( ﺋﺎﺳﺎﺳﻰ ﺑﺎﺳﻘﯘﭼﻼﺭ › 4-ﺑﻪﺕ )
ﺑﺎﺷﻘﺎ ﺋﺎﻻﻫﯩﺪﻩ ﺋﯩﻘﺘﯩﺪﺍﺭﻻﺭ
ﺑﯘ ﺳﯩﺰﻧﯩﯔ ﺋﻪﻗﯩﻠﯩﻲ ﻗﺎﺑﯩﻠﯩﻴﺘﯩﯖﯩﺰﻧﯩﯔ ﺋﺎﺩﻩﺗﺘﯩﻜﯩﻠﻪﺭﺩﯨﻦ ﻛﯚﭖ ﺋﯜﺳﺘﯜﻥ ﺗﯘﺭﯨﺪﯨﻐﺎﻧﻠﯩﻘﯩﻨﻰ ﻧﺎﻣﺎﻳﻪﻥ ﻗﯩﻠﯩﭗ ﺑﯧﺮﻩﻟﻪﻳﺪﯨﻐﺎﻥ ﺋﯩﻘﺘﯩﺪﺍﺭﻻﺭﻧﻰ ﻛﯚﺭﺳﯩﺘﯩﺪﯗ. ﻣﻪﺳﻠﻪﻥ، ﺳﯩﺰ ﻣﻪﻟﯘﻡ ﺑﯩﺮ ﺧﻪﻟﻘﺌﺎﺭﺍﻟﯩﻖ ﺯﯦﻬﯩﻦ ﺳﯩﻨﺎﺵ ﻣﯘﺳﺎﺑﯩﻘﯩﺴﯩﮕﻪ ﻗﺎﺗﻨﯩﺸﯩﭗ ﻳﺎﺧﺸﻰ ﻧﻪﺗﯩﺠﯩﮕﻪ ﺋﯧﺮﯨﺸﺘﯩﯖﯩﺰ، ﻳﺎﻛﻰ ﺳﯩﺰ ﻳﯧﯖﻰ ﺑﯩﺮ ﻛﻪﺷﭙﯩﻴﺎﺕ ﻳﺎﻛﻰ ﭘﺎﺗﻨﯧﺖ ﻫﻮﻗﯘﻗﯩﻨﻰ ﻗﻮﻟﻐﺎ ﻛﻪﻟﺘﯜﺭﺩﯨﯖﯩﺰ ﺩﯦﮕﻪﻧﺪﻩﻙ.
ﻳﯘﻗﯩﺮﯨﻜﻰ ﺳﯜﭘﻪﺗﻠﻪﺭﻧﯩﯔ ﻫﻪﻣﻤﯩﺴﻨﯩﻼ ﻫﺎﺯﯨﺮﻻﺵ ﺑﻪﻟﻜﯩﻢ ﺋﯩﻨﺘﺎﻳﯩﻦ ﻗﯩﻴﯩﻦ، ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻣﯘ ﺑﯘﻧﻰ ﻳﺎﺧﺸﻰ ﺑﯩﻠﯩﺪﯗ. ﺷﯘﯕﺎ ﺳﯩﺰﺩﻩ ﺑﯘ ﺳﯜﭘﻪﺗﻠﻪﺭﻧﯩﯔ ﺋﯩﭽﯩﺪﯨﻜﻰ ﺑﯩﺮ ﻗﺎﻧﭽﯩﺴﻰ ﻫﺎﺯﯨﺮ ﺑﻮﻟﺴﯩﻼ، ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻧﻰ ﺋﯚﺯﯨﯖﯩﺰﮔﻪ ﻗﯩﺰﯨﻘﺘﯘﺭﺍﻟﯩﺸﯩﯖﯩﺰ ﻣﯘﻣﻜﯩﻦ. ﻣﯘﻧﺪﺍﻕ ﺑﯩﺮ ﺋﯩﺶ ﺋﯧﺴﯩﻤﮕﻪ ﻛﯧﻠﯩﭗ ﻗﺎﻟﺪﻯ، ﻣﯘﺷﯘ ﻳﻪﺭﺩﯨﻼ ﺩﻩﭖ ﻗﻮﻳﺎﻱ. ﺑﻪﺯﯨﻠﻪﺭ ﺋﺎﻣﯧﺮﯨﻜﯩﺪﯨﻜﻰ ﻣﻪﻛﺘﻪﭘﻠﻪﺭ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻏﺎ ﺋﯧﺘﯩﺒﺎﺭ ﺑﯧﺮﻩﻣﺪﯗ ﺩﯦﮕﻪﻧﺪﻩﻙ ﺳﻮﺋﺎﻟﻼﺭﻧﻰ ﺳﻮﺭﯨﺸﻰ ﻣﯘﻣﻜﯩﻦ، ﺟﺎﯞﺍﺑﻰ ﺋﺎﺩﺩﯨﻲ - ﻳﺎﻕ. ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻧﯩﯔ ﻧﻪﺯﯨﺮﯨﺪﻩ ﻫﻪﻣﻤﻪ ﺋﺎﺩﻩﻡ ﺑﺎﭘﺒﺎﺭﺍﯞﻩﺭ، ﻫﯧﭽﻜﯩﻤﻨﯩﯔ ﺋﺎﻻﻫﯩﺪﻩ ﺋﯩﻤﺘﯩﻴﺎﺯﻏﺎ ﺋﯩﮕﻪ ﺑﻮﻟﯘﺵ ﻫﻮﻗﯘﻗﻰ ﻳﻮﻕ، ﻛﯩﻤﻨﯩﯔ ﻻﻳﺎﻗﯩﺘﻰ ﻫﻪﻣﻤﯩﺪﯨﻦ ﺑﻪﻙ ﺗﻮﺷﺴﺎ، ﭘﯘﺭﺳﻪﺗﻜﻪ ﺷﯘ ﺋﯧﺮﯨﺸﯩﺪﯗ. ﺑﻪﺯﯨﺪﻩ ﺑﯩﺮ ﻗﯩﺴﯩﻢ ﻓﻮﻧﺪﻯ ﺟﻪﻣﺌﯩﻴﻪﺗﻠﯩﺮﻯ ﯞﻩ ﻳﺎﻛﻰ ﺑﯩﺮ - ﺋﯩﻜﻜﻰ ﺋﺎﻣﯧﺮﯨﻜﯩﻠﯩﻖ ﭘﺮﺍﻓﯩﺴﯘﺭﻻﺭ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﻗﻮﺑﯘﻝ ﻗﯩﻠﯩﺪﯨﻐﺎﻥ ﭘﯘﺭﺳﻪﺗﻠﻪﺭﻧﻰ ﺑﯧﺮﯨﺸﻰ ﻣﯘﻣﻜﯩﻦ، ﻟﯧﻜﯩﻦ ﺑﯘ ﻗﯩﺴﻤﻪﻥ ﺋﻪﻫﯟﺍﻝ، ﻫﻪﻡ ﻧﺎﻫﺎﻳﯩﺘﺘﻰ ﭼﻪﻛﻠﯩﻚ ﺳﺎﻥ. ﺋﻪﮔﻪﺭ ﺷﯘﻧﺪﺍﻕ ﭘﯘﺭﺳﻪﺗﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﻩﻟﯩﺴﯩﯖﯩﺰ ﺋﯘﻣﯘ ﻳﺎﺧﺸﻰ. ﻟﯧﻜﯩﻦ ﺑﯘﻧﺪﺍﻕ ﭘﯘﺭﺳﻪﺗﻠﻪﺭﮔﻪ ﺋﯧﺮﯨﺸﯩﺶ ﺋﯜﭼﯜﻥ ﺋﯚﺯ - ﺋﺎﺭﺍ ﺭﯨﻘﺎﺑﻪﺗﻠﯩﺸﯩﺪﯨﻐﺎﻥ ﮔﻪﭖ. ﺑﯩﺰ ﻗﺎﭼﺎﻧﻐﯩﭽﻪ ﭘﻪﻗﻪﺕ ﺑﯩﺮ - ﺑﯩﺮﯨﻤﯩﺰ ﺑﯩﻠﻪﻧﻼ ﺑﻪﺳﻠﯩﺸﯩﭗ ﺋﯚﺗﯩﻤﯩﺰ، ﺑﺎﺷﻘﯩﻼﺭ ﺑﯩﻠﻪﻧﻤﯘ ﺭﯨﻘﺎﺑﻪﺗﻠﯩﺸﯩﭗ ﺑﺎﻗﺎﻳﻠﻰ، ﺑﻮﻟﻤﯩﺴﺎ ﻣﻪﯕﮕﯜ ﺑﺎﺷﻘﯩﻼﺭﻧﯩﯔ ﺋﺎﺭﻗﯩﺴﯩﺪﯨﻨﻼ ﺋﻪﮔﯩﺸﯩﭗ ﻳﯜﺭﯨﻤﯩﺰ ﺷﯘ. ﺑﯘ ﻗﯩﻼﻟﻤﯩﻐﯘﺩﻩﻙ ﺗﻪﺱ ﺋﯩﺶ ﺋﻪﻣﻪﺱ، ﺋﺎﺭﯨﻤﯩﺰﺩﯨﻦ ﺑﯘﻧﻰ ﺋﯚﺯ ﺋﻪﻣﻪﻟﯩﻴﺘﻰ ﺑﯩﻠﻪﻥ ﺋﯩﺴﭙﺎﺗﻼﭖ ﺑﻪﺭﮔﻪﻧﻠﻪﺭﻣﯘ ﺧﯧﻠﻰ ﺑﺎﺭ.
ﻳﻪﻧﻪ ﺑﯩﺮ ﺩﻩﭖ ﻗﻮﻳﯘﺷﻨﻰ ﺯﯙﺭﯛﺭ ﺩﻩﭖ ﻗﺎﺭﯨﻐﺎﻥ ﺋﯩﺶ، ﮔﻪﺭﭼﻪ ﻛﯚﭖ ﺳﺎﻧﺪﯨﻜﻰ ﻣﻪﻛﺘﻪﭘﻠﻪﺭ ﻳﺎﻛﻰ ﻓﺎﻛﯘﻟﺘﯧﺘﻼﺭ ﻳﯘﻗﯩﺮﯨﺪﺍ ﻣﻪﻥ ﭼﯜﺷﻪﻧﺪﯛﺭﯛﭖ ﺋﯚﺗﻜﻪﻥ ﺋﺎﻣﯩﻠﻼﺭﻧﻰ ﻣﯘﻫﯩﻢ ﺩﻩﭖ ﻗﺎﺭﯨﺴﯩﻤﯘ، ﺑﻪﺯﯨﺪﻩ ﻳﻪﻧﻪ ﺋﻮﺧﺸﯩﻤﯩﻐﺎﻥ ﻛﻪﺳﯩﭗ، ﺋﻮﺧﺸﯩﻤﯩﻐﺎﻥ ﻣﻪﻛﺘﻪﭘﻠﻪﺭﻧﯩﯔ ﺋﻪﻫﯟﺍﻟﯩﺪﺍ ﺋﺎﺯ - ﺗﻮﻻ ﭘﻪﺭﻗﻠﻪﺭ ﺑﻮﻟﯩﺪﯗ. ﺑﻪﺯﻯ ﻣﻪﻛﺘﻪﭖ ﯞﻩ ﻳﺎﻛﻰ ﺑﻪﺯﻯ ﻛﻪﺳﯩﭙﻠﻪﺭ ﻣﻪﻥ ﻳﯘﻗﯩﺮﯨﺪﺍ ﺗﯩﻠﻐﺎ ﺋﯧﻠﯩﭗ ﺋﯚﺗﻤﯩﮕﻪﻥ ﺋﺎﻟﻠﯩﻘﺎﻧﺪﺍﻕ ﺑﯩﺮ ﺋﺎﻣﯩﻠﻨﻰ ﻧﺎﻫﺎﻳﯩﺘﻰ ﺯﯙﺭﯛﺭ، ﻛﻪﻡ ﺑﻮﻟﺴﺎ ﺑﻮﻟﻤﺎﻳﺪﯗ ﺩﻩﭖ ﻗﺎﺭﯨﺸﻰ ﻣﯘﻣﻜﯩﻦ. ﺷﯘﯕﺎ ﻣﻪﻟﯘﻡ ﺑﯩﺮ ﻣﻪﻛﺘﻪﭘﻜﻪ ﺋﯩﻠﺘﯩﻤﺎﺱ ﻗﯩﻠﯩﺸﺘﯩﻦ ﺑﯘﺭﯗﻥ ﺷﯘﻻﺭﻧﯩﯔ ﺗﻮﺭ ﺑﯧﺘﻰ ﯞﻩ ﺑﺎﺷﻘﺎ ﯞﺍﺳﺘﯩﻠﻪﺭ ﺋﺎﺭﻗﯩﻠﯩﻖ ﺑﯘ ﻣﻪﻛﺘﻪﭖ ﻳﺎﻛﻰ ﻛﻪﺳﯩﭗ ﺗﻮﻏﯩﺮﯨﺴﯩﺪﺍ ﺗﯧﺨﯩﻤﯘ ﺋﯧﻨﯩﻖ ﭼﯜﺷﻪﻧﭽﯩﮕﻪ ﺋﯧﮕﻪ ﺑﻮﻟﯘﺵ ﺯﯙﺭﯛﺭ. ﺑﯘ ﻫﻪﻗﺘﻪ ﻳﻪﻧﻪ ﺗﻮﺭ ﺑﻪﺗﻨﯩﯔ ﻣﻪﻛﺘﻪﭖ ﺗﺎﻟﻼﺵ ﻗﯩﺴﻤﯩﺪﺍ ﺗﯧﺨﯩﻤﯘ ﺗﻪﭘﺴﯩﻠﯩﻲ ﺗﻮﺧﺘﯩﻠﯩﭗ ﺋﯚﺗﯩﻤﻪﻥ.
ﻧﯧﻤﻪ ﺋﯜﭼﯜﻥ ﺋﺎﻣﯧﺮﯨﻜﺎ ﺷﯘﻧﭽﻪ ﭘﯘﻝ ﺧﻪﺟﻠﻪﭖ ﺑﺎﺷﻘﺎ ﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻥ ﺋﻮﻗﯘﻏﯘﭼﯩﻼﺭﻧﻰ ﺋﻮﻗﯘﺗﯩﺪﯗ؟
ﺑﻪﺯﯨﻠﻪﺭ «ﻧﯧﻤﻪ ﺋﯜﭼﯜﻥ ﺋﺎﻣﯧﺮﯨﻜﺎ ﺷﯘﻧﭽﻪ ﭘﯘﻝ ﺧﻪﺟﻠﻪﭖ ﺑﺎﺷﻘﺎ ﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻥ ﺋﻮﻗﯘﻏﯘﭼﯩﻼﺭﻧﻰ ﺋﻮﻗﯘﺗﯩﺪﯗ؟» ﺩﻩﭖ ﺳﻮﺋﺎﻝ ﻗﻮﻳﯘﺷﻰ ﻣﯘﻣﻜﯩﻦ. ﺋﻪﻳﻨﻰ ﯞﺍﻗﯩﺘﺘﺎ ﻣﯘﺷﯘ ﺳﻮﺋﺎﻝ ﻣﯧﻨﯩﯖﻤﯘ ﺧﯩﻴﺎﻟﯩﻤﻐﺎ ﻛﯩﺮﯨﯟﯦﻠﯩﭗ، ﺧﯧﻠﻰ ﻛﯚﭖ ﺋﯩﺰﺩﯨﻨﯩﺸﻠﻪﺭ ﺋﺎﺭﻗﯩﻠﯩﻖ ﺑﯘ ﺳﻮﺋﺎﻟﻐﺎ ﻫﯧﺴﺎﺑﺘﺎ ﺋﯚﺯﻩﻣﻨﻰ ﻗﺎﻧﺎﺋﻪﺗﻠﻪﻧﺪﯛﺭﮔﯩﺪﻩﻙ ﺟﺎﯞﺍﭖ ﺗﯧﭙﯩﭗ ﭼﯩﻘﻘﺎﻥ ﺋﯩﺪﯨﻢ، ﺑﯘ ﻳﻪﺭﺩﻩ ﺑﯘ ﺟﺎﯞﺍﭘﺘﯩﻦ ﺳﯩﻠﻪﺭ ﺑﯩﻠﻪﻥ ﺗﻪﯓ ﺑﻪﻫﺮﯨﻤﻪﻥ ﺑﻮﻟﻤﺎﻗﭽﯩﻤﻪﻥ، ﺑﻪﻟﻜﯩﻢ ﺑﻪﺯﻯ ﺋﯩﺸﻼﺭﻧﯩﯔ ﺋﺎﺭﻗﺎ ﻛﯚﺭﯛﻧﯜﺷﯩﻨﻰ ﭼﯜﺷﯩﻨﯩﺸﻜﻪ ﭘﺎﻳﺪﯨﺴﻰ ﺗﯧﮕﯩﭗ ﻗﺎﻻﺭ.
ﮔﻪﺭﭼﻪ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ، ﺋﺎﻣﯧﺮﯨﻜﯩﺪﯨﻜﻰ ﻫﻪﺭﺧﯩﻞ ﺧﻪﻳﺮ - ﺳﺎﺧﺎﯞﻩﺕ ﺋﻮﺭﮔﺎﻧﻠﯩﺮﻯ ﯞﻩ ﺷﻪﺧﯩﺴﻠﻪﺭ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﺍ ﻧﯘﺭﻏﯘﻧﻠﯩﻐﺎﻥ ﺧﻪﻳﺮ - ﺳﺎﺧﺎﯞﻩﺕ ﺋﯩﺸﻠﯩﺮﯨﻨﻰ ﻗﯩﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﺎﻣﯧﺮﯨﻜﺎ ﺑﯩﺮ ﻛﺎﭘﺘﺎﻟﯩﺴﺘﯩﻚ ﺩﯙﻟﻪﺕ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ ﻫﻪﺭﮔﯩﺰﻣﯘ ﺯﯨﻴﺎﻥ ﺗﺎﺭﺗﯩﺪﯨﻐﺎﻥ ﺋﯩﺸﻨﻰ ﻗﯩﻠﻤﺎﻳﺪﯗ )ﺋﻪﻣﻪﻟﯩﻴﻪﺗﺘﻪ ﻫﻪﻣﻤﻪ ﻫﯚﻛﯜﻣﻪﺕ ﺷﯘﻧﺪﺍﻕ(. ﺋﺎﻣﯧﺮﯨﻜﺎ ﯞﻩ ﺑﺎﺷﻘﺎ ﺗﻪﺭﻩﻗﻘﯩﻲ ﺗﺎﭘﻘﺎﻥ ﺩﯙﻟﻪﺗﻠﻪﺭﻧﯩﯔ ﻧﯘﺭﻏﯘﻥ ﭘﯘﻝ ﺧﻪﺟﻠﻪﭖ ﻳﺎﺕ ﺩﯙﻟﻪﺗﺘﯩﻦ ﻛﻪﻟﮕﻪﻥ ﺋﻮﻗﯘﻏﯘﭼﯩﻼﺭﻧﻰ ﻗﻮﺑﯘﻝ ﻗﯩﻠﯩﭗ ﺋﻮﻗﯘﺗﯘﺷﻰ ﺋﻪﻣﻪﻟﯩﻴﻪﺗﺘﻪ ﺑﯘ ﺩﯙﻟﻪﺗﻠﻪﺭﻧﯩﯔ ﭘﻪﻥ - ﺗﯧﺨﻨﯩﻜﺎ ﯞﻩ ﺋﯩﻘﺘﯩﺴﺎﺩﯨﻐﺎ ﭘﺎﻳﺪﯨﻠﯩﻖ. ﺑﯩﺮ ﺩﯙﻟﻪﺗﻨﯩﯔ ﻗﺎﻧﭽﯩﻠﯩﻚ ﻗﯘﺩﯨﺮﻩﺗﻠﯩﻚ ﯞﻩ ﺗﻪﺭﻩﻗﻘﯩﻲ ﺗﺎﭘﻘﺎﻥ ﺑﻮﻟﯘﺷﯩﺪﺍ ﺋﯘ ﺩﯙﻟﻪﺗﻨﯩﯔ ﺗﻪﺑﯩﺌﯩﻲ ﭘﻪﻥ، ﺗﯧﺨﻨﯩﻜﺎ ﭘﻪﻧﻠﯩﺮﻯ، ﺋﯧﻨﮋﯨﻨﯩﺮﻟﯩﻖ ﭘﻪﻧﻠﯩﺮﻯ، ﯞﻩ ﻣﺎﺗﯧﻤﺎﺗﻜﺎ ﭘﻪﻧﻠﯩﺮﯨﺪﯨﻦ ﺋﯩﺒﺎﺭﻩﺕ ﺑﯘ ﺗﯚﺕ ﭼﻮﯓ ﺋﯩﻠﯩﻢ - ﭘﻪﻥ (STEM ﭘﻪﻧﻠﯩﺮﻯ) ﺳﺎﻫﻪﺳﯩﺪﻩ ﻗﺎﻧﭽﯩﻠﯩﻚ ﺗﻪﺭﻩﻗﻘﯩﻲ ﺗﺎﭘﻘﺎﻧﻠﯩﻘﻰ ﺋﯩﻨﺘﺎﻳﯩﻦ ﻣﯘﻫﯩﻢ ﺑﯩﺮ ﻛﯚﺭﺳﻪﺗﻜﯜﭺ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﺋﺎﻣﯧﺮﯨﻜﺎ ﺩﯗﻧﻴﺎﻧﯩﯔ ﻫﻪﺭﻗﺎﻳﺴﻰ ﺟﺎﻳﻠﯩﺮﯨﺪﯨﻦ ﺑﯘ ﺗﯚﺕ ﭼﻮﯓ ﺳﺎﻫﻪﺩﯨﻜﻰ ﺗﺎﻻﻧﺘﻠﯩﻘﻼﺭﻧﻰ ﻛﯚﭘﻠﻪﭖ ﺋﺎﻣﯧﺮﯨﻜﯩﻐﺎ ﺟﻪﻟﯩﭗ ﻗﯩﻠﯩﺶ ﺋﺎﺭﻗﯩﻠﯩﻖ، ﺋﯚﺯﯨﻨﯩﯔ ﺑﯘ ﺟﻪﻫﻪﺗﺘﯩﻜﻰ ﺑﻮﺷﻠﯘﻗﻠﯩﺮﻧﻰ ﺗﻮﻟﯘﻗﻼﭖ، ﺋﯩﺰﭼﯩﻞ ﺗﯜﺭﺩﻩ ﺑﯘ ﺗﯚﺕ ﭼﻮﯓ ﺳﺎﻫﻪﺩﻩ ﺩﯗﻧﻴﺎﺩﺍ ﺑﯩﺮﯨﻨﭽﻰ ﺋﻮﺭﯗﻧﺪﺍ ﺗﯘﺭﯗﭖ ﻛﻪﻟﮕﻪﻥ. ﺑﯘ ﺋﺎﻣﯧﺮﯨﻜﯩﻨﯩﯔ ﺋﯩﺰﭼﯩﻞ ﺩﯗﻧﻴﺎﺩﯨﻜﻰ ﺋﻪﯓ ﻗﯘﺩﯨﺮﻩﺗﻠﯩﻚ ﺩﯙﻟﻪﺕ ﺑﻮﻟﯘﭖ ﺗﯘﺭﯗﺵ ﺋﯩﺴﺘﯩﺮﺍﺗﯧﮕﯩﻴﯩﺴﯩﻨﯩﯔ ﻣﯘﻫﯩﻢ ﺑﯩﺮ ﻗﯩﺴﻤﻰ ﺑﻮﻟﯘﭖ ﻛﻪﻟﮕﻪﻥ. ﺋﯘﻧﺪﯨﻦ ﺑﺎﺷﻘﺎ ﭼﻪﺗﺌﻪﻟﻠﯩﻚ ﺋﻮﻗﯘﻏﯘﭼﯩﻼﺭﻧﻰ ﻗﻮﺑﯘﻝ ﻗﯩﻠﯩﺶ ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﻨﯩﯔ ﺟﺎﻧﻠﯩﻨﯩﺸﯩﻐﺎ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻥ ﻣﯘﻫﯩﻢ ﻏﯩﺪﯨﻘﻠﯩﻐﯘﭼﻰ ﻛﯜﭼﻠﻪﺭﻧﯩﯔ ﺑﯩﺮﻯ ﺋﯩﻜﻪﻥ. ﺋﺎﻣﯧﺮﯨﻜﺎ ﺋﻪﻣﻪﻟﯩﻴﻪﺗﺘﻪ ﺑﯩﺮ ﻗﯩﺴﯩﻢ ﭼﻪﺗﺌﻪﻟﻠﯩﻚ ﺋﻮﻗﯘﻏﯘﭼﯩﻼﺭﻧﻰ ﻫﻪﻗﺴﯩﺰ ﺋﻮﻗﯘﺗﯘﺵ ﺋﺎﺭﻗﯩﻠﯩﻖ ﺗﯧﺨﯩﻤﯘ ﻛﯚﭖ ﭘﯘﻝ ﺗﯚﻟﻪﭖ ﺋﻮﻗﯘﻳﺪﯨﻐﺎﻥ ﭼﻪﺗﺌﻪﻟﻠﯩﻚ ﺋﻮﻗﯘﻏﯘﭼﯩﻼﺭﻧﻰ ﺟﻪﻟﯩﭗ ﻗﯩﻠﯩﺪﯨﻜﻪﻥ.
<ﻣﯘﻫﯩﻢ ﻧﯘﻗﺘﯩﻼﺭﻏﺎ ﻗﺎﻳﺘﯩﺶ>
ﻗﺎﻳﺴﻰ ﻛﻪﺳﯩﭙﻨﻰ ﺗﺎﻟﻼﭖ ﺋﻮﻗﯘﺷﯘﻡ ﻛﯧﺮﻩﻙ؟
ﺑﯘﻧﯩﯖﺪﺍ ﻣﻪﻥ ﻛﯚﭘﯩﻨﭽﻪ ﺋﯚﺯﯨﯖﯩﺰ ﺗﻮﻟﯘﻕ ﻛﯘﺭﺱ ﺟﻪﺭﻳﺎﻧﯩﺪﺍ ﺋﻮﻗﯘﻏﺎﻥ ﻛﻪﺳﯩﭙﻨﻰ، ﻳﺎﻛﻰ ﺷﯘﻧﯩﯖﻐﺎ ﻳﯧﻘﯩﻦ ﻛﯧﻠﯩﺪﯨﻐﺎﻥ ﻛﻪﺳﯩﭙﻨﻰ ﺗﺎﻟﻼﭖ ﺋﻮﻗﯘﺷﻨﻰ ﺗﻪﺷﻪﺑﺒﯘﺱ ﻗﯩﻠﯩﻤﻪﻥ. ﻣﻪﻥ ﺑﯘ ﻳﻪﺭﺩﻩ ﺳﯩﺰﻧﻰ ﺗﻮﻟﯘﻕ ﻛﯘﺭﺳﻨﻰ ﻳﺎﻛﻰ ﻣﺎﮔﯩﺴﺘﯧﺮﻟﯩﻘﻨﻰ ﺩﯙﻟﻪﺕ ﺋﯩﭽﯩﺪﻩ ﭘﯜﺗﺘﯜﺭﯛﭖ ﭼﻪﺗﺌﻪﻟﺪﻩ ﻣﺎﮔﯩﺴﺘﯧﺮﻟﯩﻖ ﻳﺎﻛﻰ ﺩﻭﻛﺘﯘﺭﻟﯘﻗﻘﺎ ﺋﯩﻠﺘﯩﻤﺎﺱ ﻗﯩﻠﻤﺎﻗﭽﻰ ﺩﻩﭖ ﭘﻪﺭﻩﺯ ﻗﯩﻠﺪﯨﻢ. ﺋﻪﮔﻪﺭ ﺳﯩﺰ ﺗﻮﻟﯘﻕ ﺋﻮﺗﺘﯘﺭﯨﻨﻰ ﭘﯜﺗﺘﯜﺭﯛﭘﻼ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺷﻨﻰ ﻗﺎﺭﺍﺭ ﻗﯩﻠﻐﺎﻥ ﺑﻮﻟﺴﯩﯖﯩﺰ، ﺋﯘ ﭼﺎﻏﺪﺍ ﺑﯘ ﻫﻪﻗﺘﻪ ﺩﻭﻛﺘﯘﺭ ﺋﻪﺭﻛﯩﻦ ﺳﯩﺪﯨﻘﻨﯩﯔ ﺋﺎﻟﯩﻲ ﻣﻪﻛﺘﻪﭘﻜﻪ ﻛﯩﺮﯨﺶ ﺋﺎﻟﺪﯨﺪﯨﻜﻰ ﻛﻪﺳﯩﭗ ﺗﺎﻟﻼﺵ ﻫﻪﻗﻘﯩﺪﻩ ﻳﺎﺯﻏﺎﻥ ﺗﻮﻟﯩﻤﯘ ﻳﺎﺧﺸﻰ ﺑﯩﺮ ﻣﺎﻗﺎﻟﯩﺴﯩﻨﻰ ﺳﯩﺰﮔﻪ ﺗﻪﯞﺳﯩﻴﻪ ﻗﯩﻠﯩﻤﻪﻥ. ﺑﯘ ﻳﻪﺭﻧﻰ ﭼﯧﻜﯩﭗ ﻛﯩﺮﯨﭗ ﻛﯚﺭﯛﯓ.
ﺋﯘﻧﺪﺍﻗﺘﺎ ﻧﯧﻤﻪ ﺋﯜﭼﯜﻥ ﺑﯘﺭﯗﻥ ﺋﻮﻗﯘﻏﺎﻥ (ﻳﺎﻛﻰ ﻫﺎﺯﯨﺮ ﺋﻮﻗﯘﯞﺍﺗﻘﺎﻥ) ﻛﻪﺳﯩﭙﻨﻰ ﺩﺍﯞﺍﻣﻼﺷﺘﯘﺭﯗﭖ ﺋﻮﻗﯘﺷﻘﺎ ﺋﯩﻠﺘﯩﻤﺎﺱ ﻗﯩﻠﯩﺸﻨﻰ ﻳﺎﺧﺸﯩﺮﺍﻕ ﺩﻩﭖ ﻗﺎﺭﺍﻳﻤﻪﻥ؟ ﺑﯘﻧﻰ ﻣﯘﻧﺪﺍﻕ ﺑﯩﺮ ﻣﯩﺴﺎﻝ ﺋﺎﺭﻗﯩﻠﯩﻖ ﭼﯜﺷﻪﻧﺪﯛﺭﯛﭖ ﺋﯚﺗﻪﻱ. ﻣﻪﺳﯩﻠﻪﻥ ﻣﻪﻥ ﻣﻪﻟﯘﻡ ﺑﯩﺮ ﻣﻪﻛﺘﻪﭘﻨﯩﯔ ﻣﺎﺗﯧﻤﺎﺗﻜﺎ ﻓﺎﻛﯘﻟﺘﯧﺘﯩﻨﯩﯔ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﺸﻘﺎ ﻣﻪﺳﺌﯘﻝ ﺧﺎﺩﯨﻤﻰ ﺩﻩﻳﻠﻰ، ﺋﻪﮔﻪﺭ ﻣﯧﻨﯩﯔ ﺋﺎﻟﺪﯨﻤﺪﺍ ﻣﺎﺗﯧﻤﺎﺗﻜﺎ ﭘﯧﻨﻰ ﺑﻮﻳﯩﭽﻪ ﺑﺎﻛﻼﯞﯗﺭﻟﯘﻕ ﺋﯘﻧﯩﯟﺍﻧﻰ ﺋﺎﻟﻐﺎﻥ ﯞﻩ ﺑﯩﺌﻮﻟﻮﮔﯩﻴﯩﺪﻩ ﺑﺎﻛﻼﯞﯗﺭﻟﯘﻕ ﺋﯘﻧﯩﯟﺍﻧﻰ ﺋﺎﻟﻐﺎﻥ ﺋﯩﻜﻜﻰ ﺋﻮﻗﯘﻏﯘﭼﻰ ﺗﯘﺭﯗﭘﺘﯘ ﺩﻩﻳﻠﻰ، ﻫﻪﺭ ﺋﯩﻜﻜﯩﻠﯩﺴﻰ ﻳﺎﺧﺸﻰ ﺋﻮﻗﯘﻏﺎﻥ ﺋﻮﻗﯘﻏﯘﭼﯩﻼﺭ ﻟﯧﻜﯩﻦ ﺋﯩﻜﻜﯩﻨﭽﻰ ﺋﻮﻗﯘﻏﯘﭼﯩﻨﯩﯔ ﺑﯩﺮﯨﻨﭽﻰ ﺋﻮﻗﯘﻏﯘﭼﯩﻐﺎ ﻗﺎﺭﯨﻐﺎﻧﺪﺍ ﻧﻪﺗﯩﺠﯩﺴﻰ ﺳﻪﻝ ﻳﺎﺧﺸﻰ. ﺑﯘ ﺋﯩﻜﻜﯩﺴﯩﺪﯨﻦ ﺑﯩﺮﯨﻨﯩﻼ ﺗﺎﻟﻼﺷﻘﺎ ﺗﻮﻏﺮﺍ ﻛﻪﻟﺴﻪ، ﻣﻪﻥ ﻛﯚﭘﯩﻨﭽﻪ ﻫﺎﻟﻼﺭﺩﺍ ﺑﯩﺮﯨﻨﭽﻰ ﺋﻮﻗﯘﻏﯘﭼﯩﻨﻰ ﺗﺎﻟﻼﻳﻤﻪﻥ. ﭼﯜﻧﻜﻰ ﮔﻪﺭﭼﻪ ﺋﯩﻜﻜﯩﻨﭽﻰ ﺋﻮﻗﯘﻏﯘﭼﯩﻨﯩﯔ ﻗﻮﻟﻐﺎ ﻛﻪﻟﺘﯜﺭﮔﻪﻥ ﻧﻪﺗﯩﺠﯩﻠﯩﺮﻯ ﺑﯩﺮﯨﻨﭽﻰ ﺋﻮﻗﯘﻏﯘﭼﯩﻐﺎ ﻗﺎﺭﯨﻐﺎﻧﺪﺍ ﻳﺎﺧﺸﯩﺮﺍﻕ ﺑﻮﻟﺴﯩﻤﯘ ﻟﯧﻜﯩﻦ ﺋﯩﻜﻜﯩﻨﭽﻰ ﺋﻮﻗﯘﻏﯘﭼﯩﻨﯩﯔ ﻣﺎﺗﯧﻤﺎﺗﻜﺎ ﻛﻪﺳﭙﯩﻲ ﭘﻪﻧﻠﯩﺮﯨﻨﯩﯔ ﻫﯧﭽﻘﺎﻳﺴﯩﺴﯩﺪﯨﻦ ﺭﻩﺳﻤﯩﻲ ﻧﻪﺗﯩﺠﯩﺴﻰ ﻳﻮﻕ، ﺷﯘﯕﺎ ﻣﺎﯕﺎ ﻧﯩﺴﺒﻪﺗﻪﻥ ﺋﯩﻜﻜﯩﻨﭽﻰ ﺋﻮﻗﯘﻏﯘﭼﻰ ﺑﯩﺮﯨﻨﭽﻰ ﺋﻮﻗﯘﻏﯘﭼﯩﻐﺎ ﻗﺎﺭﯨﻐﺎﻧﺪﺍ ﻣﺎﺗﯧﻤﺎﺗﻜﯩﺪﺍ ﻛﯚﭖ ﺋﺎﺭﻗﯩﺪﺍ. ﺋﯩﻜﻜﯩﻨﭽﻰ ﺋﻮﻗﯘﻏﯘﭼﯩﻨﻰ ﻗﻮﺑﯘﻝ ﻗﯩﻠﺴﺎﻡ ﺋﯘ ﭼﺎﻏﺪﺍ ﺑﯩﺮﯨﻨﭽﻰ ﺋﻮﻗﯘﻏﯘﭼﯩﻐﺎ ﻗﺎﺭﯨﻐﺎﻧﺪﺍ ﺑﯩﺮ ﻧﻪﭼﭽﻪ ﻳﯩﻞ ﺋﺎﺭﺗﯘﻕ ﯞﺍﻗﯩﺖ ﺳﻪﺭﭖ ﻗﯩﻠﯩﭗ، ﺋﯘﻧﯩﯔ ﻣﺎﺗﯧﻤﺎﺗﻜﺎ ﺋﺎﺳﺎﺳﯩﻨﻰ ﭘﯩﺸﺸﯩﻘﻠﯩﻐﺎﻧﺪﯨﻦ ﻛﯧﻴﯩﻦ، ﺋﺎﻧﺪﯨﻦ ﺋﯘ ﺗﻪﺗﻘﯩﻘﺎﺕ ﺑﯩﻠﻪﻥ ﺷﯘﻏﯘﻟﻠﯩﻨﺎﻟﯩﻐﯩﺪﻩﻙ ﺳﻪﯞﯨﻴﯩﮕﻪ ﻳﯧﺘﯩﺸﻰ ﻣﯘﻣﻜﯩﻦ. ﺋﻪﻟﯟﻩﺗﺘﻪ ﻣﻪﻥ ﺑﯩﺮ ﻧﻪﭼﭽﻪ ﻳﯩﻞ ﯞﺍﻗﯩﺘﺘﻨﻰ ﯞﻩ ﺑﯩﺮﻣﯘﻧﭽﻪ ﺋﻮﻗﯘﺵ ﭘﯘﻟﯩﻨﻰ ﺋﺎﺭﺗﯘﻕ ﺧﻪﺟﻠﻪﺷﻨﻰ ﺧﺎﻟﯩﻤﺎﻳﻤﻪﻧﺪﻩ.
ﺋﻪﻣﻪﻟﯩﻴﻪﺗﺘﻪ ﺑﯘ ﺧﯩﻞ ﭘﯩﻜﯩﺮ ﻗﯩﻠﯩﺶ ﺋﯘﺳﯘﻟﻰ ﻛﯚﭖ ﺳﺎﻧﺪﯨﻜﻰ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻧﯩﯔ ﭘﯩﻜﯩﺮ ﻗﯩﻠﯩﺶ ﺋﯘﺳﯘﻟﻰ ﺑﻮﻟﯘﭖ، ﺑﯘﻧﻰ ﻫﯧﭽﻜﯩﻢ ﺧﺎﺗﺎ ﺩﯦﻴﻪﻟﻤﻪﻳﺪﯗ. ﭼﯜﻧﻜﻰ ﺋﯘﻻﺭ ﺋﯚﺯﻯ ﻣﻪﺳﺌﯘﻝ ﺷﯘ ﻛﻪﺳﯩﭙﺘﺘﻪ ﻫﻪﺭﺑﯩﺮ ﺋﻮﻗﯘﻏﯘﭼﯩﻨﯩﯔ ﻏﻪﻟﺒﻪ ﻗﯩﻠﯩﺸﯩﻨﻰ ﺧﺎﻻﻳﺪﯗ، ﺷﯘﯕﺎ ﻧﯘﺭﻏﯘﻧﻠﯩﻐﺎﻥ ﻣﯘﻧﻪﯞﻩﺭ ﻛﺎﻧﺪﯨﺪﺍﺗﻼﺭ ﺋﯩﭽﯩﺪﯨﻦ ﺷﯘ ﻛﻪﺳﯩﭙﻜﻪ ﺋﻪﯓ ﻣﯘﯞﺍﭘﯩﻖ ﻛﯧﻠﯩﺪﯨﻐﺎﻥ، ﺷﯘ ﻛﻪﺳﯩﭙﺘﻪ ﺋﯜﺯﯛﭖ ﭼﯩﻘﯩﺶ ﺋﯧﻬﺘﯩﻤﺎﻟﯩﻲ ﺋﻪﯓ ﭼﻮﯓ ﺑﻮﻟﻐﺎﻧﻠﯩﺮﯨﻨﻰ ﺗﺎﻟﻼﺵ ﺋﯘﻻﺭﻧﯩﯔ ﻣﻪﺟﺒﯘﺭﯨﻴﺘﻰ.
ﺋﯘﻧﺪﺍﻗﺘﺎ ﻛﻪﺳﯩﭗ ﺋﺎﺗﻼﭖ ﺋﯩﻠﺘﯩﻤﺎﺱ ﻗﯩﻠﯩﺸﺘﺎ ﺋﯜﻣﯩﺪ ﻳﻮﻗﻤﯘ؟ ﺋﯘﻧﺪﺍﻗﻤﯘ ﺋﻪﻣﻪﺱ. ﻣﻪﻥ ﻛﻪﺳﯩﭗ ﺋﺎﺗﻼﭖ ﺋﯩﻠﺘﯩﻤﺎﺱ ﻗﯩﻠﻐﺎﻧﻼﺭﻧﯩﯔ ﺑﯩﺮﻯ ﻫﯧﺴﺎﺑﻠﯩﻨﯩﻤﻪﻥ. ﺑﺎﺷﻘﯩﻼﺭﻧﯩﯔ ﻛﻪﺳﯩﭗ ﺋﺎﺗﻼﭖ ﺋﯩﻠﺘﯩﻤﺎﺱ ﻗﯩﻠﯩﭗ ﻏﻪﻟﺒﻪ ﻗﺎﺯﺍﻧﻐﺎﻧﻠﯩﻘﯩﻨﯩﻤﯘ ﺋﺎﯕﻠﯩﻐﺎﻧﻤﻪﻥ. ﺗﯚﯞﻩﻧﺪﻩ ﺋﯚﺯﻩﻣﻨﯩﯔ ﺑﯘ ﺟﻪﻫﻪﺗﺘﯩﻜﻰ ﺋﺎﺯ - ﺗﻮﻻ ﺗﻪﺟﺮﯨﺒﻪ ﺳﺎﯞﺍﻗﻠﯩﺮﯨﻤﻨﻰ ﺳﯩﻠﻪﺭ ﺑﯩﻠﻪﻥ ﺋﻮﺭﺗﺎﻗﻼﺷﻤﺎﻗﭽﯩﻤﻪﻥ.
ﻣﯧﻨﯩﯔ ﺗﻮﻟﯘﻕ ﻛﯘﺭﺱ ﺟﻪﺭﻳﺎﻧﯩﺪﺍ ﺋﻮﻗﯘﻏﺎﻥ ﺋﻪﺳﻠﯩﻲ ﻛﻪﺳﭙﯩﻢ ﺋﻪﻣﻪﻟﯩﻲ ﻗﻮﻟﻠﯩﻨﯩﺪﯨﻐﺎﻥ ﻳﻪﺭ ﺷﺎﺭﻯ ﻓﯩﺰﯨﻜﯩﺴﻰ ﺋﯩﺪﻯ. ﮔﻪﺭﭼﻪ ﻓﯩﺰﯨﻜﺎ ﻣﯧﻨﯩﯔ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺋﻪﯓ ﻗﯩﺰﯨﻘﯩﺪﯨﻐﺎﻥ ﻛﻪﺳﭙﯩﻢ ﺑﻮﻟﺴﯩﻤﯘ، ﺗﻪﻳﻴﺎﺭﻟﯩﻖ ﺋﻮﻗﯘﺵ ﺟﻪﺭﻳﺎﻧﯩﺪﺍ ﻣﻪﻥ ﻛﻮﻣﭙﻴﯘﺗﯧﺮﻏﺎ ﺑﻪﻛﻼ ﺋﯩﺸﺘﯩﻴﺎﻕ ﺑﺎﻏﻼﭖ ﻗﺎﻟﺪﯨﻢ. ﺋﯩﭽﻜﯩﺮﯨﮕﻪ ﺑﯧﺮﯨﭗ ﺭﻩﺳﻤﯩﻲ ﺗﻮﻟﯘﻕ ﻛﯘﺭﺳﻨﻰ ﺋﻮﻗﯘﺵ ﺟﻪﺭﻳﺎﻧﯩﺪﺍ، ﻛﻪﺳﭙﯩﻢ ﻳﻪﺭ ﺷﺎﺭﻯ ﻓﯩﺰﯨﻜﯩﺴﯩﻨﯩﯔ ﻣﻪﻥ ﺋﻮﻳﻠﯩﻐﺎﻧﺪﻩﻙ ﺑﻮﻟﯘﭖ ﭼﯩﻘﻤﺎﺳﻠﯩﻘﻰ ﯞﻩ ﻛﻮﻣﭙﻴﯘﺗﯧﺮﻏﺎ ﺑﻮﻟﻐﺎﻥ ﻗﯩﺰﯨﻘﯩﺸﯩﻤﻨﯩﯔ ﺗﯧﺨﯩﻤﯘ ﺋﯧﺸﯩﺸﻰ ﻣﯧﻨﯩﯔ ﻛﻮﻣﭙﻴﯘﺗﯧﺮ ﻛﻪﺳﭙﯩﺪﯨﻜﯩﻠﻪﺭ ﺑﯩﻠﻪﻥ ﺑﯩﻠﻠﻪ ﻛﻪﺳﭙﯩﻲ ﺩﻩﺭﺳﻠﻪﺭﻧﻰ ﺗﺎﻟﻼﭖ ﺋﻮﻗﯘﺷﯘﻣﻐﺎ ﯞﻩ ﺗﻮﻟﯘﻕ ﻛﯘﺭﺳﻨﯩﯔ ﺋﯩﻜﻜﯩﻨﭽﻰ ﻳﯩﻠﻠﯩﻘﯩﺪﯨﻦ ﺑﺎﺷﻼﭖ ﻛﻮﻣﭙﻴﯘﺗﯧﺮﻧﻰ ﻗﻮﺷﯘﻣﭽﻪ ﻛﻪﺳﯩﭗ (minor، 辅修) ﻗﯩﻠﯩﭗ ﺋﻮﻗﯘﺷﯘﻣﻐﺎ ﺗﯜﺭﺗﻜﻪ ﺑﻮﻟﺪﻯ. ﺷﯘﻧﯩﯔ ﺑﯩﻠﻪﻥ ﻣﻪﻥ ﺗﻮﻟﯘﻕ ﻛﯘﺭﺳﻨﻰ ﭘﯜﺗﺘﯜﺭﮔﻪﻧﺪﻩ ﻛﻮﻣﭙﻴﯘﺗﯧﺮﻧﯩﯔ ﻛﻪﺳﭙﯩﻲ ﭘﻪﻧﻠﯩﺮﯨﻨﻰ ﺋﺎﺳﺎﺳﻪﻥ ﺗﯜﮔﯩﺘﯩﭗ ﺑﻮﻟﺪﯗﻡ. ﺷﯘﯕﺎ ﻣﻪﻥ ﺋﯩﻠﺘﯩﻤﺎﺱ ﻗﯩﻠﻐﺎﻧﺪﺍ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻏﺎ ﺋﯚﺯﻩﻣﻨﯩﯔ ﻛﻮﻣﭙﻴﯘﺗﯧﺮ ﻛﻪﺳﭙﯩﻲ ﺋﺎﺳﺎﺳﯩﻤﻨﯩﯔ ﻳﺎﺧﺸﯩﻠﯩﻐﯩﻨﻰ ﻛﻮﻣﭙﻴﯘﺗﯧﺮ ﻛﻪﺳﭙﯩﻲ ﭘﻪﻧﻠﯩﺮﯨﺪﻩ ﺋﺎﻟﻐﺎﻥ ﻧﻪﺗﯩﺠﯩﻠﯩﺮﯨﻢ ﺋﺎﺭﻗﯩﻠﯩﻖ ﺋﺴﭙﺎﺗﻼﭖ ﺑﯧﺮﻩﻟﯩﺪﯨﻢ.
ﺩﯦﻤﻪﻙ، ﺋﻪﮔﻪﺭ ﺳﯩﺰ ﻛﻪﺳﯩﭗ ﺋﺎﺗﻼﭖ ﺋﯩﻠﺘﯩﻤﺎﺱ ﻗﯩﻠﻤﺎﻗﭽﻰ ﺑﻮﻟﺴﯩﯖﯩﺰ، ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﻐﯘﭼﯩﻼﺭﻏﺎ ﺋﯚﺯﯨﯖﯩﺰﻧﯩﯔ ﺷﯘ ﻛﻪﺳﯩﭙﺘﻪ ﺋﻮﻗﯘﻳﺎﻟﯩﺪﯨﻐﺪﻩﻙ ﺋﺎﺳﺎﺳﯩﯖﯩﺰ ﯞﻩ ﻳﻮﺷﯘﺭﯗﻥ ﻛﯜﭼﯩﯖﯩﺰ ﺑﺎﺭﻟﯩﻘﯩﻨﻰ ﺋﯩﺴﭙﺎﺗﻼﭖ ﺑﯧﺮﯨﺶ ﺯﯙﺭﯛﺭ. ﺑﯘﻧﻰ ﺋﯩﺴﭙﺎﺗﻼﺷﻨﯩﯔ ﺋﯘﺳﯘﻟﻰ ﻳﯘﻗﯩﺮﯨﺪﺍ ﺋﯧﻴﺘﻘﺎﻧﺪﻩﻙ ﺷﯘ ﻛﻪﺳﯩﭙﻨﯩﯔ ﻛﻪﺳﭙﯩﻲ ﺩﻩﺭﺳﻠﯩﺮﯨﻨﻰ ﺗﺎﻟﻼﭖ ﺋﻮﻗﯘﭖ، ﻳﺎﺧﺸﻰ ﻧﻪﺗﯩﺠﻪ ﺋﯧﻠﯩﺶ ﺑﻮﻟﯘﺷﻰ ﻣﯘﻣﻜﯩﻦ، ﻳﺎﻛﻰ ﺷﯘ ﻛﻪﺳﯩﭙﺘﻪ ﺗﯜﺭﻟﻪﺭﻧﻰ ﺋﯩﺸﻠﻪﭖ ﺑﺎﻗﻘﺎﻥ، ﻳﺎﻛﻰ ﺷﯘ ﻛﻪﺳﯩﭙﺘﻪ ﺑﯩﺮﻩﺭ ﻳﯧﯖﯩﻠﯩﻖ ﻳﺎﺭﺍﺗﻘﺎﻥ، ﯞﻩ ﻳﺎﻛﻰ ﺷﯘ ﻛﻪﺳﯩﭙﺘﻪ ﻛﻪﺳﭙﯩﻲ ﺧﯩﺰﻣﻪﺗﻠﻪﺭﻧﻰ ﺋﯩﺸﻠﯩﮕﻪﻥ ﺩﯦﮕﻪﻧﺪﻩﻛﻠﻪﺭ ﺑﻮﻟﯘﺷﻰ ﻣﯘﻣﻜﯩﻦ. ﻣﻪﻥ ﺑﯘ ﻳﻪﺭﺩﻩ ﻛﯚﺭﺳﯩﺘﯩﭗ ﺑﯧﺮﻩﻟﻤﯩﮕﻪﻥ ﺑﺎﺷﻘﺎ ﺋﯘﺳﯘﻟﻼﺭ ﺑﺎﺭ ﺑﻮﻟﯘﺷﯩﻤﯘ ﻣﯘﻣﻜﯩﻦ. ﺷﯘﯕﺎ ﻛﯚﭖ ﺋﯩﺰﺩﯨﻨﯩﺶ ﺋﺎﺭﻗﯩﻠﯩﻖ ﺋﯚﺯﯨﯖﯩﺰﺩﯨﻜﻰ ﻳﻮﺷﯘﺭﯗﻥ ﻛﯜﭺ ﯞﻩ ﺋﯩﻘﺘﯩﺪﺍﺭﻧﻰ ﺋﺴﯩﭙﺎﺗﻼﭖ ﺑﯧﺮﯨﺸﻨﯩﯔ ﻳﺎﺧﺸﻰ ﺋﯘﺳﯘﻟﯩﻨﻰ ﺗﯧﭙﯩﭗ ﭼﯩﻘﺎﻟﯩﺴﯩﯖﯩﺰ، ﻛﻪﺳﯩﭗ ﺋﺎﺗﻼﭖ ﺋﯩﻠﺘﯩﻤﺎﺱ ﻗﯩﻠﯩﺸﺘﺎ ﻣﯘﯞﺍﭘﯩﻘﯩﻴﻪﺕ ﻗﺎﺯﯨﻨﺎﻟﯩﺸﯩﯖﯩﺰ ﻣﯘﻣﻜﯩﻦ. ﻫﯧﭽﻘﺎﻧﺪﺍﻕ ﺋﯩﺰﺩﯨﻨﯩﺶ ﯞﻩ ﺗﯩﺮﯨﺸﯩﺶ ﻳﻮﻗﻼ، ﺋﯩﻠﺘﯩﻤﺎﺱ ﻗﯩﻠﯩﭗ ﺑﺎﻗﺎﻳﻤﯩﻜﯩﻦ ﺗﻪﻟﯩﻴﯩﻢ ﻛﯧﻠﯩﭗ ﻗﺎﻟﺴﺎ ﺋﻪﺟﻪﭖ ﺋﻪﻣﻪﺱ ﺩﻩﻳﺪﯨﻐﺎﻥ ﭘﻮﺯﯨﺘﺴﯩﻴﺪﻩ ﺑﻮﻟﺴﯩﯖﯩﺰ، ﺋﯘ ﭼﺎﻏﺪﺍ ﻣﻪﻏﻠﯘﺑﯩﻴﻪﺗﻜﻪ ﺋﯘﭼﯩﺮﺍﭖ، ﺭﻭﻫﯩﯖﯩﺰﻧﻰ ﭼﯜﺷﻜﯜﻧﻠﻪﺷﺘﯜﺭﯨﯟﺍﻟﯩﺴﯩﺰ ﺧﺎﻻﺱ. ﻣﯧﻨﯩﯖﭽﻪ «ﺗﻪﻟﻪﻱ» ﯞﻩ ﭘﯘﺭﺳﻪﺗﻤﯘ ﻛﯚﭖ ﺋﯩﺰﺩﯨﻨﯩﺪﯨﻐﺎﻥ ﯞﻩ ﺗﯩﺮﯨﺸﯩﺪﯨﻐﺎﻧﻼﺭﻏﺎ ﻛﯚﭘﺮﻩﻙ ﻛﯧﻠﯩﺪﯗ.
