ﻛﯩﺮﯨﺶ ﺳﯚﺯ
ﺋﻪﺳﺴﺎﻻﻡ ﺗﻮﺭﺩﺍﺷﻼﺭ! ﺋﯩﺴﺘﯩﻘﺒﺎﻝ ﺗﻮﺭ ﺑﯧﺘﯩﮕﻪ ﻗﻪﺩﻩﻡ ﺗﻪﺷﺮﯨﭗ ﻗﯩﻠﻐﯩﻨﯩﯖﻼﺭﻧﻰ ﻗﺎﺭﺷﻰ ﺋﺎﻟﯩﻤﯩﺰ!
ﺋﯘﺯﯗﻧﺪﯨﻦ ﺑﯧﺮﻯ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﯩﯔ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺷﯩﻐﺎ ﻳﺎﺭﺩﯨﻤﻰ ﺗﯧﮕﯩﺪﯨﻐﺎﻥ ﺋﯘﻳﻐﯘﺭ ﻳﯧﺰﯨﻘﯩﺪﯨﻜﻰ ﺑﯩﺮ ﺗﻮﺭ ﺑﻪﺕ ﻗﯘﺭﯗﺵ ﺧﯩﻴﺎﻟﯩﺪﺍ ﺑﻮﻟﻐﺎﻥ ﺑﻮﻟﺴﺎﻣﻤﯘ، ﻟﯧﻜﯩﻦ ﺋﯚﺯﻩﻣﻨﯩﯔ ﺋﯚﮔﯩﻨﯩﺶ ﯞﻩ ﺑﺎﺷﻘﺎ ﭘﯩﻼﻧﻠﯩﺮﯨﻢ ﺑﯩﻠﻪﻥ ﺋﺎﻟﺪﯨﺮﺍﺵ ﺑﻮﻟﯘﭖ ﻛﯧﺘﯩﯟﺍﺗﻘﺎﻧﻠﯩﻘﯩﻤﻨﻰ ﺑﺎﻫﺎﻧﻪ ﻗﯩﻠﯩﭗ ﺑﯘ ﺋﯩﺸﻨﻰ ﻛﻪﻳﻨﯩﮕﻪ ﺳﯜﺭﯛﭖ ﻛﻪﻟﮕﻪﻥ ﺋﯩﺪﯨﻢ. ﺑﯩﺮ ﻧﻪﭼﭽﻪ ﺋﺎﻱ ﺋﯩﻠﮕﯩﺮﻯ ﻗﻪﺗﺌﯩﻲ ﻧﯩﻴﻪﺗﻜﻪ ﻛﯧﻠﯩﭗ ﺋﯚﺯﻩﻣﻨﯩﯔ ﺑﺎﺷﻘﺎ ﺋﯩﺸﻠﯩﺮﯨﻤﻨﯩﻤﯘ ﺳﻪﻝ ﺑﯩﺮ ﭼﻪﺗﻜﻪ ﻗﺎﻳﺮﯨﭗ ﻗﻮﻳﯘﭖ، ﺑﯘ ﺗﻮﺭ ﺑﻪﺗﻨﻰ ﺑﯩﺮ ﺑﺎﺷﻘﺎ ﺋﯧﻠﯩﭗ ﭼﯩﻘﯩﺸﻘﺎ ﻛﯩﺮﯨﺸﺘﯩﻢ. ﺷﯘﻧﺪﺍﻕ ﻗﯩﻠﯩﭗ ﻣﺎﻧﺎ ﺳﯩﺰ ﻛﯚﺭﯛﭖ ﺗﯘﺭﻏﺎﻥ ﺋﯘﺷﺒﯘ ﺗﻮﺭ ﺑﻪﺗﻨﻰ ﻳﺎﺳﺎﭖ ﭼﯩﻘﯩﭗ، ﭼﻪﺗﺌﻪﻟﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﮔﻪ ﭼﯩﻘﯩﭗ ﺋﻮﻗﯘﺷﺘﻪﻙ ﮔﯜﺯﻩﻝ ﺋﺎﺭﺯﯗ - ﺋﺎﺭﻣﺎﻧﻼﺭﻧﻰ ﻛﯚﯕﻠﯩﮕﻪ ﭘﯜﻛﻜﻪﻥ ﺑﺎﺭﻟﯩﻖ ﺋﯘﻳﻐﯘﺭ ﺋﻮﻗﯘﻏﯘﭼﯩﻠﯩﺮﯨﻤﯩﺰﻏﺎ ﺗﻪﻗﺪﯨﻢ ﻗﯩﻠﺪﯨﻢ.
ﺑﯘ ﺗﻮﺭ ﺑﻪﺗﻨﻰ ﻗﯘﺭﯗﺷﺘﺎ ﺋﺎﺳﺎﺳﻠﯩﻘﻰ ﯞﻩﺗﻪﻧﺪﯨﻜﻰ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﭼﻪﺗﺌﻪﻟﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﮔﻪ ﭼﯩﻘﯩﭗ ﺋﻮﻗﯘﺵ ﺗﻮﻏﺮﯨﺴﯩﺪﯨﻜﻰ ﺑﯩﻠﯩﻤﻠﻪﺭ ﺑﯩﻠﻪﻥ ﺗﻪﻣﯩﻨﻠﻪﺵ، ﺋﯚﺯ ﻛﯜﭼﯩﮕﻪ ﺗﺎﻳﯩﻨﯩﭗ ﭼﻪﺗﺌﻪﻟﻠﻪﺭﮔﻪ ﭼﯩﻘﯩﭗ ﺋﻮﻗﯘﭖ ﺋﯚﺯ ﻣﯘﺭﺍﺩ - ﻣﻪﻗﺴﻪﺗﻠﯩﺮﯨﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﯞﺍﺗﻘﺎﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﯩﯔ ﺋﻪﻣﻪﻟﯩﻴﯩﺘﻰ ﺑﯩﻠﻪﻥ ﺗﻮﻧﯘﺷﺘﯘﺭﯗﺵ، ﯞﻩ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺵ ﺗﻮﻏﺮﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺗﯧﻤﯩﻼﺭ ﺋﯜﺳﺘﯩﺪﻩ ﻣﯘﻧﺎﺯﯨﺮﻩ ﻳﯜﺭﮔﯜﺯﯛﺷﻜﻪ ﺑﻮﻟﯩﺪﯨﻐﺎﻥ ﺑﯩﺮ ﻣﯘﻧﺒﻪﺭ ﺑﯩﻠﻪﻥ ﺗﻪﻣﯩﻨﻠﻪﺵ ﻗﺎﺗﺎﺭﻟﯩﻘﯩﻼﺭ ﻣﻪﻗﺴﻪﺕ ﻗﯩﻠﯩﻨﻐﺎﻥ. ﺋﻪﮔﻪﺭ ﺑﯘ ﺗﻮﺭ ﺑﯧﻜﻪﺗﺘﯩﻜﻰ ﻣﻪﺯﻣﯘﻧﻼﺭﺩﯨﻦ ﻗﺎﻧﺪﺍﻕ ﻗﯩﻠﯩﭗ ﻳﺎﺧﺸﻰ ﭘﺎﻳﺪﯨﻠﯩﻨﯩﺸﻨﻰ ﯞﻩ ﺋﯩﺸﻠﯩﺘﯩﺶ ﺟﻪﺭﻳﺎﻧﯩﺪﺍ ﻳﻮﻟﯘﻗﻘﺎﻥ ﻣﻪﺳﯩﻠﯩﻠﻪﺭﻧﻰ ﻗﺎﻧﺪﺍﻕ ﻗﯩﻠﯩﭗ ﻫﻪﻝ ﻗﯩﻠﯩﺸﻨﻰ ﺑﯩﻠﻤﻪﻛﭽﻰ ﺑﻮﻟﺴﯩﯖﯩﺰ، ﻳﺎﺭﺩﻩﻡ ﻧﻰ ﭼﯧﻜﯩﭗ ﻛﯩﺮﯨﭗ ﺋﯘ ﺑﻪﺗﺘﯩﻜﻰ ﻣﻪﺯﻣﯘﻧﻼﺭﻧﻰ ﺋﻮﻗﯘﯓ.
ﺩﻩﺳﻠﻪﭘﻜﻰ ﻗﻪﺩﻩﻣﺪﻩ ﺗﻮﺭ ﺑﻪﺗﺘﻪ ﭘﻪﻗﻪﺕ ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﮔﻪ ﭼﯩﻘﯩﭗ ﺋﻮﻗﯘﺵ ﺗﻮﻏﺮﯨﺴﯩﺪﯨﻜﻰ ﺋﯘﭼﯘﺭﻻﺭﻻ ﺗﻪﻣﯩﻨﻠﻪﻧﺪﻯ. ﻣﯧﻨﯩﯔ ﺋﺎﺭﺯﯗﻳﯘﻡ ﺑﻮﻳﯩﭽﻪ ﺑﻮﻟﺴﺎ، ﺑﺎﺷﻘﺎ ﺩﯙﻟﻪﺗﻠﻪﺭﺩﻩ ﺋﻮﻗﯘﯞﺍﺗﻘﺎﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻣﯘ ﺋﺎﺯ - ﺗﻮﻻ ﯞﺍﻗﯩﺖ ﭼﯩﻘﯩﺮﯨﭗ ﺷﯘ ﺩﯙﻟﻪﺗﻠﻪﺭﮔﻪ ﭼﯩﻘﯩﭗ ﺋﻮﻗﯘﺵ ﺗﻮﻏﺮﯨﺴﯩﺪﯨﻜﻰ ﺋﯘﭼﯘﺭﻻﺭﻧﻰ ﺗﻪﻣﯩﻨﻠﯩﺴﻪ، ﺷﯘ ﺋﺎﺭﻗﯩﻠﯩﻖ ﺑﯘ ﺗﻮﺭ ﺑﻪﺗﻨﯩﯔ ﻣﻪﺯﻣﯘﻧﯩﻨﻰ ﺗﯧﺨﯩﻤﯘ ﺑﯧﻴﯩﺘﺴﺎﻕ ﺩﯦﮕﻪﻥ ﺋﯜﻣﯩﺪﺗﯩﻤﻪﻥ. ﺋﻪﮔﻪﺭ ﺑﯘ ﺟﻪﻫﻪﺗﺘﻪ ﻫﻪﻣﻜﺎﺭﻟﯩﺸﯩﺸﻘﺎ ﻗﯩﺰﯨﻘﻘﺎﻧﻼﺭ ﺑﻮﻟﺴﺎ، ﺩﻩﺭﻫﺎﻝ ﻣﻪﻥ ﺑﯩﻠﻪﻥ ﺋﺎﻻﻗﻪ ﻗﯩﻠﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ. ﻫﯧﭽﺒﻮﻟﻤﯩﻐﺎﻧﺪﺍ ﺑﯘ ﺗﻮﺭ ﺑﻪﺗﻨﯩﯔ ﭼﻪﺗﺌﻪﻟﻠﻪﺭﺩﯨﻜﻰ ﺑﺎﺷﻘﺎ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻏﺎ ﺑﯩﺮ ﺋﯩﻠﻬﺎﻡ ﺑﻮﻟﯘﭖ، ﺋﯘﻻﺭﻧﯩﯖﻤﯘ ﺋﯚﺯﻯ ﺗﯘﺭﻏﺎﻥ ﺩﯙﻟﻪﺗﻠﻪﺭﮔﻪ ﭼﯩﻘﯩﭗ ﺋﻮﻗﯘﺵ ﺗﻮﻏﺮﯨﺴﯩﺪﺍ ﺗﻮﺭ ﺑﻪﺗﻠﻪﺭﻧﻰ ﺗﯜﺯﯛﭖ ﭼﯩﻘﯩﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ.
ﺑﻪﻟﻜﯩﻢ ﺩﯨﻘﻘﻪﺕ ﻗﯩﻠﻐﺎﻧﺴﯩﺰ، ﺑﯘ ﺗﻮﺭ ﺑﻪﺗﻨﯩﯔ ﺑﻪﻟﮕﯩﺴﻰ ﺗﯚﺕ ﺑﻪﺭﮔﯩﻠﯩﻚ ﺑﯧﺪﻩ. ﺭﯨﯟﺍﻳﻪﺗﻠﻪﺭﺩﻩ ﺗﯚﺕ ﺑﻪﺭﮔﯩﻠﯩﻚ ﺑﯧﺪﯨﻨﯩﯔ ﻫﻪﺭ ﺑﯩﺮ ﺑﻪﺭﮔﻰ ﺗﯚﯞﻩﻧﺪﯨﻜﯩﻠﻪﺭﮔﻪ ﯞﻩﻛﯩﻠﻠﯩﻚ ﻗﯩﻠﯩﻨﻐﺎﻥ: ﺑﯩﺮﯨﻨﭽﻰ ﺑﻪﺭﮔﻰ ﺋﯜﻣﯩﺪﯞﺍﺭﻟﯩﻖ، ﺋﯩﻜﻜﯩﻨﭽﻰ ﺑﻪﺭﮔﻰ ﺋﯩﺸﻪﻧﭻ ﯞﻩ ﺋﯧﺘﯩﻘﺎﺩ، ﺋﯜﭼﯩﻨﭽﻰ ﺑﻪﺭﮔﻰ ﻣﯘﻫﻪﺑﺒﻪﺕ، ﺗﯚﺗﯩﻨﭽﻰ ﺑﻪﺭﮔﻰ ﺑﻪﺧﺖ - ﺗﻪﻟﻪﻱ. ﻣﻪﻥ ﺑﯘ ﺗﯚﺕ ﺧﯩﻞ ﻧﻪﺭﺳﯩﻨﻰ ﺗﯘﺭﻣﯘﺷﺘﺎ، ﺑﻮﻟﯘﭘﻤﯘ ﺑﯩﺰﺩﻩﻙ ﺋﻮﻗﯘﻏﯘﭼﯩﻼﺭﻧﯩﯔ ﭼﻪﺗﺌﻪﻟﮕﻪ ﭼﯩﻘﯩﭗ ﺋﻮﻗﯘﺵ ﺋﯜﭼﯜﻥ ﻛﯜﺭﻩﺵ ﻗﯩﻠﯩﺸﻰ ﺟﻪﺭﻳﺎﻧﯩﺪﺍ ﻧﺎﻫﺎﻳﯩﺘﻰ ﻣﯘﻫﯩﻢ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺋﺎﻣﯩﻠﻼﺭﺩﯨﻦ ﺩﻩﭖ ﻗﺎﺭﺍﻳﻤﻪﻥ. ﺑﯘﻧﯩﯔ ﺋﯩﭽﯩﺪﯨﻜﻰ ﻣﯘﻫﻪﺑﺒﻪﺕ ﺑﻪﻟﻜﯩﻢ ﺑﻪﺯﯨﻠﻪﺭﮔﻪ ﺳﻪﻝ ﺋﺎﺑﯩﺴﺘﺮﺍﻛﺖ ﭼﯜﺷﻪﻧﭽﻪ ﺑﯧﺮﯨﺸﻰ ﻣﯘﻣﻜﯩﻦ، ﺷﯘﯕﺎ ﺑﯘ ﻳﻪﺭﺩﻩ ﺑﯩﺮ ﺋﯧﻐﯩﺰ ﭼﯜﺷﻪﻧﭽﻪ ﺑﯧﺮﯨﭗ ﺋﯚﺗﯜﺷﻨﻰ ﻻﻳﯩﻖ ﺗﺎﭘﺘﯩﻢ. ﺑﯘ ﻣﯘﻫﻪﺑﺒﻪﺕ ﻣﯧﻨﯩﯖﭽﻪ، ﺑﯩﺮﯨﻨﯩﯔ ﺋﯚﺯ ﻣﯩﻠﻠﯩﺘﯩﮕﻪ ﯞﻩ ﻳﯘﺭﺗﯩﻐﺎ ﺑﻮﻟﻐﺎﻥ ﻣﯘﻫﻪﺑﺒﯩﺘﻰ، ﺧﻪﻟﻘﯩﮕﻪ ﻗﻮﻟﯩﺪﯨﻦ ﻛﻪﻟﮕﻪﻧﻠﯩﻜﻰ ﻳﺎﺧﺸﻰ ﺋﯩﺸﻼﺭﻧﻰ ﻗﯩﻠﯩﭗ ﺑﯧﺮﯨﺸﻜﻪ ﺑﻮﻟﻐﺎﻥ ﻗﺎﻳﻨﺎﻕ ﻫﯧﺴﯩﻴﺎﺗﻰ. ﺷﯘﯕﺎ ﺑﺎﺭﻟﯩﻖ ﻣﯘﺷﯘ ﻛﯜﺭﻩﺷﻜﻪ ﺋﺎﺗﻼﻧﻐﺎﻥ ﻗﻪﻳﺴﻪﺭ ﻳﺎﺷﻠﯩﺮﯨﻤﯩﺰﻏﺎ ﺋﯜﻣﯩﺪﯞﺍﺭﻟﯩﻖ، ﻗﻪﺗﺌﯩﻲ ﺋﯩﺸﻪﻧﭻ، ﻳﯜﻛﺴﻪﻙ ﺋﯩﺮﺍﺩﻩ ﯞﻩ ﺋﺎﻣﻪﺕ ﺗﯩﻠﻪﻳﻤﻪﻥ. ﻫﻪﻣﻤﻪﻳﻠﻪﻧﻨﯩﯔ ﺋﯚﺯ ﺋﯩﺴﺘﯩﻘﺒﺎﻟﯩﻨﻰ ﺗﯧﭙﯩﺶ ﻳﻮﻟﯩﺪﺍ ﻫﻪﺭﮔﯩﺰﻣﯘ ﺗﻮﺧﺘﺎﭖ ﻗﺎﻟﻤﺎﺳﻠﯩﻘﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ.
ﺋﺎﺧﯩﺮﯨﺪﺍ ﺩﯦﻤﻪﻛﭽﻰ ﺑﻮﻟﻐﯩﻨﯩﻢ، ﺑﯩﻠﯩﺪﯨﻐﺎﻧﻠﯩﺮﯨﻤﻨﯩﯔ ﭼﻪﻛﻠﯩﻚ، ﯞﺍﻗﺘﯩﻤﻨﯩﯔ ﺯﯨﭽﻠﯩﻘﻰ ﺗﯜﭘﻪﻳﻠﯩﺪﯨﻦ ﺑﻪﺯﻯ ﻣﻪﺯﻣﯘﻧﻼﺭﻧﯩﯔ ﻣﯘﻛﻪﻣﻤﻪﻝ ﯞﻩ ﭘﯜﺗﯜﻧﻠﻪﻱ ﺧﺎﺗﺎﻟﯩﻘﻼﺭﺩﯨﻦ ﺧﺎﻟﯩﻲ ﺑﻮﻟﯘﺷﯩﻐﺎ ﻛﺎﭘﺎﻟﻪﺗﻠﯩﻚ ﻗﯩﻠﻤﺎﻕ ﻫﻪﻗﯩﻘﻪﺗﻪﻧﻤﯘ ﺗﻪﺱ. ﺷﯘﯕﺎ ﻛﻪﯓ ﺗﻮﺭﺩﺍﺷﻼﺭﻧﯩﯔ ﺧﺎﺗﺎﻟﯩﻘﯩﻼﺭﻧﻰ ﺑﺎﻳﻘﯩﻐﺎﻥ ﻫﺎﻣﺎﻥ، ﻣﻪﻳﻠﻰ ﺋﯘ ﺋﯩﻤﻼ ﺧﺎﺗﺎﻟﯩﻘﻰ ﯞﻩ ﻳﺎﻛﻰ ﻣﻪﻧﺘﯩﻘﯩﮕﻪ ﺋﯘﻳﻐﯘﻥ ﻛﻪﻟﻤﻪﻳﺪﯨﻐﺎﻥ ﺳﯚﺯ - ﺟﯜﻣﻠﯩﻠﻪﺭ ﺑﻮﻟﺴﯘﻥ، ﺩﻩﺭﻫﺎﻝ ﻣﻪﻥ ﺑﯩﻠﻪﻥ ﺋﯧﻠﯩﺨﻪﺕ ﺋﺎﺭﻗﯩﻠﯩﻖ ﺋﺎﻻﻗﯩﻠﯩﺸﯩﭗ، ﺗﯜﺯﯨﺘﯩﺶ ﺑﯧﺮﯨﺸﯩﻨﻰ ﺋﯜﻣﯩﺪ ﻗﯩﻠﯩﻤﻪﻥ. ﺑﯘ ﺗﻮﺭ ﺑﻪﺗﻨﯩﯔ ﻣﻪﺯﻣﯘﻧﯩﻨﯩﯔ ﺗﯧﺨﯩﻤﯘ ﺋﯧﻨﯩﻖ ﯞﻩ ﻣﻮﻝ ﺑﻮﻟﯘﭖ ﺗﻪﺭﻩﻗﻘﯩﻲ ﻗﯩﻠﯩﺸﯩﻐﺎ ﻫﻪﻣﻤﻪﻳﻠﻪﻧﻨﯩﯔ ﺋﺎﺯﺩﯗﺭ - ﻛﯚﭘﺘﯘﺭ ﻛﯜﭺ ﭼﯩﻘﯩﺮﯨﺸﯩﻨﻰ ﭼﯩﻦ ﻛﯚﯕﻠﯜﻣﺪﯨﻦ ﺋﯜﻣﯩﺪ ﻗﯩﻠﯩﻤﻪﻥ!
ﻣﻪﻫﻤﯘﺩ ﺋﺎﺑﻠﯩﺰ
2007 - ﻳﯩﻞ، ﻧﻮﻳﺎﺑﯩﺮ