭘﻨﯩﯔ ﯞﻩ ﺳﯩﺰ ﺋﻮﻗﯘﻣﺎﻗﭽﻰ ﺑﻮﻟﻐﺎﻥ ﻓﺎﻛﯘﻟﺘﯧﺘﻨﯩﯔ ﺑﯘ ﺗﻮﻏﺮﯨﻠﯩﻖ ﺑﻪﺭﮔﻪﻥ ﭼﯜﺷﻪﻧﭽﯩﺴﯩﻨﻰ ﺋﯧﻨﯩﻖ ﺑﯩﻠﯩﯟﯦﻠﯩﺸﯩﯖﯩﺰ ﻛﯧﺮﻩﻙ.
ﺗﻮﻟﯘﻕ ﻛﯘﺭﺱ ﺟﻪﺭﻳﺎﻧﯩﺪﯨﻜﻰ ﺋﻮﺗﺘﯘﺭﯨﭽﻪ ﻧﻪﺗﯩﺠﻪ (Grade Point Average, or GPA)
ﺑﯘ ﺳﯩﺰﻧﯩﯔ ﺗﯚﺕ ﻳﯩﻠﻠﯩﻖ ﺗﻮﻟﯘﻕ ﻛﯘﺭﺱ ﺟﻪﺭﻳﺎﻧﯩﺪﺍ ﺋﻮﻗﯘﭖ ﺗﯜﮔﻪﺗﻜﻪﻥ ﺑﺎﺭﻟﯩﻖ ﺩﻩﺭﺳﻠﻪﺭﺩﯨﻦ ﺋﺎﻟﻐﺎﻥ ﻧﻮﻣﯘﺭﯨﯖﯩﺰﻧﯩﯔ ﺋﻮﺗﺘﯘﺭﯨﭽﻪ ﻧﻪﺗﯩﺠﯩﺴﯩﻨﻰ ﻛﯚﺯﺩﻩ ﺗﯘﺗﯩﺪﯗ. ﻫﻪﻣﻤﯩﻤﯩﺰﮔﻪ ﻣﻪﻟﯘﻡ ﺑﻮﻟﻐﯩﻨﯩﺪﻩﻙ، ﻧﯘﺭﻏﯘﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﺑﯩﺮ ﻳﯩﻞ ﻳﺎﻛﻰ ﺋﯩﻜﻜﻰ ﻳﯩﻞ ﺗﻪﻳﻴﺎﺭﻟﯩﻘﺘﺎ ﺋﻮﻗﯘﻳﻤﯩﺰ. ﺑﯘ ﺋﻪﻫﯟﺍﻝ ﺗﻮﻏﺮﯨﺴﯩﺪﺍ ﭼﻪﺗﺌﻪﻟﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭ ﻫﯧﭽﻘﺎﻧﺪﺍﻕ ﭼﯜﺷﻪﻧﭽﯩﮕﻪ ﺋﯩﮕﻪ ﺋﻪﻣﻪﺱ، ﻫﻪﻡ ﺋﯘﻻﺭ ﭼﯜﺷﻪﻧﮕﻪﻥ ﺗﻪﻗﺪﯨﺮﺩﯨﻤﯘ ﻛﯚﭖ ﻫﺎﻟﻼﺭﺩﺍ ﺗﻪﻳﻴﺎﺭﻟﯩﻖ ﺟﻪﺭﻳﺎﻧﯩﺪﺍ ﺋﻮﻗﯘﻏﺎﻥ ﺧﻪﻧﺰﯗ ﺗﯩﻠﯩﻐﺎ ﺋﺎﻻﻗﯩﺪﺍﺭ ﺩﻩﺭﺳﻠﻪﺭﮔﻪ ﻫﯧﭽﻘﺎﻧﭽﻪ ﻗﯩﺰﯨﻘﯩﭗ ﻛﻪﺗﻤﻪﻳﺪﯗ (ﻧﺎﯞﺍﺩﺍ ﺳﯩﺰ ﭼﻪﺗﺌﻪﻟﮕﻪ ﭼﯩﻘﯩﭗ ﺧﻪﻧﺰﯗﺗﯩﻠﻰ ﺋﻮﻗﯘﻣﺎﻗﭽﻰ ﺑﻮﻟﯘﭖ ﻗﺎﻟﻐﺎﻥ ﺑﻮﻟﻤﯩﺴﯩﯖﯩﺰﻻ). ﺷﯘﯕﺎ ﺗﻪﻳﻴﺎﺭﻟﯩﻖ ﺟﻪﺭﻳﺎﻧﯩﺪﯨﻜﻰ ﻧﻪﺗﯩﺠﯩﻠﻪﺭﻧﻰ ﺋﺎﻣﯧﺮﯨﻜﯩﺪﯨﻜﻰ ﻣﻪﻛﺘﻪﭘﻠﻪﺭﮔﻪ ﺋﻪﯞﻩﺗﯩﺸﻨﯩﯔ ﻫﺎﺟﯩﺘﻰ ﻳﻮﻕ ﺩﻩﭖ ﺋﻮﻳﻼﻳﻤﻪﻥ. ﻟﯧﻜﯩﻦ ﺑﯘ ﻫﻪﺭﮔﯩﺰﻣﯘ ﺳﯩﺰﻧﯩﯔ ﺗﻪﻳﻴﺎﺭﻟﯩﻘﺘﺎ ﻳﺎﺧﺸﻰ ﺋﻮﻗﯘﻣﺎﺳﻠﯩﻘﯩﯖﯩﺰﻧﯩﯔ ﺑﺎﻫﺎﻧﯩﺴﻰ ﺑﻮﻟﯘﭖ ﻗﺎﻟﻤﯩﺴﯘﻥ. ﺩﺍﺋﯩﻢ ﺋﯧﺴﯩﯖﯩﺰﺩﻩ ﺑﻮﻟﺴﯘﻥ، ﺳﯩﺰ ﺋﯚﮔﻪﻧﺴﯩﯖﯩﺰ ﺋﯚﺯﯨﯖﯩﺰ ﺋﯜﭼﯜﻥ ﺋﯚﮔﯩﻨﯩﺴﯩﺰ، ﺳﯩﺰ ﺋﯚﮔﻪﻧﮕﻪﻥ ﻫﻪﺭ ﺑﯩﺮ ﺑﯩﻠﯩﻤﻨﯩﯔ ﭼﻮﯓ ﻣﯧﯖﯩﯖﯩﺰﻧﯩﯔ ﺗﻪﺭﻩﻗﻘﯩﻴﺎﺗﯩﻐﺎ (ﺗﻪﭘﻪﻛﻜﯘﺭ ﻗﯩﻠﯩﺶ ﺋﯩﻘﺘﯩﺪﺍﺭﯨﯖﯩﺰ، ﺋﻪﺳﺘﻪ ﺳﺎﻗﻼﺵ ﺋﯩﻘﺘﯩﺪﺍﺭﯨﯖﯩﺰ ﺩﯦﮕﻪﻧﺪﻩﻙ) ﯞﻩ ﻳﺎﻛﻰ ﺳﯩﺰﻧﯩﯔ ﻫﻪﺭ ﺗﻪﺭﻩﭘﻠﯩﻤﻪ ﺋﯚﺳﯜﭖ ﻳﯧﺘﯩﻠﯩﺸﯩﯖﯩﺰﮔﻪ ﺑﻮﻟﺴﯘﻥ ﺋﺎﺯﺩﯗﺭ - ﻛﯚﭘﺘﯘﺭ ﻳﺎﺭﺩﯨﻤﻰ ﺑﻮﻟﯩﺪﯗ. "ﺋﻪﺳﻘﺎﺗﻤﺎﻳﺪﯨﻐﺎﻥ ﻧﻪﺭﺳﯩﻠﻪﺭ"، "ﺑﻪﻙ ﺯﯦﺮﯨﻜﯩﺸﻠﯩﻚ ﺩﻩﺭﺱ" ﺩﯦﮕﻪﻧﺪﻩﻙ ﺑﺎﻫﺎﻧﯩﻠﻪﺭ ﺑﯩﻠﻪﻥ ﺋﯚﮔﻪﻧﻤﻪﻱ ﻳﯜﺭﺳﯩﯖﯩﺰ، ﺋﯚﺯﯨﯖﯩﺰ ﺯﯨﻴﺎﻥ ﺗﺎﺭﺗﯩﺴﯩﺰ ﺧﺎﻻﺱ. ﺋﯚﮔﯩﻨﯩﺶ ﻫﻪﻣﻤﻪ ﯞﺍﻗﯩﺘﻼﺭﺩﺍ ﻛﯚﯕﯜﻟﻠﯜﻙ ﺑﻮﻟﯩﯟﻩﺭﻣﻪﻳﺪﯗ، ﺯﯦﺮﯨﻜﯩﺸﻠﯩﻚ ﺋﯩﺸﻨﻰ ﻗﺎﻧﺪﺍﻕ ﻗﯩﻠﯩﭗ ﻗﯩﺰﯨﻘﺎﺭﻟﯩﻖ ﺋﯩﺸﻘﺎ ﺋﺎﻳﻼﻧﺪﯗﺭﯗﺵ ﺋﯜﺳﺘﯩﺪﯨﻤﯘ ﺋﯩﺰﺩﯨﻨﯩﭗ ﺑﯧﻘﯩﯔ.
ﺋﺎﺩﻩﺗﺘﻪ ﺋﺎﻣﯧﺮﯨﻜﯩﺪﯨﻜﻰ ﻧﯘﺭﻏﯘﻥ ﺋﺎﻟﯩﻲ ﻣﻪﻛﺘﻪﭘﻠﻪﺭ ﺳﯩﺰﻧﯩﯔ ﺋﺎﻣﯧﺮﯨﻜﯩﺪﯨﻜﻰ ﻣﻪﻛﺘﻪﭘﻠﻪﺭﻧﯩﯔ ﺋﻮﺗﺘﯘﺭﯨﭽﻪ ﻧﻮﻣﯘﺭ ﻫﯧﺴﺎﺑﻼﺵ ﺋﯘﺳﯘﻟﻰ ﺑﻮﻳﯩﭽﻪ ﻫﯧﺴﺎﺑﻠﯩﻐﺎﻧﺪﯨﻜﻰ ﺋﻮﺗﺘﯘﺭﯨﭽﻪ ﻧﻪﺗﯩﺠﻪ (GPA) ﯨﯖﯩﺰﻧﯩﯔ 3.0 ﺩﯨﻦ ﻳﯘﻗﯩﺮﻯ ﺑﻮﻟﯘﺷﯩﻨﻰ ﺗﻪﻟﻪﭖ ﻗﯩﻠﯩﺪﯗ (ﺗﻮﻟﯘﻕ ﻧﻮﻣﯘﺭ ﺋﺎﺩﻩﺗﺘﻪ 4.0 ﺑﻮﻟﯩﺪﯗ). 3.0 ﺟﯘﯕﮕﻮﻧﯩﯔ ﺗﻮﻟﯘﻕ ﻧﻮﻣﯘﺭ 100 ﻧﻮﻣﯘﺭﻟﯘﻕ ﻧﻮﻣﯘﺭ ﻗﻮﻳﯘﺵ ﺳﯧﺴﺘﯩﻤﯩﺴﯩﺪﺍ ﺗﻪﺧﻤﯩﻨﻪﻥ 80 ﻧﻮﻣﯘﺭ ﺋﻪﺗﺮﺍﭘﯩﻐﺎ ﺗﻮﻏﺮﯨﻠﯩﺸﯩﺪﯗ. ﺋﺎﻣﯧﺮﯨﻜﯩﺪﯨﻜﻰ ﻧﺎﻫﺎﻳﯩﺘﻰ ﺋﺎﺯ ﺳﺎﻧﺪﯨﻜﻰ ﺑﯩﺮ ﻗﯩﺴﯩﻢ ﺋﺎﻟﯩﻲ ﻣﻪﻛﺘﻪﭘﻠﻪﺭ ﺋﻮﺗﺘﯘﺭﯨﭽﻪ ﻧﻮﻣﯘﺭﯨﯖﯩﺰ 2.7 ﺩﯨﻦ ﻳﯘﻗﯩﺮﻯ ﺑﻮﻟﺴﯩﻤﯘ ﺑﻮﻟﯩﺪﯗ ﺩﯦﻴﯩﺸﻰ ﻣﯘﻣﻜﯩﻦ، ﻟﯧﻜﯩﻦ ﺑﯘﻧﺪﺍﻕ ﻣﻪﻛﺘﻪﭘﻠﻪﺭ ﻛﯚﭖ ﻫﺎﻟﻼﺭﺩﺍ ﺋﺎﻧﭽﻪ ﻳﺎﺧﺸﻰ ﺑﻮﻟﻤﯩﻐﺎﻥ ﻣﻪﻛﺘﻪﭘﻠﻪﺭ ﺑﻮﻟﯘﭖ، ﺳﯩﺰﻧﻰ ﺋﻮﻗﯘﺵ ﻣﯘﻛﺎﭘﺎﺕ ﭘﯘﻟﻰ ﺑﯩﻠﻪﻥ ﺗﻪﻣﯩﻨﻠﻪﺷﻜﻪ ﻗﯘﺭﺑﻰ ﻳﻪﺗﻤﻪﺳﻠﯩﻜﻰ ﻣﯘﻣﻜﯩﻦ. ﺷﯘﯕﺎ ﻣﯧﻨﯩﯔ ﺗﻪﯞﺳﯩﻴﻪ ﻗﯩﻠﯩﺪﯨﻐﯩﻨﯩﻢ، ﺋﺎﻣﺎﻝ ﺑﺎﺭ ﺋﺎﻟﯩﻲ ﻣﻪﻛﺘﻪﭘﻨﻰ ﻳﯧﯖﻰ ﺑﺎﺷﻠﯩﻐﺎﻧﺪﯨﻦ ﺗﺎﺭﺗﯩﭙﻼ ﻫﻪﺭ ﻗﺎﻳﺴﻰ ﺩﻩﺭﺳﻠﻪﺭﺩﯨﻜﻰ ﻧﻪﺗﯩﺠﯩﻠﯩﺮﯨﯖﯩﺰﻧﻰ ﻳﯘﻗﯩﺮﻯ ﻛﯚﺗﯜﺭﯛﺷﻜﻪ ﺗﯩﺮﯨﺸﯩﯔ، ﺑﻮﻟﯘﭘﻤﯘ ﻛﻪﺳﭙﯩﻲ ﭘﻪﻧﻠﻪﺭﻧﯩﯔ ﻧﻪﺗﯩﺠﯩﺴﯩﻨﻰ ﺗﯧﺨﯩﻤﯘ ﻳﺎﺧﺸﻰ ﭼﯩﻘﯩﺮﯨﺸﻘﺎ ﺗﯩﺮﯨﺸﯩﯔ. ﻣﯧﻨﯩﯔ ﻛﯚﺯ ﻗﺎﺭﯨﺸﯩﻤﺪﺍ، ﺋﻪﮔﻪﺭ ﺳﯩﺰﻧﯩﯔ ﺗﻪﺗﻘﯩﻘﺎﺕ ﻧﻪﺗﯩﺠﯩﻠﯩﺮﯨﯖﯩﺰ ﻳﺎﻛﻰ ﺋﺎﻻﻗﯩﺪﺍﺭ ﺗﻪﺟﺮﯨﺒﯩﻠﯩﺮﯨﯖﯩﺰ ﺑﻮﻟﻤﯩﺴﺎ ﻳﺎﻛﻰ ﺑﻮﻟﺴﯩﻤﯘ ﻧﺎﻫﺎﻳﯩﺘﻰ ﺋﺎﺟﯩﺰ ﺑﻮﻟﺴﺎ، ﺋﯘ ﭼﺎﻏﺪﺍ ﺳﯩﺰﻧﯩﯔ ﺗﻮﻟﯘﻕ ﻛﯘﺭﺱ ﺟﻪﺭﻳﺎﻧﯩﺪﯨﻜﻰ ﻧﻪﺗﯩﺠﯩﻠﯩﺮﯨﯖﯩﺰ ﺳﯩﺰﻧﯩﯔ ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭ ﺗﻪﺭﯨﭙﯩﺪﯨﻦ ﻗﻮﺑﯘﻝ ﻗﯩﻠﯩﻨﯩﺸﯩﯖﯩﺰﺩﺍ ﯞﻩ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﻳﺎﺭﺩﻩﻣﮕﻪ ﺋﯧﺮﯨﺸﻪﻟﯩﺸﯩﯖﯩﺰﺩﻩ ﺋﻪﯓ ﻣﯘﻫﯩﻢ ﺭﻭﻝ ﺋﻮﻳﻨﺎﻳﺪﯗ. ﺷﯘﯕﺎ ﭘﻪﻗﻪﺕ ﺋﯩﻨﮕﯩﻠﯩﺰ ﺗﯩﻠﯩﻨﻰ ﻳﺎﺧﺸﻰ ﺋﯚﮔﯩﻨﯩﯟﺍﻟﺴﺎﻣﻼ ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﺋﻮﻗﯘﻳﺎﻻﻳﻤﻪﻥ ﺩﻩﭖ ﺋﻮﻳﻼﺵ ﺗﻮﻟﯩﻤﯘ ﺑﯩﺮ ﺗﻪﺭﻩﭘﻠﯩﻤﯩﻠﯩﻚ ﺑﻮﻟﯩﺪﯗ.
ﺋﯩﻨﮕﯩﻠﯩﺰ ﺗﯩﻠﻰ
ﺑﯘ ﺷﻪﺭﺕ ﻛﯚﭖ ﻗﯩﺴﯩﻢ ﺋﯘﻳﻐﯘﺭ ﺋﻮﻗﯘﻏﯘﭼﯩﻠﯩﺮﯨﻤﯩﺰﻏﺎ ﺗﻮﻧﯘﺵ ﺑﻮﻟﯘﺷﻰ ﻣﯘﻣﻜﯩﻦ. ﺋﺎﺩﻩﺗﺘﻪ ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭ ﺳﯩﺰﻧﯩﯔ ﺋﺎﻣﯧﺮﯨﻜﯩﺪﯨﻜﻰ ﺋﻮﻗﯘﺵ ﯞﻩ ﺗﯘﺭﻣﯘﺷﻨﯩﯔ ﻫﯚﺩﺩﯨﺴﯩﺪﯨﻦ ﺗﻮﻟﯘﻕ ﭼﯩﻘﺎﻟﯩﺸﯩﯖﯩﺰ ﺋﯜﭼﯜﻥ، ﺋﯩﻨﮕﯩﻠﯩﺰ ﺗﯩﻠﯩﻨﻰ ﭘﯩﺸﺸﯩﻖ ﺑﯩﻠﯩﺸﯩﯖﯩﺰﻧﻰ ﺗﻪﻟﻪﭖ ﻗﯩﻠﯩﺪﯗ. ﺋﻪﻟﯟﻩﺗﺘﻪ ﺑﯘ ﺟﻪﻫﻪﺗﺘﯩﻜﻰ ﺳﻪﯞﯨﻴﯩﯖﯩﺰﻧﻰ ﺑﯩﻠﯩﺶ ﺋﯜﭼﯜﻥ، ﺋﯘﻻﺭ ﺳﯩﺰﻧﯩﯔ ﺧﻪﻟﻘﺌﺎﺭﺍﺩﺍ ﺋﯚﻟﭽﻪﻣﻠﻪﺷﺘﯜﺭﯛﻟﮕﻪﻥ ﺋﯩﻨﮕﯩﻠﯩﺰ ﺗﯩﻠﻰ ﺋﯩﻤﺘﯩﻬﺎﻧﻠﯩﺮﯨﻨﯩﯔ ﻣﻪﻟﯘﻡ ﺑﯩﺮﺳﻰ ﻳﺎﻛﻰ ﺑﯩﺮ ﻗﺎﻧﭽﯩﺴﯩﻐﺎ ﻗﺎﺗﻨﯩﺸﯩﭗ، ﺗﻪﻟﻪﭖ ﻗﯩﻠﻐﺎﻥ ﻧﻮﻣﯘﺭ ﺋﯚﻟﭽﯩﻤﯩﮕﻪ ﻳﯧﺘﯩﺸﯩﯖﯩﺰﻧﻰ ﺳﻮﺭﺍﻳﺪﯗ (ﻗﺎﻧﭽﻪ ﺧﯩﻞ ﺋﯩﻤﺘﯩﻬﺎﻧﻨﻰ ﺑﯧﺮﯨﺶ ﺋﻮﺧﺸﯩﻤﯩﻐﺎﻥ ﻣﻪﻛﺘﻪﭖ ﯞﻩ ﺋﻮﺧﺸﯩﻤﯩﻐﺎﻥ ﻛﻪﺳﯩﭙﻠﻪﺭﮔﻪ ﻗﺎﺭﺍﭖ ﺋﻮﺧﺸﯩﻤﺎﻳﺪﯗ). ﺋﺎﻣﯧﺮﯨﻜﯩﺪﯨﻜﻰ ﻛﯚﭖ ﻗﯩﺴﯩﻢ ﺋﺎﻟﯩﻲ ﻣﻪﻛﺘﻪﭘﻠﻪﺭ ﺳﯩﺰﺩﯨﻦ TOEFL [ﺗﻪﻟﻪﭘﭙﯘﺯ:"ﺗﻮﻓﯩﻞ"] (Test of English as a Foreign Language) ﻳﺎﻛﻰ IELTS [ﺗﻪﻟﻪﭘﭙﯘﺯ: "ﺋﺎﻱ-ﺋﯧﻠﺘﺲ"] (International English Language Testing System) ﺋﯩﻤﺘﯩﻬﺎﻧﻠﯩﺮﻯ ﺋﯩﭽﯩﺪﯨﻦ ﭼﻮﻗﯘﻡ ﺑﯩﺮﻧﻰ ﺗﺎﻟﻼﭖ ﻗﺎﺗﻨﯩﺸﯩﺸﯩﯖﯩﺰﻧﻰ ﺗﻪﻟﻪﭖ ﻗﯩﻠﯩﺪﯗ. ﻛﯚﭖ ﻗﯩﺴﯩﻢ ﻣﻪﻛﺘﻪﭘﻠﻪﺭ ﻣﺎﮔﯩﺴﺘﯩﺮ ﻳﺎﻛﻰ ﺩﻭﻛﺘﯘﺭ ﺋﺎﺳﭙﯩﺮﺍﻧﺖ ﺋﻮﻗﯘﻳﺪﯨﻐﺎﻧﻼﺭﺩﯨﻦ ﻳﻪﻧﻪ GRE [ﺗﻪﻟﻪﭘﭙﯘﺯ: "ﺝ-ﺋﺎﺭ-ﺋﻰ"] (Graduate Record Examination) ﺋﯩﻤﺘﯩﻬﺎﻧﯩﻨﻰ ﺑﯧﺮﯨﺸﻨﯩﻤﯘ ﺗﻪﻟﻪﭖ ﻗﯩﻠﯩﺪﯗ (ﺑﻪﺯﻯ ﻛﻪﺳﯩﭙﻠﻪﺭ GRE ﻧﯩﯔ ﺋﻮﺭﻧﯩﻐﺎ GMAT [ﺗﻪﻟﻪﭘﭙﯘﺯ: "ﺝ-ﻣﻪﺕ"] ﻧﻰ، ﺑﻪﺯﻯ ﻛﻪﺳﯩﭙﻠﻪﺭ MCAT [ﺗﻪﻟﻪﭘﭙﯘﺯ: "ﺋﯧﻢ-ﻛﻪﺕ"] ﻧﻰ، ﯞﻩ ﺑﻪﺯﯨﻠﯩﺮﻯ LSAT [ﺗﻪﻟﻪﭘﭙﯘﺯ: "ﺋﯧﻞ-ﺳﻪﺕ"] ﻧﻰ ﺑﯧﺮﯨﺸﯩﯖﯩﺰﻧﻰ ﺗﻪﻟﻪﭖ ﻗﯩﻠﯩﺪﯗ. ﻗﺎﻳﺴﯩﺴﯩﻨﻰ ﺑﯧﺮﯨﺸﻨﻰ ﻛﯚﭘﯩﻨﭽﻪ ﺋﻮﻗﯘﻣﺎﻗﭽﻰ ﺑﻮﻟﻐﺎﻥ ﻛﻪﺳﭙﯩﯖﯩﺰ ﺑﻪﻟﮕﯩﻠﻪﻳﺪﯗ). ﺑﯘ ﺋﯩﻤﺘﯩﻬﺎﻧﻼﺭ ﺗﻮﻏﺮﯨﺴﯩﺪﺍ ﺗﻮﺭ ﺑﻪﺗﻨﯩﯔ TOEFL/GRE ﻗﯩﺴﻤﯩﺪﺍ ﺗﻪﭘﺴﯩﻠﯩﻲ ﺗﻮﺧﺘﯩﻠﯩﭗ ﺋﯚﺗﯩﻤﻪﻥ.
ﺋﻮﻗﯘﻣﺎﻗﭽﻰ ﺑﻮﻟﻐﺎﻥ ﻣﻪﻛﺘﻪﭖ ﺗﻪﻟﻪﭖ ﻗﯩﻠﻐﺎﻥ ﺑﺎﺷﻘﺎ ﻣﺎﺗﯧﺮﯨﻴﺎﻟﻼﺭ
ﻳﯘﻗﯩﺮﯨﺪﺍ ﺩﻩﭖ ﺋﯚﺗﻜﻪﻥ ﺋﺎﺳﺎﺳﻠﯩﻖ ﺷﻪﺭﺗﻠﻪﺭﺩﯨﻦ ﺑﺎﺷﻘﺎ ﻳﻪﻧﻪ، ﺋﺎﻣﯧﺮﯨﻜﯩﺪﯨﻜﻰ ﻛﯚﭖ ﻗﯩﺴﯩﻢ ﺋﺎﻟﯩﻲ ﻣﻪﻛﺘﻪﭘﻠﻪﺭ ﺋﯩﻠﺘﯩﻤﺎﺱ ﻗﯩﻠﻐﯘﭼﯩﻼﺭﺩﯨﻦ ﺗﯚﯞﻩﻧﺪﯨﻜﯩﺪﻩﻙ ﺑﯩﺮ ﻗﺎﻧﭽﻪ ﺧﯩﻞ ﻣﺎﺗﯧﺮﯨﻴﺎﻟﻼﺭﻧﻰ ﺗﺎﭘﺸﯘﺭﯗﺷﻨﻰ ﺗﻪﻟﻪﭖ ﻗﯩﻠﯩﺪﯗ:
ﺑﯩﺮﯨﻨﭽﯩﺴﻰ، "ﺷﻪﺧﺴﯩﻲ ﺑﺎﻳﺎﻧﺎﺕ" (Personal Statement, or Statement of Purpose)، ﺋﯩﻨﮕﯩﻠﯩﺰﭼﻪ ﻗﺴﯩﻘﺎﺭﺗﯩﻠﯩﭗ PS [ﺗﻪﻟﻪﭘﭙﯘﺯ: "ﭖ-ﺋﻪﺱ"] ﺩﯦﻴﯩﻠﯩﺪﯗ. ﺑﯘ ﺋﯚﺯﯨﯖﯩﺰﻧﯩﯔ ﻫﺎﺯﯨﺮﻏﯩﭽﻪ ﻗﻮﻟﻐﺎ ﻛﻪﻟﺘﯜﺭﮔﻪﻥ ﻧﻪﺗﯩﺠﯩﻠﯩﺮﯨﯖﯩﺰ، ﻗﯩﺰﯨﻘﯩﺸﻠﯩﺮﯨﯖﯩﺰ ﯞﻩ ﺑﯘﻧﺪﯨﻦ ﻛﯧﻴﯩﻨﻜﻰ ﻧﯩﺸﺎﻧﻠﯩﺮﯨﯖﯩﺰﻧﻰ ﺋﯩﻨﺘﺎﻳﯩﻦ ﺋﯩﺨﭽﺎﻡ ﯞﻩ ﺗﻪﺳﯩﺮﻟﯩﻚ ﻗﯩﻠﯩﭗ ﺗﻪﺳﯟﯨﺮﻟﻪﭖ ﭼﯩﻘﻘﺎﻥ ﺑﯩﺮ ﭘﺎﺭﭼﻪ ﻣﺎﻗﺎﻟﻪ ﺑﻮﻟﯘﭖ، ﺑﯘ ﻣﺎﻗﺎﻟﻪ ﺳﯩﺰﻧﯩﯔ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻏﺎ ﺋﯚﺯﯨﯖﯩﺰﻧﯩﯔ ﺋﯘﻻﺭ ﻛﯜﺗﯩﺪﯨﻐﺎﻥ ﺋﯩﻘﺘﯩﺪﺍﺭ ﯞﻩ ﻳﺎﺧﺸﻰ ﺳﯜﭘﻪﺗﻠﻪﺭﮔﻪ ﺋﯩﮕﻪ ﺋﯩﻜﻪﻧﻠﯩﻜﯩﯖﯩﺰﻧﻰ ﺋﯩﺴﭙﺎﺗﻼﺷﺘﺎ ﺋﯩﻨﺘﺎﻳﯩﻦ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﯨﺪﯗ.
ﺋﯩﻜﻜﯩﻨﭽﯩﺴﻰ، ﺋﯜﭺ ﭘﺎﺭﭼﻪ ﺗﻪﯞﺳﯩﻴﻪﻧﺎﻣﻪ (Recommendation Letters). ﺑﯘ ﺳﯩﺰﻧﻰ ﺋﻮﻗﯘﺗﻘﺎﻥ ﻳﺎﻛﻰ ﺳﯩﺰ ﺑﯩﻠﻪﻥ ﺑﯩﺮﮔﻪ ﺧﯩﺰﻣﻪﺕ ﻗﯩﻠﻐﺎﻥ ﭘﺮﻭﻓﯧﺴﻮﺭﻻﺭ ﯞﻩ ﺑﻪﻟﻜﯩﻢ ﺑﻪﺯﻯ ﺩﺍﯕﻠﯩﻖ ﻛﯩﺸﯩﻠﻪﺭﻧﯩﯔ ﺳﯩﺰﻧﻰ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻏﺎ ﺗﻮﻧﯘﺷﺘﯘﺭﯗﭖ ﻳﺎﺯﻏﺎﻥ ﺧﯧﺘﻰ ﺑﻮﻟﯘﭖ، ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭ ﺑﯘ ﺋﺎﺭﻗﯩﻠﯩﻖ ﺑﺎﺷﻘﯩﻼﺭﻧﯩﯔ ﻛﯚﺯﻯ ﺑﯩﻠﻪﻥ ﺳﯩﺰﻧﻰ ﻛﯚﺭﯛﭖ، ﺳﯩﺰﻧﯩﯔ ﺧﺎﺭﺍﻛﺘﯧﺮﯨﯖﯩﺰ ﯞﻩ ﺑﺎﺷﻘﺎ ﺋﺎﻻﻫﯩﺪﯨﻠﯩﻜﻠﯩﺮﯨﯖﯩﺰﻧﻰ ﺗﯧﺨﯩﻤﯘ ﻳﺎﺧﺸﻰ ﭼﯜﺷﯩﻨﯩﭗ ﺑﯧﻘﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ.
ﺋﯘﻧﺪﯨﻦ ﺑﺎﺷﻘﺎ ﻳﻪﻧﻪ ﻗﯩﺴﻘﯩﭽﻪ ﺗﻪﺭﺟﯩﻤﯩﻬﺎﻝ (Resume, or CV) ﺩﯦﮕﻪﻧﺪﻩﻙ ﻗﻮﺷﯘﻣﭽﻪ ﻣﺎﺗﯧﺮﯨﻴﺎﻟﻼﺭﻧﯩﻤﯘ ﺗﻪﻟﻪﭖ ﻗﯩﻠﯩﺸﻰ ﻣﯘﻣﻜﯩﻦ.
<ﻣﯘﻫﯩﻢ ﻧﯘﻗﺘﯩﻼﺭﻏﺎ ﻗﺎﻳﺘﯩﺶ>
ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻧﻰ ﺋﻪﯓ ﻗﯩﺰﯨﻘﺘﯘﺭﯨﺪﯨﻐﺎﻥ ﺳﯜﭘﻪﺗﻠﻪﺭ
ﺗﻪﺗﻘﯩﻘﺎﺕ ﺋﯩﻘﺘﯩﺪﺍﺭﻯ
ﺑﯘ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻧﻰ ﻫﻪﻣﻤﯩﺪﯨﻦ ﺑﻪﻙ ﻗﯩﺰﯨﻘﺘﯘﺭﯨﺪﯗ، ﭼﯜﻧﻜﻰ ﺋﺎﺳﭙﯩﺮﺍﻧﺘﻠﯩﻖ ﺋﻮﻗﯘﺵ، ﺑﻮﻟﯘﭘﻤﯘ ﺩﻭﻛﺘﯘﺭ ﺋﺎﺳﭙﯩﺮﺍﻧﺘﻠﯩﻖ ﺋﻮﻗﯘﺷﻨﯩﯔ ﻳﻪﺗﻤﻪﻛﭽﻰ ﺑﻮﻟﻐﺎﻥ ﺋﻪﯓ ﻣﯘﻫﯩﻢ ﻧﯩﺸﺎﻧﻠﯩﺮﯨﻨﯩﯔ ﺑﯩﺮﻯ ﺋﺎﺳﭙﯩﺮﺍﻧﺘﻼﺭﻧﯩﯔ ﺗﻪﺗﻘﯩﻘﺎﺕ ﺑﯩﻠﻪﻥ ﺷﯘﻏﯘﻟﻠﯩﻨﯩﺶ ﺋﯩﻘﺘﯩﺪﺍﺭﯨﻨﻰ ﻳﯧﺘﯩﻠﺪﯛﺭﯛﺵ ﯞﻩ ﻛﯜﭼﻪﻳﺘﯩﺶ. ﺩﻭﻛﺘﯘﺭﻟﯘﻕ ﺋﻮﻗﯘﺷﺘﺎ ﻫﻪﻣﻤﻪ ﻧﻪﺭﺳﻪ ﺗﻪﺗﻘﯩﻘﺎﺗﻨﻰ ﭼﯚﺭﯨﺪﻩﭖ ﺋﺎﻳﻠﯩﻨﯩﺪﯗ. ﺋﻪﮔﻪﺭ ﺳﯩﺰﺩﻩ ﺑﯘ ﺧﯩﻞ ﺋﯩﻘﺘﯩﺪﺍﺭ ﺋﺎﻟﻠﯩﺒﯘﺭﯗﻥ ﻳﯧﺘﯩﻠﯩﭗ ﺑﻮﻟﻐﺎﻥ ﺑﻮﻟﺴﺎ، ﺋﯘ ﭼﺎﻏﺪﺍ ﺳﯩﺰ ﺋﻮﻗﯘﺷﻘﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ ﺗﯧﺰﻻ ﺋﯩﻠﻤﯩﻲ ﻣﺎﻗﺎﻟﯩﻠﻪﺭﻧﻰ ﻳﯧﺰﯨﭗ ﺋﯧﻼﻥ ﻗﯩﻼﻻﻳﺴﯩﺰ. ﺑﯘﻧﯩﯔ ﻣﻪﻳﻠﻰ ﺳﯩﺰﻧﯩﯔ ﻳﯧﺘﻪﻛﭽﻰ ﺋﻮﻗﯘﺗﻘﯘﭼﯩﯖﯩﺰﻏﺎ ﺑﻮﻟﺴﯘﻥ ﻳﺎﻛﻰ ﺳﯩﺰﻧﯩﯔ ﻓﺎﻛﯘﻟﺘﯧﺘﯩﯖﯩﺰﻏﺎ ﺑﻮﻟﺴﯘﻥ ﻛﯚﭖ ﭘﺎﻳﺪﯨﺴﻰ ﺑﺎﺭ، ﭼﯜﻧﻜﻰ ﺑﯩﺮ ﻓﺎﻛﯘﻟﺘﯧﺘﻨﯩﯔ ﻛﯜﭼﻠﯜﻙ - ﺋﺎﺟﯩﺰﻟﯩﻘﻰ ﺋﯘﻧﯩﯔ ﺗﻪﺗﻘﯩﻘﺎﺕ ﻧﻪﺗﯩﺠﯩﻠﯩﺮﯨﻨﯩﯔ ﺋﺎﺯ - ﻛﯚﭘﻠﯜﻛﻰ ﺑﯩﻠﻪﻥ ﭼﻮﯕﻘﯘﺭ ﻣﯘﻧﺎﺳﯩﯟﻩﺗﻠﯩﻚ. ﺷﯘﻧﺪﺍﻗﻼ ﺳﯩﺰﻧﯩﯔ ﺗﻪﺗﻘﯩﻘﺎﺕ ﺋﯩﻘﺘﯩﺪﺍﺭﯨﯖﯩﺰ ﺋﺎﻟﻠﯩﻘﺎﭼﺎﻥ ﻳﺎﺧﺸﻰ ﻳﯧﺘﯩﻠﮕﻪﻥ ﺑﻮﻟﺴﺎ، ﺋﻮﻗﯘﺷﯩﯖﯩﺰﻧﻰ ﺑﺎﻟﺪﯗﺭﺭﺍﻕ ﺗﺎﻣﺎﻣﻼﭖ، ﻓﺎﻛﯘﻟﺘﯧﺖ ﺷﯘﻧﺪﺍﻗﻼ ﻳﯧﺘﻪﻛﭽﻰ ﺋﻮﻗﯘﺗﻘﯘﭼﯩﯖﯩﺰﻏﺎ ﻧﯘﺭﻏﯘﻥ ﺋﯩﻘﺘﯩﺴﺎﺩﻧﻰ ﺗﯧﺠﻪﭖ ﺑﯧﺮﻩﻟﻪﻳﺴﯩﺰ. ﺷﯜﺑﻬﯩﺴﯩﺰﻛﻰ، ﺋﯚﺯﯨﯖﯩﺰ ﺷﯘﻻﺭﻧﯩﯔ ﺋﯩﭽﯩﺪﯨﻜﻰ ﻫﻪﻣﻤﯩﺪﯨﻦ ﻛﯚﭖ ﭘﺎﻳﺪﺍ ﺋﺎﻟﻐﯘﭼﻰ ﺑﻮﻟﯘﭖ ﻗﺎﻟﯩﺴﯩﺰ. ﺷﯘﻧﻰ ﺗﻪﻛﯩﺘﻠﻪﭖ ﻗﻮﻳﯘﺵ ﺯﯙﺭﯛﺭﻛﻰ، ﻣﺎﮔﯩﺴﺘﯧﺮ ﺋﺎﺳﭙﯩﺮﺍﻧﺘﻠﯩﻘﻘﺎ ﻗﻮﺑﯘﻝ ﻗﯩﻠﯩﻨﯩﺸﻘﺎ ﻧﯩﺴﺒﻪﺗﻪﻥ، ﺑﯘ ﺋﺎﻣﯩﻞ ﺋﯘﻧﭽﯩﯟﺍﻻ ﻣﯘﻫﯩﻢ ﺋﻪﻣﻪﺱ ﺩﻩﭖ ﻗﺎﺭﺍﻳﻤﻪﻥ.
ﻳﯧﯖﯩﻠﯩﻖ ﻳﺎﺭﯨﺘﯩﺶ ﺋﯩﻘﺘﯩﺪﺍﺭﻯ
ﺑﯘ ﺧﯩﻞ ﺋﯩﻘﺘﯩﺪﺍﺭ ﻫﺎﺯﯨﺮ ﻣﻪﻳﻠﻰ ﺧﯩﺰﻣﻪﺗﺘﻪ ﺑﻮﻟﺴﯘﻥ ﻳﺎﻛﻰ ﺋﻮﻗﯘﺵ - ﺗﻪﺗﻘﯩﻘﺎﺕ ﺋﯩﺸﻠﯩﺮﯨﺪﺍ ﺑﻮﻟﺴﯘﻥ ﻫﻪﻣﻤﯩﻼ ﻳﻪﺭﺩﻩ ﻧﺎﻫﺎﻳﯩﺘﻰ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﯗﯞﺍﺗﯩﺪﯗ. ﺑﯘﻧﻰ ﻛﯚﭖ ﺋﯧﺰﯨﭗ ﭼﯜﺷﻪﻧﺪﯛﺭﯛﭖ ﻛﻪﺗﻤﯩﺴﻪﻣﻤﯘ ﻫﻪﻣﻤﻪﻳﻠﻪﻥ ﻳﺎﺧﺸﻰ ﭼﯜﺷﯩﻨﯩﺪﯗ ﺩﻩﭖ ﺋﻮﻳﻼﻳﻤﻪﻥ.
ﻛﻪﺳﭙﯩﻲ ﻗﯩﺰﯨﻘﯩﺸﻰ
ﺑﯘ ﺋﺎﻣﯩﻞ ﺯﯙﺭﯛﺭ ﺋﺎﻣﯩﻠﻼﺭﻧﯩﯔ ﺑﯩﺮﻯ. ﺑﯘ ﭘﻪﻗﻪﺕ ﺳﯩﺰﻧﯩﯔ ﺋﻮﻗﯘﻣﺎﻗﭽﻰ ﺑﻮﻟﻐﺎﻥ ﻛﻪﺳﯩﭙﻨﻰ ﺋﯚﺯﯨﯖﯩﺰﻧﯩﯔ ﻳﺎﻗﺘﯘﺭﯗﺷﯩﻨﯩﻼ ﺋﯚﺯ ﺋﯩﭽﯩﮕﻪ ﺋﯧﻠﯩﭗ ﻗﺎﻟﻤﺎﺳﺘﯩﻦ، ﺳﯩﺰﻧﯩﯔ ﺷﯘ ﻛﻪﺳﯩﭗ ﺋﯩﭽﯩﺪﯨﻜﻰ ﻣﻪﻟﯘﻡ ﺑﯩﺮ ﺳﺎﻫﻪ (ﺑﯩﺮ ﻛﻪﺳﯩﭙﻨﻰ ﺋﯚﺯ ﺋﯩﭽﯩﺪﯨﻦ ﻳﻪﻧﻪ ﻧﯘﺭﻏﯘﻥ ﻛﯩﭽﯩﻜﺮﻩﻙ ﺗﺎﺭﻣﺎﻗﻼﺭﻏﺎ ﺑﯚﻟﯜﺷﻜﻪ ﺑﻮﻟﯩﺪﯗ، ﺑﯘ ﻛﯩﭽﯩﻜﺮﻩﻙ ﺗﺎﺭﻣﺎﻗﻼﺭﻧﻰ ﺳﺎﻫﻪ ﺩﻩﭖ ﭼﯜﺷﻪﻧﺴﯩﯖﯩﺰ ﺑﻮﻟﯩﺪﯗ) ﮔﻪ ﺑﻮﻟﻐﺎﻥ ﻗﯩﺰﯨﻘﯩﺸﯩﯖﯩﺰﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﺳﯩﺰ ﻗﯩﺰﯨﻘﻘﺎﻥ ﺳﺎﻫﻪ ﺑﯩﻠﻪﻥ ﺳﯩﺰ ﺋﻮﻗﯘﺷﻨﻰ ﺧﺎﻻﻳﺪﯨﻐﺎﻥ ﻣﻪﻟﯘﻡ ﺑﯩﺮ ﻓﺎﻛﯘﻟﺘﯧﺘﺘﯩﻜﻰ ﭘﺮﻭﻓﯧﺴﯘﺭﻻﺭﻧﯩﯔ ﻗﯩﺰﯨﻘﯩﺪﯨﻐﺎﻥ ﺳﺎﻫﻪﻟﯩﺮﯨﻨﯩﯔ ﻫﯧﭽﻘﺎﻳﺴﯩﺴﻰ ﻣﺎﺱ ﻛﻪﻟﻤﯩﺴﻪ، ﺋﯘ ﭼﺎﻏﺪﺍ ﺑﯘ، ﺳﯩﺰﻧﯩﯔ ﺑﯘ ﻓﺎﻛﯘﻟﺘﯧﺘﻘﺎ ﻛﯩﺮﯨﭗ ﺋﻮﻗﯘﺷﯩﯖﯩﺰﻏﺎ ﭼﻮﯓ ﺗﻪﺳﯩﺮ ﻳﻪﺗﻜﯜﺯﯛﺷﻰ ﻣﯘﻣﻜﯩﻦ. ﺑﻪﺯﯨﺪﻩ ﺳﯩﺰﻧﯩﯔ ﻗﯩﺰﯨﻘﯩﺸﯩﯖﯩﺰ ﻣﻪﻟﯘﻡ ﺑﯩﺮ ﭘﺮﻭﻓﯧﺴﯘﺭﻧﯩﯔ ﻗﯩﺰﯨﻘﯩﺸﯩﻐﺎ ﺑﻪﻙ ﻳﯧﻘﯩﻦ ﻛﻪﻟﺴﻪ، ﺑﯘﻧﯩﯔ ﺳﯩﺰﻧﯩﯔ ﻗﻮﺑﯘﻝ ﻗﯩﻠﯩﻨﯩﺸﯩﯖﯩﺰﻏﺎ ﺯﻭﺭ ﭘﺎﻳﺪﯨﺴﻰ ﺑﻮﻟﯘﺷﻰ ﻣﯘﻣﻜﯩﻦ.
ﻫﻪﺭﺧﯩﻞ ﻛﻪﭼﻤﯩﺸﻠﯩﺮﻯ
ﺑﯘﻧﯩﯖﺪﺍ ﺳﯩﺰﻧﯩﯔ ﺧﯩﺰﻣﻪﺕ ﺗﻪﺟﯩﺮﯨﺒﯩﯖﯩﺰ (working experience) ﯞﻩ ﺗﻪﺗﻘﯩﻘﺎﺕ ﺗﯜﺭﻟﯩﺮﻯ (research project) ﮔﻪ ﻗﺎﺗﻨﯩﺸﯩﺶ ﺋﺎﺭﻗﯩﻠﯩﻖ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺗﻪﺟﺮﯨﺒﯩﻠﯩﺮﯨﯖﯩﺰ ﯞﻩ ﺷﯘﻧﯩﯖﻐﺎ ﺋﻮﺧﺸﺎﺵ ﻫﻪﺭﺧﯩﻞ ﺑﯧﺸﯩﯖﯩﺰﺩﯨﻦ ﺋﯚﺗﻜﻪﻧﻠﻪﺭ ﻛﯚﺯﺩﻩ ﺗﯘﺗﯘﻟﯩﺪﯨﻐﺎﻥ ﺑﻮﻟﯘﭖ، ﺗﻪﺟﺮﯨﺒﯩﺴﻰ ﻣﻮﻝ، ﭘﯩﺸﯩﭗ ﻳﯧﺘﯩﻠﮕﻪﻥ (mature) ﻛﺎﻧﺪﯨﺪﺍﺗﻼﺭ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻧﻰ ﺗﯧﺨﯩﻤﯘ ﺟﻪﻟﯩﭗ ﻗﯩﻠﯩﺸﻰ ﻣﯘﻣﻜﯩﻦ.
