ئىستىقبال

( ﺋﺎﺳﺎﺳﻰ ﺑﺎﺳﻘﯘﭼﻼﺭ › 5-ﺑﻪﺕ )

ﺩﻭﻛﺘﯘﺭﻟﯘﻗﻤﯘ، ﻳﺎﻛﻰ ﻣﺎﮔﯩﺴﺘﯩﺮﻟﯩﻘﻤﯘ؟ ﺗﻮﻟﯘﻕ ﻛﯘﺭﺱ ﺋﻮﻗﯘﺳﺎﻣﭽﯘ؟

ﻣﻪﻥ ﺗﻮﻟﯘﻕ ﻛﯘﺭﺳﻨﻰ ﺋﺎﻣﺎﻝ ﺑﺎﺭ ﺩﯙﻟﻪﺕ ﺋﯩﭽﯩﺪﯨﻜﻰ ﺋﻪﯓ ﻳﺎﺧﺸﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﺋﻮﻗﯘﭖ، ﺋﺎﻧﺪﯨﻦ ﺩﻭﻛﺘﯘﺭﻟﯘﻕ ﻳﺎﻛﻰ ﻣﺎﮔﯩﺴﺘﯩﺮﻟﯩﻘﻨﻰ ﭼﻪﺗﺌﻪﻟﻠﻪﺭﮔﻪ، ﺟﯜﻣﻠﯩﺪﯨﻦ ﺋﺎﻣﯧﺮﯨﻜﯩﻐﺎ ﭼﯩﻘﯩﭗ ﺋﻮﻗﯘﺷﻨﻰ ﺗﻪﯞﺳﯩﻴﻪ ﻗﯩﻠﯩﻤﻪﻥ. ﺑﻪﺯﯨﺪﻩ ﻣﺎﮔﯩﺴﺘﯧﺮﻟﯩﻘﻨﯩﻤﯘ ﺩﯙﻟﻪﺕ ﺋﯩﭽﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﺋﻮﻗﯘﺵ ﺯﯙﺭﯛﺭ ﺑﻮﻟﯘﭖ ﻗﯧﻠﯩﺸﻰ ﻣﯘﻣﻜﯩﻦ. ﺗﻮﻟﯘﻕ ﻛﯘﺭﺳﻨﻰ ﺟﯘﯕﮕﻮﺩﺍ ﺋﻮﻗﯘﭖ ﭘﯜﺗﺘﯜﺭﯛﭖ ﺋﺎﻧﺪﯨﻦ ﺋﺎﻣﯧﺮﯨﻜﯩﻐﺎ ﭼﯩﻘﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﯩﺸﯩﻤﺪﺍ ﻣﯘﻧﺪﺍﻕ ﺑﯩﺮ ﻗﺎﻧﭽﻪ ﺳﻪﯞﻩﺑﻠﻪﺭ ﺑﺎﺭ.

ﺑﯩﺮﯨﻨﭽﯩﺪﯨﻦ، ﺗﻮﻟﯘﻕ ﻛﯘﺭﺳﻨﻰ ﭼﻪﺗﺌﻪﻟﺪﻩ ﺋﻮﻗﯘﺵ ﺋﯜﭼﯜﻥ ﻛﯚﭘﯩﻨﭽﻪ ﻫﺎﻟﻼﺭﺩﺍ ﺋﯚﺯﯨﯖﯩﺰ ﭘﯘﻝ ﺗﯚﻟﻪﭖ ﺋﻮﻗﯘﺷﻘﺎ ﺗﻮﻏﺮﺍ ﻛﯧﻠﯩﺪﯗ. ﺑﻪﺯﻯ ﺩﯙﻟﻪﺗﻠﻪﺭﺩﻩ ﮔﻪﺭﭼﻪ ﺋﻮﻗﯘﺵ ﭘﯘﻟﯩﻨﻰ ﺋﯩﻨﺘﺎﻳﯩﻦ ﺋﺎﺯ ﺋﺎﻟﺴﯩﻤﯘ، ﻟﯧﻜﯩﻦ ﺗﯘﺭﻣﯘﺵ ﭘﯘﻟﻰ ﻳﻪﻧﯩﻼ ﺋﺎﺩﻩﺗﺘﯩﻜﻰ ﺋﺎﺋﯩﻠﯩﻠﻪﺭ ﺋﯜﭼﯜﻥ ﺑﻪﻙ ﺋﯧﻐﯩﺮ ﻳﯜﻙ ﺑﻮﻟﯘﭖ ﻗﺎﻟﯩﺪﯗ. ﺋﺎﻣﯧﺮﯨﻜﯩﺪﻩﻙ ﺑﻪﺯﻯ ﺩﯙﻟﻪﺗﻠﻪﺭ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﺋﻮﻗﯘﺵ ﭘﯘﻟﻰ ﺋﯩﻨﺘﺎﻳﯩﻦ ﻛﯚﭖ ﺑﻮﻟﯘﭖ، ﺋﻮﻗﯘﺵ ﭘﯘﻟﻰ ﯞﻩ ﺗﯘﺭﻣﯘﺵ ﭘﯘﻟﻰ ﻗﻮﺷﯘﻟﯘﭖ ﻳﯩﻠﯩﻐﺎ 25 ﻣﯩﯔ ﺩﻭﻟﻼﺭﺩﯨﻦ ﺋﯧﺸﯩﭗ ﻛﯧﺘﯩﺸﻰ ﻣﯘﻣﻜﯩﻦ (ﺑﯘ ﺑﯩﺮ ﺋﺎﺩﻩﺗﺘﯩﻜﻰ ﺋﺎﻣﻤﯩﯟﻯ ﺋﯘﻧﯩﯟﯦﺮﺳﯩﺘﯧﺘﻨﻰ ﻣﯩﺴﺎﻝ ﻗﯩﻠﻐﺎﻧﺪﺍ. ﺋﺎﺩﻩﺗﺘﻪ ﭼﻪﺗﺌﻪﻟﻠﯩﻚ ﺋﻮﻗﯘﻏﯘﭼﯩﻼﺭ ﺋﺎﻣﯧﺮﯨﻜﯩﻠﯩﻖ ﺋﻮﻗﯘﻏﯘﭼﯩﻼﺭﻏﺎ ﻗﺎﺭﯨﻐﺎﻧﺪﺍ ﻛﯚﭘﺮﻩﻙ ﭘﯘﻝ ﺗﺎﭘﺸﯘﺭﯨﺪﯗ).

ﺋﯩﻜﻜﯩﻨﭽﯩﺪﯨﻦ، ﻣﯘﺗﻠﻪﻕ ﻛﯚﭖ ﺳﺎﻧﺪﯨﻜﻰ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭ ﺗﻮﻟﯘﻕ ﺋﻮﺗﺘﯘﺭﯨﻨﻰ ﭘﯜﺗﺘﯜﺭﮔﻪﻧﺪﯨﻜﻰ ﺋﯩﻨﮕﯩﻠﯩﺰ ﺗﯩﻠﻰ ﺳﻪﯞﯨﻴﺴﻰ ﺗﯧﺨﻰ TOEFL/GRE, IELTS ﻏﺎ ﺋﻮﺧﺸﺎﺵ ﺋﯩﻤﺘﯩﻬﺎﻧﻼﺭﺩﺍ ﻳﺎﺧﺸﻰ ﻧﻮﻣﯘﺭ ﺋﯧﻠﯩﺸﻘﺎ ﻳﻪﺗﻤﻪﻳﺪﯗ، ﺑﻮﻟﯘﭘﻤﯘ ﺋﯘﻳﻐﯘﺭ ﺋﻮﺗﺘﯘﺭﺍ ﻣﻪﻛﺘﻪﭘﻠﯩﺮﯨﺪﻩ ﺋﻮﻗﯘﻏﺎﻥ ﺋﻮﻗﯘﻏﯘﭼﯩﻼﺭﻏﺎ ﺋﯩﻨﮕﯩﻠﯩﺰ ﺗﯩﻠﻰ ﻣﻪﺧﺴﯘﺱ ﺩﻩﺭﺱ ﻗﯩﻠﯩﭗ ﺋﯚﺗﯜﻟﻤﯩﮕﻪﭼﻜﻪ، ﺑﯘ ﺧﯩﻞ ﺳﻪﯞﯨﻴﯩﮕﻪ ﺷﯘﻧﭽﻪ ﺑﯘﺭﯗﻥ ﻳﯧﺘﯩﺶ ﺋﯩﻨﺘﺎﻳﯩﻦ ﺗﻪﺳﻜﻪ ﺗﻮﺧﺘﺎﻳﺪﯗ. ﭼﻪﺗﺌﻪﻝ ﺗﯩﻠﻰ ﺳﻪﯞﯨﻴﯩﺴﯩﻨﻰ ﻳﯘﻗﯩﺮﯨﺮﺍﻕ ﺳﻪﯞﯨﻴﯩﮕﻪ ﻳﻪﺗﻜﯜﺯﻣﻪﻱ ﺗﯘﺭﯗﭖ ﭼﻪﺗﺌﻪﻟﮕﻪ ﭼﯩﻘﻘﺎﻥ ﺑﯩﻠﻪﻥ، ﺋﯚﮔﯩﻨﯩﺶ ﯞﻩ ﺗﯘﺭﻣﯘﺷﺘﺎ ﭼﻮﯓ ﻗﯩﻴﯩﻨﭽﯩﻠﯩﻘﻼﺭﻏﺎ ﺩﯗﭺ ﻛﯧﻠﯩﺪﯨﻐﺎﻥ ﮔﻪﭖ، ﺑﯘ ﺳﯩﺰﻧﯩﯔ ﭼﻪﺗﺌﻪﻟﺪﻩ، ﺟﯜﻣﻠﯩﺪﯨﻦ ﺋﺎﻣﯧﺮﯨﻜﯩﺪﺍ ﻣﯘﯞﺍﭘﯩﻘﯩﻴﻪﺕ ﻗﺎﺯﯨﻨﯩﺸﯩﯖﯩﺰﻏﺎ ﺯﻭﺭ ﺗﻪﺳﯩﺮ ﻛﯚﺭﺳﯩﺘﯩﺪﯗ. ﺗﯩﻠﻨﻰ ﭼﻪﺗﺌﻪﻟﮕﻪ ﭼﯩﻘﯩﭗ ﺋﯚﮔﯩﻨﯩﻤﻪﻥ ﺩﯦﻴﯩﺶ ﺋﺎﻧﭽﻪ ﺋﺎﻗﯩﻨﺎﻟﯩﻠﯩﻖ ﺋﻪﻣﻪﺱ، ﭼﯜﻧﻜﻰ ﭼﻪﺗﺌﻪﻟﺪﻩ ﮔﻪﺭﭼﻪ ﺋﺎﯕﻼﺵ ﯞﻩ ﺳﯚﺯﻟﻪﺵ ﺋﯩﻘﺘﯩﺪﺍﺭﻧﻰ ﺋﯚﺳﺘﯜﺭﯛﺷﻜﻪ ﭘﺎﻳﺪﯨﻠﯩﻖ ﺷﺎﺭﺍﺋﯩﺘﻼﺭ ﺩﯙﻟﻪﺕ ﺋﯩﭽﯩﺪﯨﻜﯩﺪﯨﻦ ﻛﯚﭘﺮﻩﻙ ﺑﻮﻟﺴﯩﻤﯘ، ﺋﻮﻗﯘﺵ، ﻳﯧﺰﯨﺶ ﯞﻩ ﮔﯩﺮﺍﻣﺎﺗﯩﻜﺎ ﺋﯩﻘﺘﯩﺪﺍﺭﯨﯖﯩﺰﻧﻰ ﺋﯚﺳﺘﯜﺭﯛﺷﺘﻪ ﻳﻪﻧﯩﻼ ﺩﯙﻟﻪﺕ ﺋﯩﭽﯩﺪﻩ ﺳﯩﺰﮔﻪ ﭘﺎﻳﺪﯨﻠﯩﻘﺮﺍﻕ ﯞﻩ ﭼﯩﻘﯩﻤﻰ ﺋﺎﺯﺭﺍﻕ ﺑﻮﻟﻐﺎﻥ ﺷﺎﺭﺍﺋﯩﺘﻼﺭ ﺟﯩﻖ. ﺑﯩﺮ ﺗﯩﻠﻨﻰ ﻳﯘﺭﺗﯩﺪﺍ ﻳﺎﺧﺸﻰ ﺋﯚﮔﯩﻨﻪﻟﻤﻪﻱ ﺗﯘﺭﯗﭖ، ﭼﻪﺗﺌﻪﻟﮕﻪ ﭼﯩﻘﺴﺎﻡ ﭼﻮﻗﯘﻡ ﻳﺎﺧﺸﻰ ﺋﯚﮔﯩﻨﻪﻟﻪﻳﻤﻪﻥ ﺩﯦﻴﯩﺶ ﺋﯚﺯﯨﻨﻰ ﺋﺎﻟﺪﯨﻐﺎﻧﻠﯩﻖ ﺑﻮﻟﯩﺪﯗ.

ﺋﯜﭼﯩﻨﭽﯩﺪﯨﻦ، ﺟﯘﯕﮕﻮﻧﯩﯔ ﻫﺎﺯﯨﺮﻗﻰ ﺗﻮﻟﯘﻕ ﻛﯘﺭﺱ ﺋﻮﻗﯘﺗﯘﺵ ﺳﻪﯞﯨﻴﯩﺴﻰ ﺑﯘﺭﯗﻧﻘﯩﻐﺎ ﻗﺎﺭﯨﻐﺎﻧﺪﺍ ﻛﯚﭖ ﺋﯩﻠﮕﯩﺮﻟﯩﮕﻪﻥ، ﻫﻪﻣﺪﻩ ﺋﻮﻗﯘﻏﯘﭼﯩﻼﺭﻧﯩﯔ ﻣﺎﺗﯧﻤﺎﺗﻜﺎ، ﻓﯩﺰﯨﻜﺎ ﺩﯦﮕﻪﻧﺪﻩﻙ ﺋﺎﺳﺎﺳﯩﻲ ﭘﻪﻧﻠﻪﺭﺩﯨﻜﻰ ﺋﺎﺳﺎﺳﯩﻲ ﻳﺎﺧﺸﻰ ﻳﯧﺘﯩﻠﯩﭗ ﭼﯩﻘﯩﺪﯗ. ﺑﺎﺷﻘﺎ ﺩﯙﻟﻪﺗﻠﻪﺭﮔﻪ ﭼﯩﻘﻘﺎﻧﺪﯨﻦ ﻛﯧﻴﯩﻦ ﺑﯘ ﺟﻪﻫﻪﺗﻠﻪﺭﺩﯨﻦ ﻛﯚﭖ ﻗﯩﻴﻨﺎﻟﻤﺎﻳﺪﯗ.

ﺗﯚﺗﯩﻨﭽﯩﺪﯨﻦ، ﻛﻪﻣﺴﯩﺘﻜﻪﻧﻠﯩﻜﯩﻢ ﺋﻪﻣﻪﺱ، ﻟﯧﻜﯩﻦ ﺗﻮﻟﯘﻕ ﺋﻮﺗﺘﯘﺭﯨﻨﻰ ﭘﯜﺗﺘﯜﺭﮔﻪﻧﺪﻩ ﺗﯧﺨﻰ ﻳﺎﺵ، ﺗﺎﺯﺍ ﭘﯩﺸﯩﭗ ﻳﯧﺘﯩﻠﻤﯩﮕﻪﻥ ﯞﺍﻗﯩﺖ ﺑﻮﻟﯘﭖ، ﻳﺎﻟﻐﯘﺯ ﺗﯘﺭﻣﯘﺷﻨﯩﯔ ﺑﯧﺴﯩﻤﻠﯩﺮﯨﻐﺎ، ﭼﻪﺗﺌﻪﻟﺪﯨﻜﻰ ﺑﻪﺯﻯ ﻧﺎﭼﺎﺭ ﺋﯩﻠﻠﻪﺗﻠﻪﺭﻧﯩﯔ ﻗﺎﻳﻤﯘﻗﺘﯘﺭﯗﺷﻠﯩﺮﯨﻐﺎ ﺗﺎﻗﺎﺑﯩﻞ ﺗﯘﺭﯗﺵ ﺋﯩﻘﺘﯩﺪﺍﺭﻯ ﺑﻪﻟﻜﯩﻢ ﺋﺎﻧﭽﻪ ﻛﯜﭼﻠﯜﻙ ﺑﻮﻟﻤﺎﺳﻠﯩﻘﻰ ﻣﯘﻣﻜﯩﻦ. ﭼﻪﺗﺌﻪﻟﮕﻪ ﭼﯩﻘﯩﭗ ﺩﺍﺋﯩﻢ ﻳﺎﻟﻐﯘﺯﭼﯩﻠﯩﻘﻨﯩﯔ ﺩﻩﺭﺩﯨﺪﻩ ﭼﯜﺷﻜﯜﻧﻠﯩﺸﯩﭗ، ﻛﻪﻳﭙﯩﻴﺎﺗﯩﯖﯩﺰ ﻧﺎﭼﺎﺭ ﺑﻮﻟﯩﯟﻩﺭﺳﻪ، ﺋﻮﻗﯘﺷﻼﺭﻣﯘ ﻳﺎﺧﺸﻰ ﺋﺎﻟﻐﺎ ﺑﺎﺳﻤﺎﺳﻠﯩﻘﻰ ﻣﯘﻣﻜﯩﻦ. ﺷﯘﯕﺎ ﺑﯘ ﺟﻪﻫﻪﺗﻠﻪﺭﺩﯨﻦ ﺋﯚﺯﯨﻨﻰ ﺋﻮﺑﺪﺍﻥ ﺩﻩﯕﺴﻪﭖ ﺑﯧﻘﯩﺶ ﺗﻮﻟﯩﻤﯘ ﻣﯘﻫﯩﻤﺪﯗﺭ.

ﺋﯘﻧﺪﯨﻦ ﺑﺎﺷﻘﺎ ﺟﯘﯕﮕﻮﻧﯩﯔ ﺗﻮﻟﯘﻕ ﻛﯘﺭﺱ ﺩﯨﭙﻠﻮﻣﻰ ﯞﻩ ﺑﺎﻛﻼﯞﯗﺭﻟﯘﻕ ﺋﯘﻧﯩﯟﺍﻧﻰ ﺩﯗﻧﻴﺎﻧﯩﯔ ﻫﻪﻣﻤﯩﻼ ﻳﯧﺮﯨﺪﻩ ﺩﯦﮕﯜﺩﻩﻙ ﻳﺎﺧﺸﻰ ﺋﯧﺘﯩﺮﺍﭖ ﻗﯩﻠﯩﻨﯩﺪﯨﻐﺎﻥ ﺑﻮﻟﻐﺎﭼﻘﺎ، ﺩﻭﻛﺘﯘﺭﻟﯘﻕ ﯞﻩ ﻣﺎﮔﯩﺴﺘﯧﺮﻟﯩﻘﻘﺎ ﺋﻮﻗﯘﺷﻘﺎ ﻛﯩﺮﻩﻟﻪﺵ ﯞﻩ ﺋﻮﻗﯘﺵ ﻣﯘﻛﺎﭘﺎﺕ ﻳﺎﻛﻰ ﺋﻮﻗﯘﺵ ﻳﺎﺭﺩﻩﻡ ﭘﯘﻟﻠﯩﺮﯨﻐﺎ ﺋﯧﺮﯨﺸﯩﺸﺘﻪ ﺧﯧﻠﻰ ﭘﺎﻳﺪﯨﻠﯩﻖ ﺋﻮﺭﯗﻧﻐﺎ ﺋﯧﺮﯨﺸﻜﯩﻠﻰ ﺑﻮﻟﯩﺪﯗ. ﺑﯘﻧﻰ ﺋﺎﻣﯧﺮﯨﻜﯩﺪﺍ ﺋﻮﻗﯘﯞﺍﺗﻘﺎﻥ ﺟﯘﯕﮕﻮﻟﯘﻕ ﺋﻮﻗﯘﻏﯘﭼﯩﻼﺭﻧﯩﯔ ﻛﯚﭘﻠﯜﻛﯩﺪﯨﻦ ﻛﯚﺭﯛﯞﺍﻟﻐﯩﻠﻰ ﺑﻮﻟﯩﺪﯗ. ﺋﻪﮔﻪﺭ ﺳﯩﺰﻧﯩﯔ ﺋﯩﻘﺘﯩﺴﺎﺩﻯ ﺷﺎﺭﺍﺋﯩﺘﯩﯖﯩﺰ ﻳﺎﺭ ﺑﻪﺭﺳﻪ، ﺗﻮﻟﯘﻕ ﻛﯘﺭﺳﻨﻰ ﭘﯜﺗﺘﯜﺭﯛﭖ ﺑﻮﻟﯘﭘﻼ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺳﯩﯖﯩﺰﻣﯘ ﺑﻮﻟﯩﺪﯗ. ﻟﯧﻜﯩﻦ ﭼﻪﺗﺌﻪﻝ ﺗﯩﻠﻰ ﺳﻪﯞﯨﻴﯩﺮﯨﯖﯩﺰﻧﻰ ﭼﻮﻗﯘﻡ ﻳﯘﻗﯩﺮﯨﺮﺍﻕ ﺑﯩﺮ ﺩﻩﺭﯨﺠﯩﮕﻪ ﻛﯚﺗﯜﺭﯛﯞﯦﻠﯩﭗ، ﺋﺎﻧﺪﯨﻦ ﭼﯩﻘﯩﺸﻨﻰ ﺋﻮﻳﻠﯘﺷﯘﯓ.

ﺩﻭﻛﺘﯘﺭﻟﯘﻗﻤﯘ ﻳﺎﻛﻰ ﻣﺎﮔﯩﺴﺘﯧﺮﻟﯩﻘﻤﯘ؟

ﺋﺎﯞﺍﻝ ﺩﻭﻛﺘﯘﺭﻟﯘﻕ ﺑﯩﻠﻪﻥ ﻣﺎﮔﯩﺴﺘﯧﺮﻟﯩﻘﻨﯩﯔ ﺋﯧﻨﯩﻘﻠﯩﻤﯩﺴﻰ ﻫﻪﻗﻘﯩﺪﻩ ﺑﯩﺮ ﻧﻪﭼﭽﻪ ﺋﯧﻐﯩﺰ ﭼﯜﺷﻪﻧﭽﻪ ﺑﯧﺮﻩﻱ. ﺩﻭﻛﺘﯘﺭﻟﯘﻕ ﺑﯩﺮ ﺧﯩﻞ ﺋﺎﻟﯩﻲ ﺩﻩﺭﯨﺠﯩﻠﯩﻚ ﺋﯩﻠﻤﯩﻲ ﺋﯘﻧﯩﯟﺍﻥ ﺑﻮﻟﯘﭖ، ﺋﺎﻣﯧﺮﯨﻜﯩﺪﺍ ﺩﻭﻛﺘﯘﺭﻟﯘﻕ ﺋﻮﻗﯘﺷﻰ ﺋﻮﺗﺘﯘﺭﺍ ﻫﯧﺴﺎﺏ ﺑﯩﻠﻪﻥ 5 ﻳﯩﻞ ﺋﻪﺗﯩﺮﺍﭘﯩﺪﺍ ﺑﻮﻟﯩﺪﯗ. 5 ﻳﯩﻞ ﺩﯦﮕﻪﻧﺪﻩ ﭼﻮﻗﯘﻡ 5 ﻳﯩﻠﺪﺍ ﭘﯜﺗﯩﺪﯗ، ﺩﯦﮕﯩﻠﻰ ﺑﻮﻟﻤﺎﻳﺪﯗ، ﺋﻮﺧﺸﯩﻤﯩﻐﺎﻥ ﻣﻪﻛﺘﻪﭖ، ﺋﻮﺧﺸﯩﻤﯩﻐﺎﻥ ﻛﻪﺳﯩﭙﻠﻪﺭﺩﻩ ﺳﻪﻝ ﭘﻪﺭﻕ ﺑﻮﻟﯩﺪﯗ. ﻫﻪﺗﺘﺎ ﺋﻮﺧﺸﺎﺵ ﺑﯩﺮ ﻓﺎﻛﯘﻟﺘﯧﺘﺘﺎ ﺋﻮﻗﯘﯞﺍﺗﻘﺎﻥ ﺋﯩﻜﻜﻰ ﺋﻮﻗﯘﻏﯘﭼﯩﻨﯩﯔ ﺳﻪﺭﭖ ﻗﯩﻠﻐﺎﻥ ﯞﺍﻗﺘﯩﻤﯘ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺩﻭﻛﺘﯘﺭﻟﯘﻕ ﻣﺎﮔﯩﺴﺘﯧﺮﻟﯩﻘﻘﺎ ﻗﺎﺭﯨﻐﺎﻧﺪﺍ ﺗﻪﺗﻘﯩﻘﺎﺗﻨﻰ ﺑﻪﻛﺮﻩﻙ ﺋﺎﺳﺎﺱ ﻗﯩﻠﯩﺪﯗ.

ﻣﺎﮔﯩﺴﺘﯧﺮﻟﯩﻖ ﺑﻮﻟﺴﺎ ﺩﻩﺭﯨﺠﯩﺴﻰ ﺑﺎﻛﻼﯞﯗﺭﻟﯘﻕ ﺑﯩﻠﻪﻥ ﺩﻭﻛﺘﯘﺭﻟﯘﻗﻨﯩﯔ ﺋﻮﺗﺘﯘﺭﯨﺴﯩﺪﯨﻜﻰ ﺑﯩﺮ ﺧﯩﻞ ﺋﯩﻠﻤﯩﻲ ﺋﯘﻧﯩﯟﺍﻥ ﺑﻮﻟﯘﭖ، ﻣﺎﮔﯩﺴﺘﯧﺮﻟﯩﻖ ﺋﻮﻗﯘﺷﻰ ﺋﺎﺩﻩﺗﺘﻪ 2 ﻳﯩﻞ ﺑﻮﻟﯩﺪﯗ (ﺋﻪﻧﮕﯩﻠﯩﻴﺪﻩ 1 ﻳﯩﻠﺪﯨﻼ ﻣﺎﮔﯩﺴﺘﯧﺮﻟﯩﻖ ﺋﻮﻗﯘﺷﻨﻰ ﺗﺎﻣﺎﻣﻼﭖ ﺑﻮﻟﯘﺵ ﻣﯘﻣﻜﯩﻦ). ﺋﺎﺩﻩﺗﺘﻪ ﻣﺎﮔﯩﺴﺘﯧﺮﻟﯩﻖ ﺋﻮﻗﯘﺷﻰ ﺋﻮﻗﯘﻏﯘﭼﯩﻼﺭﻧﻰ ﻛﯚﭘﺮﻩﻙ ﺗﯧﺨﯩﻤﯘ ﻳﺎﺧﺸﻰ ﺧﯩﺰﻣﻪﺕ ﺗﯧﭙﯩﺶ ﺷﺎﺭﺍﺋﯩﺘﯩﻐﺎ ﺋﯩﮕﻪ ﻗﯩﻠﯩﺶ ﯞﻩ ﻗﯩﺴﻤﻪﻥ ﺗﻪﺗﻘﯩﻘﺎﺕ ﺋﯩﻘﺘﯩﺪﺍﺭﻯ ﺑﯩﻠﻪﻥ ﻗﻮﺭﺍﻟﻼﻧﺪﯗﺭﯗﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﺑﻮﻟﯩﺪﯗ.

ﺩﻭﻛﺘﯘﺭﻟﯘﻗﻘﺎ ﺋﯩﻠﺘﯩﻤﺎﺱ ﻗﯩﻼﻳﻤﯘ ﻳﺎﻛﻰ ﻣﺎﮔﯩﺴﺘﯧﺮﻟﯩﻘﻘﯩﻤﯘ ﺩﯦﮕﻪﻥ ﻣﻪﺳﯩﻠﯩﮕﻪ ﻧﯩﺴﺒﻪﺗﻪﻥ، ﻗﻮﺑﯘﻝ ﻗﯩﻠﯩﻨﯩﺶ ﯞﻩ ﺋﯩﻘﺘﯩﺴﺎﺩﻯ ﻳﺎﺭﺩﻩﻣﻨﻰ ﻗﻮﻟﻐﺎ ﻛﻪﻟﺘﯜﺭﯛﺵ ﺋﯧﻬﺘﯩﻤﺎﻟﻠﯩﻘﯩﻨﻰ ﺋﺎﺷﯘﺭﯗﺵ ﺋﯜﭼﯜﻥ ﻣﻪﻥ ﻛﯚﭘﺮﻩﻙ ﺩﻭﻛﺘﯘﺭﻟﯘﻗﻨﻰ ﺗﻪﯞﺳﯩﻴﻪ ﻗﯩﻠﯩﻤﻪﻥ. ﭼﯜﻧﻜﻰ ﺋﺎﻟﺪﯨﺪﺍ ﺩﻩﭖ ﺋﯚﺗﻜﯩﻨﯩﻤﺪﻩﻙ، ﺋﺎﺩﻩﺗﺘﻪ ﺋﺎﻣﯧﺮﯨﻜﯩﺪﺍ ﻛﯚﭘﻠﯩﮕﻪﻥ ﻣﻪﻛﺘﻪﭘﻠﻪﺭﺩﻩ ﯞﻩ ﻛﻪﺳﯩﭙﻠﻪﺭﺩﻩ ﻣﺎﮔﯩﺴﺘﯧﺮﻟﯩﻘﻨﻰ ﺋﺎﻟﻤﺎﻱ ﺗﯘﺭﯗﭖ ﺑﯩﯟﺍﺳﺘﻪ ﺩﻭﻛﺘﯘﺭﻟﯘﻗﻘﺎ ﻛﯩﺮﯨﭗ ﺋﻮﻗﯘﺳﯩﯖﯩﺰ ﺑﻮﻟﯩﺪﯗ، ﻫﻪﻡ ﻣﯘﻫﯩﻤﻰ، ﺩﻭﻛﺘﯘﺭﻟﯘﻗﻘﺎ ﺑﯧﺮﯨﻠﯩﺪﯨﻐﺎﻥ ﺋﻮﻗﯘﺵ ﻣﯘﻛﺎﭘﺎﺕ ﯞﻩ ﻳﺎﺭﺩﻩﻡ ﻣﺎﮔﯩﺴﺘﯧﺮﻟﯩﻘﻘﺎ ﻗﺎﺭﯨﻐﺎﻧﺪﺍ ﺯﻭﺭ ﻛﯚﭖ ﺳﺎﻧﻨﻰ ﺋﯩﮕﯩﻠﻪﻳﺪﯗ. ﺋﯘﻧﯩﯔ ﺋﯜﺳﺘﯩﮕﻪ ﺋﻪﮔﻪﺭ ﺳﯩﺰ ﺩﻭﻛﺘﯘﺭﻟﯘﻕ ﺋﻮﻗﯘﺷﻘﺎ ﭘﻪﻗﻪﺗﻼ ﻗﯩﺰﯨﻘﻤﯩﺴﯩﯖﯩﺰ، ﺑﻪﻟﻜﯩﻢ 2 ﻳﯩﻞ ﺋﻮﻗﯘﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﻣﺎﮔﯩﺴﺘﯧﺮﻟﯩﻘﺘﯩﻦ ﺑﯩﺮﻧﻰ ﺋﯧﻠﯩﭙﻼ ﺗﻮﺧﺘﺎﭖ ﻗﺎﻟﺴﯩﯖﯩﺰﻣﯘ ﺑﻮﻟﯘﺷﻰ ﻣﯘﻣﻜﯩﻦ. ﻟﯧﻜﯩﻦ ﻳﻪﻧﻪ ﺗﻪﻛﯩﺘﻠﻪﭖ ﻗﻮﻳﯩﺪﯨﻐﯩﻨﯩﻢ ﺷﯘﻛﻰ، ﺧﯧﻠﻰ ﻛﯚﭖ ﻣﻪﻛﺘﻪﭘﻠﻪﺭ ﻳﺎﻛﻰ ﻛﻪﺳﯩﭙﻠﻪﺭ ﺩﻭﻛﺘﯘﺭﻟﯘﻗﺘﺎ ﺋﻮﻗﯘﺵ ﺋﯜﭼﯜﻥ ﭼﻮﻗﯘﻡ ﺋﺎﻟﺪﻯ ﺑﯩﻠﻪﻥ ﻣﺎﮔﯩﺴﺘﯧﺮﻟﯩﻘﻨﻰ ﺋﻮﻗﯘﺵ ﻛﯧﺮﻩﻙ ﺩﻩﻳﺪﯗ. ﺑﯘ ﺧﯩﻞ ﺋﻪﻫﯟﺍﻟﺪﺍ ﺑﯩﯟﺍﺳﺘﻪ ﻣﺎﮔﯩﺴﺘﯧﺮﻟﯩﻘﻘﺎ ﺋﯩﻠﺘﯩﻤﺎﺱ ﻗﯩﻠﯩﭗ ﺋﻮﻗﯘﺵ ﻣﯘﻛﺎﭘﺎﺗﻰ ﺋﯧﻠﯩﺸﻘﺎ ﺗﯩﺮﯨﺸﺴﯩﯖﯩﺰﻣﯘ ﺑﻮﻟﯩﺪﯗ، ﻳﺎﻛﻰ ﺑﻮﻟﻤﯩﺴﺎ ﺋﺎﯞﺍﻝ ﺩﯙﻟﻪﺕ ﺋﯩﭽﯩﺪﻩ ﻣﺎﮔﯩﺴﺘﯧﺮﻟﯩﻘﻨﻰ ﭘﯜﺗﺘﯜﺭﯛﭖ، ﺋﺎﻧﺪﯨﻦ ﭼﻪﺗﺌﻪﻟﺪﻩ ﺩﻭﻛﺘﯘﺭﻟﯘﻗﺘﺎ ﺋﻮﻗﯘﺷﻘﺎ ﺋﯩﻠﺘﯩﻤﺎﺱ ﻗﯩﻠﺴﯩﯖﯩﺰﻣﯘ ﺑﻮﻟﯩﺪﯗ. ﺋﯩﻜﻜﯩﺴﯩﺪﯨﻦ ﻣﺎﮔﯩﺴﺘﯧﺮﻟﯩﻘﻘﺎ ﺋﯩﻠﺘﯩﻤﺎﺱ ﻗﯩﻠﯩﭗ، ﺗﻮﻟﯘﻕ ﻳﺎﺭﺩﻩﻡ ﭘﯘﻟﯩﻐﺎ ﺋﯧﺮﯨﺸﯩﺶ ﺗﻪﺳﺮﻩﻙ. ﻗﺎﻳﺴﻰ ﻳﻮﻟﻨﻰ ﺗﺎﻟﻼﺵ ﺋﯚﺯﯨﯖﯩﺰﺩﻩ ﻫﺎﺯﯨﺮﻟﯩﻐﺎﻥ ﺷﺎﺭﺍﺋﯩﺘﻼﺭ ﯞﻩ ﻛﻪﻟﮕﯜﺳﻰ ﭘﯩﻼﻧﯩﯖﯩﺰﻏﺎ ﺑﺎﻏﻠﯩﻖ ﺋﻪﻟﯟﻩﺗﺘﻪ.

<ﻣﯘﻫﯩﻢ ﻧﯘﻗﺘﯩﻼﺭﻏﺎ ﻗﺎﻳﺘﯩﺶ>

ﺋﺎﻣﯧﺮﯨﻜﯩﺪﺍ ﺋﻮﻗﯘﺷﻨﯩﯔ ﯞﺍﻗﯩﺖ ﺗﻪﺭﺗﯩﭙﻰ ﺑﻮﻳﯩﭽﻪ ﺗﯩﺰﯨﻠﻐﺎﻥ ﺑﺎﺳﻘﯘﭼﻠﯩﺮﻯ

ﺑﯘ ﻗﻪﺩﻩﻡ ﺑﺎﺳﻘﯘﭼﻼﺭ ﺗﻮﻟﯘﻕ ﻛﯘﺭﺳﻨﻰ ﭘﯜﺗﺘﯜﺭﯛﭖ ﺑﻮﻟﯘﭖ ﺋﺎﻣﯧﺮﯨﻜﯩﻐﺎ ﭼﯩﻘﯩﭗ ﺋﻮﻗﯘﺷﻨﻰ ﻣﯩﺴﺎﻝ ﻗﯩﻠﯩﭗ ﺗﯘﺭﯗﭖ ﺗﯩﺰﯨﭗ ﭼﯩﻘﯩﻠﻐﺎﻥ. ﺋﻪﮔﻪﺭ ﺳﯩﺰﻧﯩﯔ ﺋﻪﻫﯟﺍﻟﯩﯖﯩﺰ ﺋﻮﺧﺸﺎﺷﻤﯩﺴﺎ، ﯞﺍﻗﯩﺘﻨﻰ ﻣﺎﺱ ﻫﺎﻟﺪﺍ ﺗﻪﯕﺸﻪﭖ ﺋﻮﺭﯗﻧﻼﺷﺘﯘﺭﺍﺭﺳﯩﺰ. ﻳﻪﻧﻪ ﺑﯩﺮ ﺗﻪﻛﯩﺘﻠﻪﭖ ﻗﻮﻳﯩﺪﯨﻐﺎﻥ ﮔﻪﭖ، ﺑﯘ ﺋﺎﻣﯧﺮﯨﻜﯩﻨﯩﯔ ﻛﯜﺯﻟﯜﻙ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﺶ (Fall Admission) ﺋﻪﻫﯟﺍﻟﯩﻐﺎ ﺋﺎﺳﺎﺳﻪﻥ ﺋﻮﺭﯗﻧﻼﺷﺘﯘﺭﯗﻟﻐﺎﻥ، ﻛﯚﭖ ﺳﺎﻧﺪﯨﻜﻰ ﺋﺎﺳﯩﭙﯩﺮﺍﻧﺘﻼﺭ ﻛﯜﺯﺩﻩ ﻗﻮﺑﯘﻝ ﻗﯩﻠﯩﻨﯩﺪﯗ. ﺋﻪﮔﻪﺭ ﺳﯩﺰ ﺋﻪﺗﯩﻴﺎﺯﻟﯩﻖ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﺶ (Spring Admission) ﭘﯘﺭﺳﯩﺘﯩﻨﻰ ﺳﯩﻨﺎﭖ ﺑﺎﻗﻤﺎﻗﭽﻰ ﺑﻮﻟﺴﯩﯖﯩﺰ، ﯞﺍﻗﯩﺘﻨﻰ ﺷﯘ ﺑﻮﻳﯩﭽﻪ ﺗﻪﯕﺸﻪﭖ ﺋﻮﺭﯗﻧﻼﺷﺘﯘﺭﯗﯓ. ﺋﺎﺩﻩﺗﺘﻪ ﻛﯜﺯﻟﯜﻙ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﺸﻨﯩﯔ ﺋﺎﺧﯩﺮﻗﻰ ﭼﯧﻜﻰ (Fall Admission Deadline) ﺋﻮﺧﺸﯩﻤﯩﻐﺎﻥ ﻣﻪﻛﺘﻪﭘﻠﻪﺭﻧﯩﯔ ﺋﻮﺧﺸﺎﺵ ﺑﻮﻟﻤﺎﻳﺪﯗ، ﺑﻪﺯﯨﻠﯩﺮﻯ 12-ﺋﺎﻳﻨﯩﯔ 15-ﻛﯜﻧﯩﻨﻰ ﻳﺎﻛﻰ 12- ﺋﺎﻳﻨﯩﯔ 30- ﻛﯜﻧﯩﻨﻰ، ﺑﻪﺯﻯ ﻣﻪﻛﺘﻪﭘﻠﻪﺭ 1-ﺋﺎﻳﻨﯩﯔ 15-ﻛﯜﻧﯩﻨﻰ ﯞﻩ ﺑﻪﺯﯨﻠﯩﺮﻯ 2-ﺋﺎﻳﻨﯩﯔ 1- ﻛﯜﻧﯩﻨﻰ، ﻫﻪﺗﺘﺎ 2- ﺋﺎﻳﻨﯩﯔ 15- ﻛﯜﻧﯩﻨﻰ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﺸﻨﯩﯔ ﺋﺎﺧﯩﺮﻗﻰ ﭼﯧﻜﻰ ﻗﯩﻠﯩﭗ ﺋﻮﺭﯗﻧﻼﺷﺘﯘﺭﯗﺷﻰ ﻣﯘﻣﻜﯩﻦ. ﻛﯚﭖ ﻗﯩﺴﯩﻢ ﻣﻪﻛﺘﻪﭘﻠﻪﺭﻧﯩﯔ ﺋﺎﺧﯩﺮﻗﻰ ﭼﯧﻜﯩﺪﯨﻦ ﺑﯘﺭﯗﻥ ﺋﯩﻠﺘﯩﻤﺎﺱ ﻗﯩﻠﯩﯟﯦﻠﯩﺶ ﺋﯜﭼﯜﻥ، 1- ﺋﺎﻳﻨﯩﯔ 15-ﻛﯜﻧﯩﺪﯨﻦ ﺑﯘﺭﯗﻥ ﺋﯩﻠﺘﯩﻤﺎﺳﯩﯖﯩﺰﻧﻰ ﺗﯜﮔﯩﺘﯩﭗ ﺑﻮﻟﯘﺷﻘﺎ ﺗﯩﺮﯨﺸﯩﯔ.

ﯞﺍﻗﯩﺖ	ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺋﯩﺸﻼﺭ
ﺋﻮﺗﺘﯘﺭﺍ ﻣﻪﻛﺘﻪﭘﺘﯩﻦ ﺋﺎﻟﯩﻲ ﻣﻪﻛﺘﻪﭘﻜﻪ ﭼﯩﻘﻘﯘﭼﻪ ( ﻳﺎﻛﻰ ﺋﺎﻟﯩﻲ ﻣﻪﻛﺘﻪﭘﻨﯩﯔ ﺗﻪﻳﻴﺎﺭﻟﯩﻘﯩﻨﻰ ﭘﯜﺗﺘﯜﺭﮔﯩﭽﻪ)	ﺋﯩﻨﮕﯩﻠﯩﺰ ﺗﯩﻠﯩﻨﻰ ﻳﺎﺧﺸﻰ ﺋﯚﮔﯩﻨﯩﺶ، ﻣﯘﻣﻜﯩﻦ ﺑﻮﻟﺴﺎ ﺩﯙﻟﻪﺕ ﺋﯩﭽﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭖ ﺋﯩﻨﮕﯩﻠﯩﺰ ﺗﯩﻠﻰ 4 - ﺩﻩﺭﯨﺠﻪ ﺋﯩﻤﺘﯩﻬﺎﻧﻰ (College English Test Band Four, CET-4, 大学英语四级) ﺩﯨﻦ ﺋﯚﺗﯜﭖ ﺑﻮﻟﯘﺵ. (ﺋﯩﻨﮕﯩﻠﯩﺰ ﺗﯩﻠﻰ 4- ﺩﻩﺭﯨﺠﻪ ﯞﻩ 6- ﺩﻩﺭﯨﺠﻪ ‹CET-6› ﺋﯩﻤﺘﯩﻬﺎﻧﻠﯩﺮﯨﻨﻰ ﺑﯧﺮﯨﺶ ﭼﻪﺗﺌﻪﻟﮕﻪ ﭼﯩﻘﯩﺸﻨﯩﯔ ﺋﺎﻟﺪﯨﻨﻘﻰ ﺷﻪﺭﺗﻰ ﺋﻪﻣﻪﺱ، ﺑﯘﻧﻰ ﺋﯚﺯﯨﯖﯩﺰﻧﯩﯔ ﺑﺎﺳﻘﯘﭼﻠﯘﻕ ﻧﯩﺸﺎﻧﻰ ﻗﯩﻠﯩﺶ ﯞﻩ ﺑﯘ ﺋﺎﺭﻗﯩﻠﯩﻖ ﺋﯚﺯﯨﯖﯩﺰﻧﯩﯔ ﻗﺎﻧﭽﯩﻠﯩﻚ ﺋﯩﻠﮕﯩﺮﻟﯩﮕﻪﻧﻠﯩﻜﯩﯖﯩﺰﻧﻰ ﺳﯩﻨﺎﭖ ﺗﯘﺭﯗﺷﻨﯩﯔ ﺳﯩﺰﻧﯩﯔ ﺗﯧﺨﯩﻤﯘ ﻳﺎﺧﺸﻰ ﺋﯚﮔﯩﻨﯩﺸﯩﯖﯩﺰﮔﻪ ﻳﺎﺭﺩﯨﻤﻰ ﻛﯚﭖ ﺑﻮﻟﯩﺪﯗ)
ﺋﺎﻟﯩﻲ ﻣﻪﻛﺘﻪﭘﻨﯩﯔ 1-، 2- ﻳﯩﻠﻠﯩﻘﻠﯩﺮﻯ	ﺋﺎﻣﺎﻝ ﺑﺎﺭ ﺋﯩﻨﮕﯩﻠﯩﺰ ﺗﯩﻠﻰ 4- ﯞﻩ 6- ﺩﻩﺭﯨﺠﻪ ﺋﯩﻤﺘﯩﻬﺎﻧﻠﯩﺮﯨﺪﯨﻦ ﺋﯚﺗﯜﭖ ﺑﻮﻟﯘﺵ. ﻫﻪﺭﻗﺎﻳﺴﻰ ﺩﻩﺭﺳﻠﻪﺭﺩﯨﻦ ﻳﺎﺧﺸﻰ ﻧﻪﺗﯩﺠﻪ ﺋﯧﻠﯩﭗ، GPA ﻧﻰ ﻳﯘﻗﯩﺮﯨﻠﯩﺘﯩﺸﻘﺎ ﺗﯩﺮﯨﺸﯩﺶ (ﺋﺎﻟﺪﯨﺪﺍ ﺋﯧﻴﺘﯩﭗ ﺋﯚﺗﻜﯩﻨﯩﻤﺪﻩﻙ، ﺋﺎﻟﯩﻲ ﻣﻪﻛﺘﻪﭖ ﺟﻪﺭﻳﺎﻧﯩﺪﯨﻜﻰ ﺋﻮﺗﺘﯘﺭﯨﭽﻪ ﻧﻪﺗﯩﺠﻪ ﺋﯩﻨﺘﺎﻳﯩﻦ ﻣﯘﻫﯩﻢ).
ﺋﺎﻟﯩﻲ ﻣﻪﻛﺘﻪﭘﻨﯩﯔ 2-، 3- ﻳﯩﻠﻠﯩﻘﻠﯩﺮﻯ	ﻫﻪﺭﻗﺎﻳﺴﻰ ﺩﻩﺭﺳﻠﻪﺭﺩﯨﻦ ﻳﺎﺧﺸﻰ ﻧﻪﺗﯩﺠﻪ ﺋﯧﻠﯩﺶ ﺑﯩﻠﻪﻥ ﺑﯩﺮﮔﻪ، TOEFL/GRE ﺋﯩﻤﺘﯩﻬﺎﻧﻠﯩﺮﯨﻐﺎ ﺗﻪﻳﻴﺎﺭﻟﯩﻖ ﻗﯩﻠﯩﺶ. GRE ﯞﻩ TOEFL ﺋﯩﻜﻜﯩﺴﯩﺪﯨﻦ ﺋﺎﯞﺍﻝ GRE ﻧﻰ ﺑﯧﺮﯨﭗ ﺋﺎﻧﺪﯨﻦ TOEFL ﻧﻰ ﺑﯧﺮﯨﺸﻨﻰ ﺗﻪﺷﻪﺑﺒﯘﺱ ﻗﯩﻠﯩﻤﻪﻥ. ﭼﯜﻧﻜﻰ GRE ﻧﯩﯔ ﺳﯚﺯﻟﯜﻛﻠﯩﺮﯨﻨﻰ ﺋﯚﮔﯩﻨﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ، TOEFL ﻧﻰ ﺑﯧﺮﯨﺶ ﻛﯚﭖ ﺋﺎﺳﺎﻧﻠﯩﺸﯩﺪﯗ. ﺑﯘ ﺋﯩﻜﻜﻰ ﺋﯩﻤﺘﯩﻬﺎﻧﻼﺭﻧﻰ ﺋﻪﯓ ﻛﯧﭽﯩﻜﻜﻪﻧﺪﯨﻤﯘ ﺋﺎﻟﯩﻲ ﻣﻪﻛﺘﻪﭘﻨﯩﯔ 4- ﻳﯩﻠﻠﯩﻘﯩﻨﯩﯔ 1- ﻣﻪﯞﺳﯘﻣﯩﺪﯨﻜﻰ 11- ﺋﺎﻳﺪﯨﻦ ﺑﯘﺭﯗﻥ ﺗﯜﮔﯩﺘﯩﭗ ﺑﻮﻟﯘﺵ. ﺋﻪﮔﻪﺭ 11- ﺋﺎﻳﺪﯨﻦ ﻛﯧﻴﯩﻦ ﻗﺎﻟﺴﺎ ﺋﺎﻟﯩﻲ ﻣﻪﻛﺘﻪﭘﻨﻰ ﺗﯜﮔﯩﺘﯩﭗ ﺑﻮﻟﻐﺎﻥ ﻳﯩﻠﯩﻼ ﺋﺎﻣﯧﺮﯨﻜﯩﻐﺎ ﭼﯩﻘﯩﺶ ﻣﯘﻣﻜﯩﻦ ﺑﻮﻟﻤﺎﻱ ﻗﺎﻟﯩﺪﯗ. ﺑﯩﺮ ﻳﯩﻞ ﻛﻪﻳﻨﯩﮕﻪ ﺳﯜﺭﯛﻟﯜﭖ ﻛﯧﺘﯩﺪﯨﻐﺎﻥ ﮔﻪﭖ. (ﺋﻪﻟﯟﻩﺗﺘﻪ ﺑﻪﺯﯨﺪﻩ ﺑﯩﺮ ﻗﺎﻧﭽﻪ ﻳﯩﻞ ﻛﻪﻳﻨﯩﮕﻪ ﺳﯜﺭﯛﻟﯜﭖ ﻛﻪﺗﺴﯩﻤﯘ ﻣﻪﻳﻠﻰ ﺩﻩﻳﺪﯨﻐﺎﻧﻼﺭ ﻛﯚﭖ ﺑﻮﻟﯘﺷﻰ ﻣﯘﻣﻜﯩﻦ.)
ﺋﺎﻟﯩﻲ ﻣﻪﻛﺘﻪﭘﻨﯩﯔ 4- ﻳﯩﻠﻠﯩﻘﻰ 1- ﻣﻪﯞﺳﯘﻣﯩﺪﯨﻜﻰ 11- ﺋﺎﻳﺪﯨﻦ ﺑﯘﺭﯗﻥ	ﻣﻪﻛﺘﻪﭖ ﺗﺎﻟﻼﺵ ﯞﻩ ﻫﻪﺭﻗﺎﻳﺴﻰ ﻣﻪﻛﺘﻪﭘﻠﻪﺭﮔﻪ ﺋﻪﯞﻩﺗﺪﯨﻐﺎﻥ ﺋﯩﻠﺘﯩﻤﺎﺱ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺗﻪﻳﻴﺎﺭﻻﭖ ﺗﻪﻕ ﻗﯩﻠﯩﺶ. ﺑﯘ ﻣﺎﺗﯧﺮﯨﻴﺎﻟﻼﺭ ﺳﯩﺰ ﺋﻮﻗﯘﯞﺍﺗﻘﺎﻥ ﺋﺎﻟﯩﻲ ﻣﻪﻛﺘﻪﭖ ﺗﻪﺭﯨﭙﯩﺪﯨﻦ ﭼﯩﻘﯩﺮﯨﭗ ﺑﯧﺮﯨﻠﯩﺪﯨﻐﺎﻥ ﻧﻪﺗﯩﺠﻪ ﺟﻪﺩﯨﯟﯨﻠﻰ (Transcript)، ﺷﻪﺧﺴﯩﻲ ﺑﺎﻳﺎﻧﺎﺕ (Personal Statement)، ﺋﯜﭺ ﭘﺎﺭﭼﻪ ﺗﻪﯞﺳﯩﻴﻪ ﺧﯧﺘﻰ (Recommendation Letters)، ﻗﯩﺴﻘﯩﭽﻪ ﺗﻪﺭﺟﯩﻤﯩﻬﺎﻝ (Resume/CV)، TOEFL ﯞﻩ GRE ﻧﻪﺗﯩﺠﻪ ﻗﻪﻏﯩﺰﻯ، ﺩﯨﭙﻠﻮﻡ ﯞﻩ ﺑﺎﻛﻼﯞﯗﺭﻟﯘﻕ ﺋﯘﻧﯟﺍﻧﻰ ﺗﻮﻏﺮﯨﺴﯩﺪﯨﻜﻰ ﺋﯩﺴﭙﺎﺕ ﺧﯧﺘﻰ (Proof of Degree and Diploma) (ﺗﯧﺨﻰ ﺋﻮﻗﯘﺵ ﭘﯜﺗﺘﯜﺭﻣﯩﮕﻪﻧﻠﻪﺭﮔﻪ ﻗﺎﺭﯨﺘﺎ ﻫﻪﺭﻗﺎﻳﺴﻰ ﻣﻪﻛﺘﻪﭘﻠﻪﺭﻧﯩﯔ ﭼﯩﻘﯩﺮﯨﭗ ﺑﯧﺮﯨﺪﯨﻐﺎﻥ ﺑﯩﺮ ﺧﯩﻞ ﺋﯩﺴﭙﺎﺕ ﺧﯧﺘﻰ ﺑﻮﻟﯩﺪﯗ)، ﺋﺎﻣﯧﺮﯨﻜﯩﺪﯨﻜﻰ ﻣﻪﻛﺘﻪﭖ ﺗﻪﻟﻪﭖ ﻗﯩﻠﻐﺎﻥ ﺋﯩﻠﺘﯩﻤﺎﺱ ﺟﻪﺩﯨﯟﻩﻟﻠﯩﺮﻯ ﯞﻩ ﺑﺎﺷﻘﺎ ﻻﺯﯨﻤﻠﯩﻖ ﻣﺎﺗﯧﺮﯨﻴﺎﻟﻼﺭﻧﻰ ﻛﯚﺭﺳﯩﺘﯩﺪﯗ.
ﺋﺎﻟﯩﻲ ﻣﻪﻛﺘﻪﭘﻨﯩﯔ 4-ﻳﯩﻠﻠﯩﻘﻰ 1- ﻣﻪﯞﺳﯘﻣﯩﺪﯨﻜﻰ 11-، 12-، ﯞﻩ 1- ﺋﺎﻳﻼﺭ	ﺋﯩﻠﺘﯩﻤﺎﺱ ﻣﺎﺗﯧﺮﯨﻴﺎﻟﻠﯩﺮﯨﻨﻰ ﺋﺎﻣﯧﺮﯨﻜﯩﺪﯨﻜﻰ ﺋﯚﺯﯨﯖﯩﺰ ﺗﺎﻟﻠﯩﻐﺎﻥ ﻫﻪﺭﻗﺎﻳﺴﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﮔﻪ ﺋﻪﯞﻩﺗﯩﺶ. ﻳﻪﻧﻪ ﺑﻪﺯﻯ ﻣﺎﺗﯧﺮﯨﻴﺎﻟﻼﺭﻧﻰ ﺋﯩﻨﺘﯧﺮﻧﯧﺖ (Internet) ﺗﻮﺭﻯ ﺋﺎﺭﻗﯩﻠﯩﻖ ﺗﻮﻟﺪﯗﺭﯗﺵ ﻳﺎﻛﻰ ﺋﻪﯞﻩﺗﯩﺶ.
ﺋﺎﻟﯩﻲ ﻣﻪﻛﺘﻪﭘﻨﯩﯔ 4- ﻳﯩﻠﻠﯩﻘﻰ، 1- ﺋﺎﻳﺪﯨﻦ 4- ﺋﺎﻳﻐﯩﭽﻪ	ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﻗﻮﺑﯘﻝ ﻗﯩﻠﯩﺶ ﺧﯧﺘﯩﻨﻰ ﺳﺎﻗﻼﺵ. ﻻﺯﯨﻢ ﺑﻮﻟﻐﺎﻧﺪﺍ ﺋﯘﻻﺭ ﺑﯩﻠﻪﻥ ﺋﺎﻻﻗﻪ ﻗﯩﻠﯩﺶ، ﺋﻪﮔﻪﺭ ﺋﯘﻻﺭ ﺑﯘ ﺟﻪﺭﻳﺎﻧﺪﺍ ﺑﯩﺮﻩﺭ ﻣﺎﺗﯧﺮﯨﻴﺎﻝ ﺗﻪﻟﻪﭖ ﻗﯩﻠﺴﺎ ﯞﺍﻗﺘﯩﺪﺍ ﺗﻪﻳﻴﺎﺭﻻﭖ ﺋﻪﯞﻩﺗﯩﺶ. ﻻﺯﯨﻢ ﺑﻮﻟﻐﺎﻧﺪﺍ ﺋﺎﻣﯧﺮﯨﻜﯩﺪﯨﻜﻰ ﺳﯩﺰ ﺑﺎﺭﻣﺎﻗﭽﻰ ﺑﻮﻟﻐﺎﻥ ﻓﺎﻛﯘﻟﺘﯧﺘﺘﯩﻜﻰ ﭘﺮﺍﻓﯩﺴﯘﺭﻻﺭ ﺑﯩﻠﻪﻥ ﺋﯧﻠﯩﺨﻪﺕ ﺋﺎﻻﻗﻪ ﻗﯩﻠﯩﺶ.
ﺋﺎﻟﯩﻲ ﻣﻪﻛﺘﻪﭘﻨﯩﯔ 4- ﻳﯩﻠﻠﯩﻘﻰ، 3-، 4- ﺋﺎﻳﻼﺭ	ﺋﺎﺩﻩﺗﺘﻪ ﺑﯘ ﻣﻪﺯﮔﯩﻠﺪﻩ ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﻗﻮﺑﯘﻝ ﻗﯩﻠﯩﺶ ﺧﯧﺘﻰ (ﻳﺎﻛﻰ ﭼﺎﻗﯩﺮﯨﻖ) ﻧﻰ ﺗﺎﭘﺸﯘﺭﯗﭖ ﺋﯧﻠﯩﺸﯩﯖﯩﺰ ﻣﯘﻣﻜﯩﻦ. ﺋﯩﻘﺘﯩﺴﺎﺩﻯ ﺟﻪﻫﻪﺗﺘﯩﻦ ﻳﺎﺭﺩﻩﻣﮕﻪ ﺋﯧﺮﯨﺸﻜﻪﻥ - ﺋﯧﺮﯨﺸﻪﻟﻤﯩﮕﻪﻧﻠﯩﻜﯩﯖﯩﺰﻣﯘ ﻣﯘﺷﯘ ﺟﻪﺭﻳﺎﻧﺪﺍ ﺋﯧﻨﯩﻖ ﺑﻮﻟﯩﺪﯗ. ﺑﻪﺯﯨﺪﻩ ﭼﺎﻗﯩﺮﯨﻘﻼﺭ ﻧﺎﻫﺎﻳﯩﺘﻰ ﻛﯧﭽﯩﻜﯩﭗ ﻛﯧﻠﯩﭗ ﻗﯧﻠﯩﺸﯩﻤﯘ ﻣﯘﻣﻜﯩﻦ (ﻣﺎﯕﺎ ﺑﯩﺮ ﭼﺎﻗﯩﺮﯨﻖ 6-ﺋﺎﻳﺪﺍ ﺋﺎﺭﺍﻥ ﻛﻪﻟﮕﻪﻥ، ﺋﯘ ﭼﺎﻏﺪﺍ ﻣﻪﻥ ﯞﯨﺰﯨﻨﯩﻤﯘ ﺋﯧﻠﯩﭗ ﺑﻮﻟﻐﺎﻥ ﺋﯩﺪﯨﻢ). ﺋﺎﺩﻩﺗﺘﻪ ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭ ﻛﯧﯖﯩﺸﻰ (Council of Graduate Schools) ﻧﯩﯔ ﻗﺎﺭﺍﺭﻯ ﺑﻮﻳﯩﭽﻪ، ﺑﯩﺮ ﺋﻮﻗﯘﻏﯘﭼﻰ 15-ﺋﺎﭘﺮﯦﻠﺪﯨﻦ ﺑﯘﺭﯗﻥ ﺋﯚﺯﯨﻨﯩﯔ ﺑﯩﺮ ﻣﻪﻛﺘﻪﭘﻨﯩﯔ ﭼﺎﻗﯩﺮﯨﻐﯩﻨﻰ ﻗﻮﺑﯘﻝ ﻗﯩﻠﻐﺎﻧﻠﯩﻖ ﻗﺎﺭﺍﺭﯨﻨﻰ ﺋﯚﺯﮔﻪﺭﺗﺴﻪ ﺑﻮﻟﯩﺪﯗ، 15- ﺋﺎﭘﺮﯦﻠﺪﯨﻦ ﻛﯧﻴﯩﻦ ﺋﯚﺯﮔﻪﺭﺗﯩﺸﻜﻪ ﺑﻮﻟﻤﺎﻳﺪﯗ. ﺷﯘﯕﺎ ﺑﯘ ﻗﺎﺭﺍﺭ «15-ﺋﺎﭘﺮﯦﻞ ﻛﯧﻠﯩﺸﯩﻤﻰ» ﺩﻩﭘﻤﯘ ﺋﺎﺗﯩﻠﯩﺪﯗ. ﺑﯘ ﻛﯧﻠﯩﺸﯩﻤﻨﯩﯔ ﺭﻭﻫﯩﻐﺎ ﺋﺎﺳﺎﺳﻪﻥ ﻛﯚﭖ ﻗﯩﺴﯩﻢ ﺋﺎﻟﯩﻲ ﻣﻪﻛﺘﻪﭘﻠﻪﺭ 15-ﺋﺎﭘﺮﯦﻠﺪﯨﻦ ﺑﯘﺭﯗﻥ ﭼﺎﻗﯩﺮﯨﻖ ﺋﻪﯞﻩﺭﺗﯩﭗ ﺑﻮﻟﯘﺷﻘﺎ ﺗﯩﺮﯨﺸﯩﺪﯗ، ﻟﯧﻜﯩﻦ ﭼﻮﻗﯘﻡ ﺷﯘﻧﺪﺍﻕ ﻗﯩﻠﯩﺶ ﻣﻪﺟﺒﯘﺭﯨﻴﻪﺕ ﺋﻪﻣﻪﺱ. ﺷﯘﯕﺎ ﺑﻪﺯﯨﺪﻩ 5-، 6- ﺋﺎﻳﻼﺭﺩﯨﻤﯘ ﭼﺎﻗﯩﺮﯨﻖ ﻛﯧﻠﯩﭗ ﻗﺎﻟﯩﺪﯨﻐﺎﻥ ﺋﻪﻫﯟﺍﻟﻼﺭ ﺧﯧﻠﻰ ﻛﯚﭖ.
ﺋﺎﻟﯩﻲ ﻣﻪﻛﺘﻪﭘﻨﯩﯔ 4- ﻳﯩﻠﻠﯩﻘﻰ، 4-، 5- ﺋﺎﻳﻼﺭ	ﭼﺎﻗﯩﺮﯨﻘﻨﻰ ﺋﯧﻠﯩﭗ ﯞﻩ ﺋﯘﻧﻰ ﻗﻮﺑﯘﻝ ﻗﯩﻠﯩﭗ ﺑﻮﻟﻐﺎﻧﺪﯨﻦ ﻛﯧﯩﻴﻦ، ﺩﻩﺭﻫﺎﻝ ﭘﺎﺳﭙﻮﺭﺕ ﺑﯧﺠﯩﺮﯨﺸﻨﻰ ﺑﺎﺷﻠﯩﺴﯩﯖﯩﺰ ﺑﻮﻟﯩﺪﯗ. ﺋﻪﮔﻪﺭ ﺳﯩﺰ ﺗﯘﺭﯗﺷﻠﯘﻕ ﺟﺎﻳﻨﯩﯔ ﭘﺎﺳﭙﻮﺭﺕ ﻫﻪﻝ ﻗﯩﻠﯩﺶ ﺳﯜﺭﺋﯩﺘﻰ ﺋﺎﺳﺘﯩﺮﺍﻕ ﺑﻮﻟﺴﺎ، ﺋﻪﻫﯟﺍﻟﻐﺎ ﻗﺎﺭﺍﭖ ﭘﺎﺳﭙﻮﺭﺗﻨﻰ ﺑﺎﻟﺪﯗﺭﺭﺍﻕ ﻫﻪﻝ ﻗﯩﻠﯩﺸﻘﺎ ﺑﺎﺷﻠﯩﻐﺎﻥ ﻳﺎﺧﺸﯩﺮﺍﻕ. ﻟﯧﻜﯩﻦ ﺑﻪﺯﯨﺪﻩ ﭼﺎﻗﯩﺮﯨﻘﻨﻰ ﺋﺎﻟﻤﺎﻱ ﺗﯘﺭﯗﭖ ﭘﺎﺳﭙﻮﺭﺕ ﻫﻪﻝ ﻗﯩﻠﯩﺶ ﻗﯩﻴﯩﻨﺮﺍﻕ ﺑﻮﻟﯩﺪﯗ، ﭼﯜﻧﻜﻰ ﭘﺎﺳﭙﻮﺭﺕ ﺑﯧﺠﯩﺮﮔﻪﻧﺪﻩ ﭼﯩﻘﻤﺎﻗﭽﻰ ﺑﻮﻟﻐﺎﻥ ﺩﯙﻟﻪﺕ ﯞﻩ ﻣﯘﺩﺩﯨﺌﺎﺳﻰ ﺩﯦﮕﻪﻧﺪﻩﻙ ﻛﺎﺗﻪﻛﭽﯩﻠﻪﺭﻧﻰ ﺗﻮﻟﺪﯗﺭﯨﺪﯨﻐﺎﻥ ﺑﻮﻟﯘﭖ، ﺋﻪﮔﻪﺭ ﺳﯩﺰ ﻣﯘﺩﺩﯨﺌﺎﺳﻰ ﺩﯦﮕﻪﻥ ﻛﺎﺗﻪﻛﭽﯩﮕﻪ "ﺋﻮﻗﯘﺵ" ﺩﻩﭖ ﻳﺎﺯﺳﯩﯖﯩﺰ ﺋﯘ ﭼﺎﻏﺪﺍ ﺳﯩﺰﺩﯨﻦ ﻣﻪﻛﺘﻪﭘﻨﯩﯔ ﭼﺎﻗﯩﺮﯨﻘﯩﻨﻰ ﻛﯚﺭﺳﯩﺘﯩﺸﻨﻰ ﻳﺎﻛﻰ ﭼﺎﻗﯩﺮﯨﻘﻨﯩﯔ ﻛﻮﭘﻴﻪﺳﯩﻨﻰ ﺗﺎﭘﺸﯘﺭﯗﺷﻨﻰ ﺗﻪﻟﻪﭖ ﻗﯩﻠﯩﺸﻰ ﻣﯘﻣﻜﯩﻦ.
5-، 6-، 7- ﺋﺎﻳﻼﺭ	ﺋﺎﻣﯧﺮﯨﻜﺎ ﺋﻪﻟﭽﯩﺨﺎﻧﯩﺴﯩﺪﯨﻦ ﯞﯨﺰﺍ ﺋﯧﻠﯩﺶ.
7-، 8- ﺋﺎﻳﻼﺭ	ﺳﻪﭘﻪﺭ ﺗﻪﻳﻴﺎﺭﻟﯩﻘﻰ.
8-، 9- ﺋﺎﻳﻼﺭ	ﺋﺎﻣﯧﺮﯨﻜﯩﻐﺎ ﻛﯧﻠﯩﺶ.

<ﻣﯘﻫﯩﻢ ﻧﯘﻗﺘﯩﻼﺭﻏﺎ ﻗﺎﻳﺘﯩﺶ>